1 Korɛ̃tɩ 12
12
A maalʋ a Vʋʋrʋ Sõw na tɩrɛ a
1 Yɛbr i, ɩ̃ bɛ bɔbr kɛ́ nyɩ ɩ zɔn a maalʋ a Vʋʋrʋ Sõw na tɩrɛ a ƴãw ɛ. 2Nyɩ bãwnɩ a na, a lɛn daar nyɩ na tɩ cãà ɩ a tɩbɛ nɩbɛ a, a bɛ mɩ́ tɩ tɛr nyɩ na kʋ̃ cen a tɩbɛ na bɛ tɛr nʋɔr ƴɛ̀rɛ a zie ɩ. 3Alɛ n'a so ɩ̃ bɔbr kɛ́ nyɩ bãw a yel ŋa: nɩr za Naaŋmɩn Vʋʋrʋ na ƴãw ʋ ƴɛ̀rɛ a, ʋ bɛ yere: «A Yeezu, ʋ ɩ nɩ-ŋmɛ-ƴãwna ɩ!», ɛ́ alɛ bɛ ɩ a Vʋʋrʋ Sõw zũú a, nɩr kʋ̃ tʋ̃ɔ́ yel: «A Yeezu ɩ n Sore ɩ!»
4A Naaŋmɩn maalʋ ɩ n tɛɛtɛɛ, ɛ́ yi a Vʋʋrʋ Sõw been zie. 5A tõ-nɛ́ɛ ɩ n tɛɛtɛɛ, ɛcɛ a Sore been n'ʋ bɛ tone. 6A yele na maalɛ a ɩ n tɛɛtɛɛ, ɛcɛ Naaŋmɩn-been n'ʋ maalɛ a za a nɩbɛ za zie. 7A Vʋʋrʋ Sõw maalʋ mɩ́ sãá nɩ ŋa za zie a bɛ za vla ƴãw. 8A kãw a, ƴɛ̀rʋ na tu yã-bãwfʋ a n'ʋ a Vʋʋrʋ Sõw kʋ̀ ʋ, ɛ́ a kãw ƴɛ̀rʋ tu zanʋ ʋ na zanɩ bãw a, ɛ́ a cãà yi a Vʋʋrʋ Sõw been nɛ zie. 9Naaŋmɩn-sàw-deb na bɛ tɛr ʋ tɔ a n'ʋ kãw páw a Vʋʋrʋ ŋa tɔr za zie, ɛ́ ƴen sob páw bàalbɛ sanʋ maalʋ a Vʋʋrʋ Sõw been yõ ŋa zie. 10Kãw páw nɩ nɔ-ɓãa-yele maalʋ fãw, ƴen sob páw naaŋmɩn-ƴɛ̀r-manɛ tome maalʋ, ŋa sob ʋl páw nɩ maalʋ mɩ́ bãw a vʋʋr-bɛlɛbɛlɛ nɩ a Vʋʋrʋ Sõw tɔr za, kãw páw nɩ a ƴɛ̀r-pɛ-bʋʋrɛ ƴɛ̀rʋ fãw, ɛ́ kãw bãw a ƴɛ̀rʋ á ŋá pɛ́ɛ íru. 11Ɛcɛ a Vʋʋrʋ Sõw been yõ ŋa tɔr za n'ʋ maalɛ à à ŋá za. Ʋlɛ n'ʋ pone a maalʋ tɛɛtɛɛ kʋ̀rɛ a nɩbɛ been been, mɛ̃ a lɛ ʋ na bɔbr a.
A ƴã-gan ɩ n been ɛ́ tɛr ɓɛrmɛ yaga
12Mɛ̃ a lɛ a ƴã-gan na ɩ been ɛ́ tɛr ɓɛrmɛ yaga, ɛ́ a ɓɛrmɛ na saa yãwmɛ, ɓã taa ɩ ƴã-gan been yõ a, lɛ n'a a mɩ̀ ŋmɛ̃ a Kɩrɩta zie. 13Bʋ̃ʋ n'ʋ vɛ̃, Vʋʋrʋ been pʋɔ n'a tɩ za de a suob kɛ́ tɩ tʋ̃ɔ́ ɩ ƴã-gã-been, tɩmɛ saa ɩ Zifʋ bɩɩ bɛ ɩ a Zifʋ a, gbãgbaar bɩɩ nɩbɛ na so bɛ tʋɔra a. Ɛ́ a tɩ za a, a Vʋʋrʋ Sõw been yõ n'ʋ ɓãá a tɩ kʋ̃ɔ-nyúur.
