1 Korɛ̃tɩ 13
13
A lɛ a nɔ̃wfʋ na ŋmɛ̃ a
1Mãa saa ɩ mɛ̃ ɩ̃ ƴɛ̀rɛ nɩ a ƴɛ̀r-pɛ-bʋʋrɛ za a, a nɩsaalbɛ dem nɩ a malkɩ mɩnɛ dem a, ɛ́ mãa bɛ wa tɛr a nɔ̃wfʋ a, ɩ̃ ɩ na mɛ̃ kure bɛ na ŋmɩɛr ʋ kone yire a, bom bɛ na ŋmɩɛr ʋ pàwr gɔmɛ a. 2Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ. 3Mãa saa de a ɩ̃ bʋ̃-tɛrɩ za põ kʋ̀ a kɔ̃ dem, mãa saa de a ɩ̃ ƴã-gan ƴãw vũumí a, mãa bɛ wa tɛr a nɔ̃wfʋ a, ɩ̃ bɛ páwr bom za a pʋɔ ɩ.
4A nɔ̃wfʋ tɛr'ɩ su-nyɔwra, ʋ sõwne nɩ nɩbɛ, ɛ́ bɛ kpɛ nyuur ɛ, ʋ bɛ wule ʋ tʋɔra ɩ, ʋ bɛ ɩrɛ pɔ̀lʋ ɛ, 5ʋ bɛ ɩrɛ vĩ yele ɩ, bɛ bɔbr ʋl yõ tɔnɛ ɩ, ʋ bɛ nyɛrɛ suur ɛ, bɛ tɛr pʋ-bier ɛ, 6ʋ bɛ cɩlɛ a yel-na-bɛ-tu-sɔr-a ƴãw ɛ, yel-mɩŋa ƴãw n'a ʋ mɩ́ cɩlɛ. 7A nɔ̃wfʋ mɩ́ de nɩ yel za bɛr a baarɩ, ʋ mɩ́ tɛr'ɩ a naaŋmɩn-sàw-deb a yele za pʋɔ, lãwnɩ a tɩɛrʋ ʋ na ƴãw a Naaŋmɩn ƴãw a, ɛ́ mɩ́ nyɔw ʋ tʋɔra bom za ƴãw.
8A nɔ̃wfʋ bɛ tɛr nãà tɔl ɛ. A naaŋmɩn-ƴɛ̀r-manɛ tome na baar'ɩ bibir kãw, a ƴɛ̀r-pɛ-bʋʋrɛ ƴɛ̀rʋ na kpiir'a, a bãwfʋ na baar'a. 9Bʋ̃ʋ n'ʋ vɛ̃, a tɩ bãwfʋ ɩ n ŋmaarɛ ŋmaarɛlɛ, ɛ́ a tɩ naaŋmɩn-ƴɛ̀r-manɛ tome tɛr tɛwfʋ zie. 10Ɛcɛ a vɩɛlʋ za bio wa vɩɛ a, a al na vɩɛl cɛ ŋmãa a, na baar'a.
11Ɩ̃ na tɩ ɩ bibile a, ɩ̃ tɩ ƴɛ̀rɛ na mɛ̃ bibile a, ɩ̃ tɩ tɩɛrɛ na mɛ̃ bibile a, ɛ́ a ɩ̃ yã tɩ ɩ bibi-yã. Ɛcɛ, ɩ̃ na wa ɩ nɩ-kpɛ̃ɛ baar'a, ɩ̃ bɛr'ɩ a bibi-ɩb. 12Ƴɛrɛŋa a, caala pʋɔ n'a tɩ jɩ́rɛ mɩ́ nyɛ̃ a bom ʋ bɛ maal sãá ɩ, ɛcɛ a nɩdaar a, tɩ na mɩ́ càar'a nyɛ̃. A ƴɛrɛŋa a, a ɩ̃ bãwfʋ tɛr'ɩ tɛwfʋ zie, nɩdaar a, ɩ̃ na bãw nɩ a Naaŋmɩn vla mɛ̃ a lɛ ʋ na bãw mɛ̃ a.
13A na ɩ à ŋá a, a ƴɛrɛŋa a, a naaŋmɩn-sàw-deb, a ƴãw a tɩɛrʋ a Naaŋmɩn ƴãw, nɩ a nɔ̃wfʋ be n be a za ata, ɛcɛ a za ata pʋɔ a, a nɔ̃wfʋ n'ɩ a kpɛ̃ɛ.
Đang chọn:
1 Korɛ̃tɩ 13: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.