Markɩ Sɛbɛ 3
3
A DABA NUU NA KPI ƳƐRƖ̃
(Mat 12.9-14, Lu 6.6-11)
1A *Jeeju lɛ kpɛ na a *puorfʋ yir pʋɔ. A be, daba kãw be na be a nuu na kpi. 2A bala na be a be jʋʋrɔ na a Jeeju ala ɩ̃ ɩ ʋ na kpɛmɛ na a daba nuu a *bibi-ciiraa dayen, a-na-ɩ ba dãa na bʋɔrɔ ba ƴɔ̃w ʋ ƴɛrɩ̃. 3A Jeeju yel a daba ʋlɔ a nuu na kpi:
“Ir ɩraa a nɩbɛ nii-sɔw.” 4A ala ɩ̃ baar ʋ yel ba:
“A bibi-ciiraa dayen, sɔr be na be a nɩrɛ na maal vɩlaa, mɩɩ a bier? Sɔr mɩ be na be ʋ na faa nɩrɛ, mɩɩ ʋ na kú ʋ?” Ɩ̃-cɛ baa haa nʋɔr wa. 5Ʋ ꞌwuor ba na kpa ba jaa, a suur nyɔw ʋ lãa ɩ nɩ ʋ ni-sɔbaa a ba pʋʋr tomofʋ ɩnɛ, ʋ yel a daba:
“Dɔl a fʋ nuu,” ʋ dɔl, a nuu lɛ kpɛmɛ a mɩnɛ ʋ na dãa be. 6A *Farɩsɩ nɩbɛ yi na goro taa a jie naan nɩ a *Ɛrɔdɩ nɩbɛ a mɩnɛ ba na ɩrɛ ɩ̃ kúrɔ a Jeeju.
A JEEJU KPAARʼÃ A NƖ-YAW WƲLƖ̃SƖ
7A *Jeeju cenʼɩ̃ na a ʋ *par-tuurbe a Galile man nʋɔr, ɩ̃ a nɩ-yaw pɔw ʋ na cenʼɩ̃ a be. A nɩbɛ bala yi na a Galile nɩ a Jude, 8a Jerujalɛm nɩ a Idume, a Jʋrdɛ̃ man gaan nɩ a Tɩɩr nɩ a Sɩdɔ̃ wɩɛr. Ba wa na yayaw a ʋ jie a lɛ, a-na-ɩ ba wõ na a ala ʋ na maala. 9A Jeeju ƴɔ̃w na a ʋ par-tuurbe á bá bin ʋ gbor a mɩnɛ a nɩbɛ kɔ̃ wa fʋr ʋ wa, 10a-na-ɩ a nɩ-yaw wʋlɩ̃sɩ ʋ na kpaara, a nɩbɛ bala ba jaa a wʋlɩ̃sɩ na vɔwrɔ dara na taa wɩɛrɛ a ʋ sɛ̃ a ʋ sɩɩrfʋ ɩnɛ. 11Ɩ̃ a kɔ̃tɔn-bebe wa nyɛ ʋ, ba ma lo na a ʋ nii-sɔw ɩ̃ wuure yele: “Fʋ ɩ na a Naaŋmɩn Bie.” 12Ɩ̃-cɛ a Jeeju kpãa ba na kpãkpan á bá taa yele a sʋbɔ ʋlɔ ʋ na ɩ wa.
A NƖ-TƲNƖSƖ PIE-NʼAYI A JEEJU NA BIIN
(Mat 10.1-4, Lu 6.12-16)
13A ala ɩ̃ baar, a *Jeeju do na a tãw juu. Ʋ bʋɔlʼã a nɩbɛ bala ʋ na bʋɔrɔ a ba wɩ a ʋ sɛ̃, 14ʋ biin nɩbɛ pie-nʼayi a ba na lãa be nɩ ʋ, ɩ̃ a ʋ na tʋ̃ ba a ba cen na hier a Naaŋmɩn ƴɛrɩ̃, 15ɩ̃ mɩ tɛrɛ a tʋɔfʋ na ba diw nɩ a kɔ̃tɔnsɩ. 16A nɩbɛ pie-nʼayi bala ʋ na biin ɩ na: a Sɩmɔ̃ a Jeeju na pʋr a yuor Pɩɛr, 17nɩ a Jebede bi-dabsɩ Jakɩ nɩ a Jã, a Jeeju na mɩ pʋr a Bɔɔnɛjɛsɩ, a lɛ yelʼã “A gɔ̃-pɔɔrbɔ.” 18A bala na tuure ɩ na a Ãdire nɩ a Fɩlɩpɩ, a Batelemi, a Matie, a Tomasɩ, a Alfe bi-daba Jakɩ, a Tade, a Sɩmɔ̃ na ma jɛrɛ, 19nɩ a Judasɩ Isikaryɔtɩ, a ʋlɔ nɔɔ diere a Jeeju a juu.