14Ɓɛrmɛ been yõ bɛ n'ʋ a ƴã-gan mɩ́ tɛr ɛ, ɓɛrmɛ yaga n'a. 15A gbɛ́r tɩ ɩ mɛ̃ ʋ yel'a: «Ɩ̃ bɛ ɩ nũu ɛ, ɩ̃ bɛ pʋɔ a ƴã-gan pʋɔ ɩ», al ƴãw n'a ʋ kʋ̃ʋ cãà pʋɔ a ƴã-gan pʋɔ bɩɩ? 16A tobr tɩ ɩ mɛ̃ ʋ yel'a: «Ɩ̃ bɛ ɩ mimir ɛ, ɩ̃ bɛ pʋɔ a ƴã-gan pʋɔ ɩ», al ƴãw n'a ʋ kʋ̃ʋ cãà pʋɔ a ƴã-gan pʋɔ bɩɩ? 17A ƴã-gan za tɩ ɩ mimir yõ a, nyɩnɛ n'a a tobe nãá tɩ be? Ʋʋ za tɩ ɩ tobe a, nyɩnɛ n'a a nyʋɔr nãá be? 18Ɛcɛ Naaŋmɩn ƴãw nɩ a ɓɛrmɛ been been a ƴã-gan mɛ̃ a lɛ ʋ na bɔbr a. 19A za tɩ ɓã taa ɩ ɓɛrmɛ been yõ tẽtẽ a, nyɩnɛ n'a a ƴã-gan nãá be? 20A na ɩ lɛ a, ɓɛrmɛ yaga n'a be be, ʋʋ ɩ ƴã-gan been yõ.
21A mimir kʋ̃ tʋ̃ɔ́ yel a nũu: «Ɩ̃ bɛ tɛr fʋ yel-ɩra ɩ», ɛ́ a zu mɩ̀ kʋ̃ tʋ̃ɔ́ yel a gbɛ́ɛ: «Ɩ̃ bɛ tɛr nyɩ yel-ɩra ɩ.» 22Mɔ̃ mɩ̀, a ƴã-gan ɓɛrmɛ al na mɩ́ sãá mɛ̃ a bɛ tɛr fãw towtow a, a fɛr'a kɛ́ a be be. 23Ɛ́ a al tɩ na mɩ́ nyɛ̃ a bɛ sɛwnɩ ƴãwfʋ yaga a, alɛ n'a tɩ nɩ̃ɛ mɩ́ ƴãwnɛ yaga. A ƴã-gã-ɓɛrmɛ al na ɩrɛ tɩ vĩ a, tɩ ƴãwnɛ a nɩ yaga, 24a al na bɛ ɩrɛ tɩ vĩ a, ƴãwfʋ bɛ fɛrɛ ɩ. Naaŋmɩn maal'ɩ a ƴã-gan, kɛ́ a ɓɛrmɛ al na bɛ maal tɛr ƴãwfʋ a, nyɛrɛ ƴãwfʋ. 25Ʋ ɩ n à ŋá, kɛ́ bʋ́r-taa ta be a ƴã-gan pʋɔ ɩ, ɛcɛ a ƴã-gã-ɓɛrmɛ lãw kaarɛ taa zie. 26A ƴã-gã-ɓɛrmɛ kãw wa wone tuo a, a ƴã-gã-ɓɛrmɛ za lãw nɩ ʋ na wone a tuo. A ƴã-gã-ɓɛrmɛ kãw wa nyɛrɛ ƴãwfʋ a, a ƴã-gã-ɓɛrmɛ za pʋɔ nɩ a ʋ nʋ̃ɔ̀ pʋɔ.
27Nyɩ ɩ n a Kɩrɩta ƴã-gan, ɛ́ ŋa za ɩ a ƴã-gan ŋa ɓɛrmɛ. 28A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a. 29Bɛ za nɛbɛ ɩ nɩ-toni bɩɩ? Bɛ za nɛbɛ ɩ naaŋmɩn-ƴɛ̀r-manbɛ ɛ? Bɛ za ɩ n wul-wulbɛ ɛ? Bɛ za maalɛ nɩ nɔ-ɓãa-yele bɩɩ? 30Bɛ za nɛbɛ páw a bàalbɛ sanʋ maalʋ ʋ? Bɛ za nɛbɛ ƴɛ̀rɛ a ƴɛ̀rʋ nɩr na bɛ wone a bɩɩ? Bɛ za nɛbɛ bãw a ƴɛ̀rʋ á ŋá taabɛ pɛ́ɛ íru bɩɩ? 31Nyɩ bɔbr a Naaŋmɩn maal-bɛrɛ bɛrɛ.
Ɩ̃ɩ na cãà na wul nyɩ sɔ́r kãw na vɩɛl gãw a za a.
Đang chọn:
1 Korɛ̃tɩ 12: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.