1 Korɛ̃tɩ 10
10
A Pol kpaalɛ nɩ a Korɛ̃tɩ tẽw dem a tɩbɛ ƴãw
1 Yɛbr i, a yele na ta a tɩ sãàkʋm-kore a Moyiir daar a, ɩ̃ bɛ bɔbr kɛ́ nyɩ ɩ zɔn a ƴãw ɛ. Bɛ za nɛbɛ a zũzuwr tɩ piw tɛr, bɛ za nɛbɛ tɩ kpɛ gãw a Kʋ̃ɔ-kpɛ̃ɛ-zɩɛ#10:1 Nyɛ̃ Ety 13.21-22, 14.22-29.. 2Bɛ za nɛbɛ tɩ lãw nɩ a Moyiir de a suob a zũzuwr pʋɔ nɩ a Kʋ̃ɔ-kpɛ̃ɛ-zɩɛ pʋɔ. 3Bɛ za nɛbɛ tɩ dɩ a Naaŋmɩn Vʋʋrʋ bʋ̃-dɩ-been, 4ɛ́ nyũ a Naaŋmɩn Vʋʋrʋ bʋ̃-nyúura been: Naaŋmɩn Vʋʋrʋ pìir kãw na tɩ bɩɛlɛ bɛ a pʋɔ n'a kʋ̃ɔ tɩ yire bɛ nyúur#10:4 A kan-nɛ́ɛ 3 nɩ a 4 ƴãw a, nyɛ̃ Ety 16.4-35, Wl-ayi 8.3, Sɔr-n 20.8-11.: a pìir nɛ tɩ ɩ n a Kɩrɩta. 5Ɛcɛ a bɛ yaga zie bɛ tɩ pɛlɩ a Naaŋmɩn pʋɔ ɩ, lɛ so bɛ tɩ kpi pàw a wɛja-kpalɛ#10:5 Nyɛ̃ Sɔr-n 14.16..
6A yele á ŋá ɩ na, k'aa tʋ̃ɔ́ ɩ wulu a tɩ zie, kɛ́ tɩ taa bɔbr a yel-faa mɛ̃ a bɛl na tɩ dãw bɔ a a ɩ#10:6 Nyɛ̃ Sɔr-n 11.4.. 7Nyɩ taa lɩɛbɛ nɩbɛ na maalɛ tɩbɛ a ɩ, mɛ̃ a lɛ bɛ mɩnɛ kãw na tɩ ɩ a bɛ pʋɔ a ɩ, mɛ̃ a lɛ bɛ na sɛb a: «A nɩ-bʋʋrɛ tɩ zɩ̃ na kɛ́ bɛ dɩ ɛ́ nyũ, al pùorí bɛ ìr kɛ́ bɛ dɩ̃ɛnɩ#10:7 Nyɛ̃ Ety 32.6..» 8Tɩ mɩ̀ ta tuur a pɩ̃ɔ-yele pùor mɛ̃ a lɛ a bɛ mɩnɛ kãw na tɩ ɩ a bɛ pʋɔ a ɩ: bɛ kpi n bibi-been ta nɩbɛ tùr-lɩzɛr'ɩ ata (23 000)#10:8 Nyɛ̃ Sɔr-n 25.1-9.. 9Tɩ mɩ̀ ta ɩrɛ a Sore kaar ɛ, mɛ̃ a lɛ a bɛ mɩnɛ kãw na tɩ ɩ a bɛ pʋɔ a ɩ: wɩɩr kʋ bɛ na. 10Nyɩ ta buule zɛbr'ɩ mɛ̃ a lɛ a bɛ mɩnɛ kãw na tɩ ɩ a bɛ pʋɔ a ɩ: a kũu malkɩ tɩ kʋ bɛ na pàw pɛr.
11A yele á ŋá tɩ ta bɛ na k'aa ɩ wulu, ɛ́ bɛ sɛb'ɩ a yele á ŋá a tɩɩm wulu ƴãw, tɩɩm na be a yele baarʋ vuo pʋɔ a. 12A na ɩ à ŋá a, nɩr wa tɩɛrɛ k'ʋʋ àr'ɩ saaƴẽwn a, ʋ gù vla taa lore ɩ. 13A bɛlʋ al za na ta nyɩ a, ɩ n a al na tarɛ a nɩsaalbɛ a. A lɛ a Naaŋmɩn na yel k'ʋʋ na ɩ na a, ʋ bɛ mɩ́ lɩɛb'a bɛr ɛ, ɛ́ bɛ mɩ́ lɛb sàw kɛ̀ bɛ̀lʋ na zuo a nyɩ fãw a ta nyɩ ɛ. A bɛ̀lʋ wa ta nyɩ a, ʋ na kʋ̀ nyɩ nɩ a fãw nyɩ tʋ̃ɔ́ a bɛ̀lʋ, ɛ́ yi zaa a bɛ̀lʋ pʋɔ.
14Alɛ so, ɩ̃ nɩ-nɔnɩ i, nyɩ zɔrɛ dɛrɛ a tɩbɛ maalʋ. 15Ɩ̃ ƴɛ̀rɛ nɩ a nyɩ zie mɛ̃ nɩbɛ na bãw yã a zie. Nyɩ mɩŋa za nyɩ jieli nyɛ̃ a lɛ ɩ̃ na yere a. 16A yãanɩ koli-nyúura tɩ na mɩ́ puore nɩ a yãanɩ a, a Kɩrɩta zɩ̃ɩ pʋɔ bɛ n'a tɩ mɩ́ pʋɔ ɩ? A dipɛ̃ tɩ na mɩ́ ŋmarɛ pone a, a Kɩrɩta ƴã-gan pʋɔ bɛ n'a tɩ mɩ́ pʋɔ ɩ?#10:16 Nyɛ̃ Luk 22.19, 1Ko 11.23-26. 17Dipɛ̃-been na n'ʋ a, a tɩɩm nɩ-yaga bɛ ŋa za, tɩ ɩ n ƴã-gã-been, a tɩ za na mɩ́ lãw 'wɔb a dipɛ̃-been a ƴãw.