A JEEJU YIR DEME NA BƲƆRƆ BA NYƆW Ʋ
20A *Jeeju lɛ lɩɛbʼã kul a yir, ɩ̃ a nɩ-yaw lɛ duo pɔw a yir, a Jeeju nɩ a ʋ *par-tuurbe ma dãa nyɛ nĩe fɩ̃ɩ na dɩ bom wa. 21A mɩnɛ a ʋ yir deme na wõ a lɛ, ba irʼã cere a ʋ nyɔwfʋ jie, a-na-ɩ ba yelʼã áa juu bɔr ʋ na.
A NAAŊMƖN SƖƐ YO-SÃWFƲ
(Mat 12.22-32, Lu 11.14-23, 12.10)
22A *ƴɛr-kpɛn-bɔɔnbɔ na dãa yi a Jerujalɛm yelʼã áa *Bɛɛjɛbul na ɩ a Satã ɩ̃ tɛrɛ ʋ, áa kɔ̃tɔnsɩ nɩ-kpɛ̃ɛ ʋlɔ fãw ʋ diwre nɩ a kɔ̃tɔnsɩ bara. 23A *Jeeju bʋɔl ba ɩ̃ lɔb a sʋkpar yel ba:
“Mɩnɛ a Satã na ɩ ɩ̃ diw a Satã bar? 24A ala ɩ̃ ɩ a tẽw varʼã ayi lɩɛb jɛbɛ taa, a tẽw ʋlɔ ma tʋɔrɔ kama wa, 25ɩ̃ a ala ɩ̃ ɩ a yir varʼã ayi ɩ̃ lɩɛb jɛbɛ taa, a yir ʋlɔ ma tʋɔrɔ kama wa. 26A lɛ ʋ, a ala ɩ̃ ɩ a Satã irʼã lɩɛb jɛbɛ nɩ a ʋ mɩ̃ɛ, a ʋ tʋɔfʋ varʼã ayi ɩ̃ ma mɩ tʋɔrɔ kama wa; ʋ ta na a ʋ baarfʋ.
27“Nɩrɛ ma tʋɔrɔ kpɛɛrɛ gãdaa yir wobo a ʋ yele ɩ̃ a ala ma ɩ ʋ dãa na de nĩe nyɔw a gãdaa ʋlɔ lũ wa. A lɛ ʋ na tʋɔ woor a ʋ yele a jaa a yir pʋɔ.
28“Yel-mɩ̃ɛ ɩ̃ yele nyɩ, a maal-faar a nɩbɛ na maal nɩ a Naaŋmɩn yo-sãwfʋ a jaa a ba jie, a Naaŋmɩn na de na bar kʋ ba, 29ɩ̃-cɛ a nɩrɛ ʋlɔ na wa sãwna a Naaŋmɩn Sɩɛ yuor, aa be a Naaŋmɩn na de a ʋ fãa bar kʋ ʋ wa. Ʋ maalʼã a fãa na ma be a barfʋ wa.”
30A Jeeju ƴɛrʼã a lɛ a-na-ɩ ba yelʼã á kɔ̃tɔn bier ɩ̃ tɛrɛ ʋ.
A JEEJU MÃ NƖ A Ʋ YƐƐR
(Mat 12.46-50, Lu 8.19-21)
31A *Jeeju mã nɩ a ʋ yɛɛr ta na ɩraa a yẽw, ɩ̃ tʋ̃ a ba bʋɔl ʋ. 32Nɩ-yaw dãa na jɛ jilĩ kolĩ ʋ ɩ̃ a ba yel ʋ:
“Nyɛ, a fʋ mã nɩ a fʋ yɛɛr ɩraa na be a yẽw ɩ̃ bʋɔrɔ fʋ.” 33Ʋ yel ba:
“Ala ɩ̃ ɩ a ɩ̃ mã, ɩ̃ ala ɩ̃ ɩ a ɩ̃ yɛɛr?” 34A mɩnɛ ʋ na yel a lɛ; ʋ dʋɔ na ꞌwuor a bala na jɛ jilĩ kolĩ ʋ ɩ̃ yel:
“Nyɛ a ɩ̃ mã nɩ a ɩ̃ yɛɛr, 35a-na-ɩ a nɩrɛ ʋlɔ na maala a Naaŋmɩn pʋ-tɩɛrʋ̃, ʋlɔ ɩ̃ ɩ a ɩ̃ yɛbɛ, ʋlɔ ɩ̃ ɩ a ɩ̃ yɛ-pɔw, ʋlɔ ɩ̃ ɩ a ɩ̃ mã.”
Đang chọn:
Markɩ Sɛbɛ 3: BNT93
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Le Nouveau Testament en langue birifor © Alliance Biblique au Burkina Faso, 1993.