18Nyɩ nyɛ̃ a Ɩsɩrayɛl bʋʋrɛ nɩbɛ a: a bɛlɩ dem na 'wɔbr a nɛnɛ bɛ na de kʋ̀ a Naaŋmɩn a, bɛ bɛ mɩ́ lãw nɩ a Naaŋmɩn na so a bàwr-maal-kuur a bɩɩ? 19Bʋ̃ʋ n'ʋ ɩ̃ bɔbr k'ɩ̃ɩ yel? K'aa nɛn bɛ na kʋ ƴãw a tɩɩb ƴãw a, bɩɩ k'aa tɩɩb ɩ n bʋ̃-sɩza bɩɩ? 20Ʋ̃ʋ'hʋ̃! Ɩ̃ yere na k'aa bàwr-maal-nɛnɛ a tɩbɛ dem na kʋrɛ a, kɔ̃tɔmɛ n'a bɛ kʋrɛ kʋ̀rɛ, Naaŋmɩn bɛ n'ʋ ɛ. Ɩ̃ɩ bɛ bɔbr kɛ́ nyɩ lãw nɩ a kɔ̃tɔmɛ ɩ. 21Nyɩ kʋ̃ tʋ̃ɔ́ mɩ́ nyũ a Sore koli-nyúura ɛ́ mɩ̀ lɛb nyũ a kɔ̃tɔmɛ dem ɛ, nyɩ kʋ̃ tʋ̃ɔ́ mɩ́ pʋɔ a Sore dɩb pʋɔ ɛ́ mɩ̀ lɛb pʋɔ a kɔ̃tɔmɛ dem pʋɔ ɩ. 22Bɩɩ tɩ bɔbr'a kɛ́ tɩ ɩ a Sore nyuur ìr bɩɩ? Tɩ tɛr'ɩ fãw zuo ʋ bɩɩ?
Bom nɛ za tɩ na ɩrɛ a, a ɩ a Naaŋmɩn yúor-vɩɛlʋ-danʋ ƴãw
23Nyɩ mɩ́ yel'a: «Sɔ́r be n be bom za ƴãw». Sɩza n'a, ɛcɛ bom za bɛ sɛw taa nɩ ɛ! «Sɔ́r be n be bom za ƴãw», ɛcɛ a za bɛ maalɛ a lãw ɛ. 24Kãw za ta mɩ́ bɔbr a ʋ tɔnɛ tɛwr ɛ, ʋ mɩ́ bɔbr a ʋ tɔ dem.
25Bom za bɛ na kʋɔrɛ dàa pʋɔ a, nyɩ dɩrɛ ʋ ɛ́ ta bɛr a nyɩ tɩɛrʋ sowre nyɩ bom ɛ. 26Bʋ̃ʋ n'ʋ vɛ̃, mɛ̃ a lɛ bɛ na sɛb a: «A Sore so a tẽsɔw nɩ a ʋ pʋɔ bome za#10:26 Nyɛ̃ Ssy 24.1..»
27Nɩr na bɛ sàw de a Sore a, ʋlɛ wa bʋɔlɩ nyɩ nyɩ sàw cen a ʋ bʋɔlʋ a, nyɩ tɩ dɩrɛ bom nɛ za ʋ na kʋ̀rɛ nyɩ a, ɛ́ ta bɛr a nyɩ tɩɛrʋ sowre nyɩ bom ɛ. 28Ɛcɛ nɩr wa yel kʋ̀ nyɩ kɛ́ bɛ kʋ n a nɛn ŋa ƴãw tɩɩb ƴãw a, nyɩɩm taa 'wɔbr ʋ ɛ, a sob nɛ na yel kʋ̀ nyɩ a zũú, nɩ a nyɩ tɩɛrʋ zũú. 29A ka a, a nyɩ tɩɛrʋ ƴɛ̀rʋ bɛ n'a ɩ̃ ƴɛ̀rɛ ɩ, a sob nɛ na yel kʋ̀ nyɩ a, tɩɛrʋ n'ʋ ɩ̃ yere.
Bʋ̃ʋ n'ʋ vɛ̃, bʋ̃ʋ ƴãw n'a nɩ-yũo tɩɛrʋ na bãwnɛ a ɩ̃ tʋɔra sob yele? 30Mãa mɩ́ wa puori a Naaŋmɩn yãanɩ ɛ́ dɩ a ɩ̃ bʋ̃-dɩra a, bʋ̃ʋ ƴãw n'a bɛ na yere mɛ̃ bʋ̃-dɩra ƴãw ɩ̃ na puori a Naaŋmɩn yãanɩ a?
31A na ɩ à ŋá a, dɩb'a nyɩ dɩrɛ bɩɩ nyub'a nyɩ nyúur a, bom nɛ za nyɩ na ɩrɛ a, nyɩ ɩrɛ a za a Naaŋmɩn yúor-vɩɛlʋ-danʋ ƴãw. 32Nyɩ ta ɩrɛ bom na na ɩ nɩr faa lo a ɩ, a Zifʋ mɩnɛ zie bɩɩ a bɛl na bɛ ɩ Zifʋ mɩnɛ a zie bɩɩ a Naaŋmɩn Lãw-yir zie ɩ. 33Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.
Đang chọn:
1 Korɛ̃tɩ 10: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.