Markɩ Sɛbɛ 4
4
A CI YAARƖ̃FƲ SƲKPA
(Mat 13.1-9, Lu 8.4-8)
1A *Jeeju lɛ nyɔw na a ƴɛrɩ̃ mana a man gbẽgbere nʋɔr. A nɩ-yaw tiw na kolĩ ʋ, ʋ kpɛ a gbor pʋɔ jɛ be a kʋ̃ɔ pʋɔ, ɩ̃ a nɩbɛ ba jaa be a man gbẽgbere nʋɔr. 2A sʋkpar ʋ lɔbɔ mana nɩ ba a ƴɛrɩ̃sɩ yayaw. Ʋ mana ba na yele:
3“Nyɩ́ cɛlɛ! Daba kãw yi na a ci yaarɩ̃fʋ jie. 4A mɩnɛ ʋ na yaara, a ci ŋmɛɛ lo na a sɔr nʋɔr, a lili wa nɩɩr dɩ. 5A ci ŋmɛɛ lo a gbãgbanɩ̃, a jie a tana na ma bɔ̃w be wa. A jie naan a bulʼã a-na-ɩ a tana ma bɔ̃w be a jie ʋlɔ wa. 6Ɩ̃ a lɛ a mɔtɔ̃w na nyɩ̃ɛ vuul a ci, a jʋɔlɩ̃ na, a-na-ɩ a nyɩbɛ ma kpɛ pʋɔ wa. 7A ci ŋmɛɛ go lo na a gʋʋr pʋɔ, a gʋʋr karɩ̃ piw ba a baa tʋɔ wɔ̃ wa. 8Ɩ̃ a ci ŋmɛɛ lo a tan-vɩlaa pʋɔ, bul karɩ̃ wɔ̃. A ŋmɛɛ wɔ̃ na lɩjɛrʼɩ̃-pie, ŋmɛɛ lɩjaata, a ŋmɛɛ kʋbaa.” 9A ala ɩ̃ baar, a Jeeju yel ba na:
“A ʋlɔ na tɛrɛ a tobo wono nɩ, ú bɔ̃w cɛlɛ.”
A JEEJU SƲKPAR LƆBFƲ PAR
(Mat 13.10-17, Lu 8.9-10)
10A lɛ a *Jeeju na be nɩ a ʋ lãa-yʋɔrbɔ, nɩ a ʋ *par-tuurbe pie-nʼayi tɛw a kpee, ba sooro ʋ na a sʋkpar par. 11Ʋ yel ba:
“A ala ɩ̃ ɩ nyɩmɩ ʋ, a Naaŋmɩn fãw ƴɛr-bɔ̃w-faarsɩ par nyɩrʼã a nyɩ jie, ɩ̃-cɛ a nɩ-kpeesɩ jie, a yele a jaa par sɔɔlɩ̃ na a sʋkpar pʋɔ, 12a mɩnɛ
‘a ba na nyɛrɛ ꞌwuoro a sɩrɛ ɩ̃ ma nyɛrɛ wa,
ɩ̃ mɩ cɛlɛ wono a sɩrɛ, ɩ̃ ma bɔ̃wnɔ a par wa, a mɩnɛ ba kɔ̃ɔ lɩɛb a ba yɛ̃
a Naaŋmɩn bar a ba maal-faar kʋ ba wa.’ ”
A CI YAARƖ̃FƲ SƲKPA PAR
(Mat 13.18-23, Lu 8.11-15)
13A *Jeeju lɛ soor ba:
“Nyaa bɔ̃w a sʋkpa naa par wa? Ɩ̃ mɩnɛ nyɩ na ɩ ɩ̃ bɔ̃w a sʋkpar ala na cɛ par? 14A ci-yaara ʋlɔ, a Naaŋmɩn ƴɛrɩ̃ ʋ yaara. 15A nɩbɛ ŋmɛɛ na wõ a Naaŋmɩn ƴɛrɩ̃, ba wɔ̃ na taa nɩ a ci ala na lo a sɔr nʋɔr. A lɛ ba na wõ a ƴɛrɩ̃, a Satã wa na a jie naan na ir a ƴɛrɩ̃ ʋlɔ a ba sube pʋʋr. 16A lɛ ʋ mɩ, a ci ala na lo a gbãgban pʋɔ, a ɩ na a bala na wõ a ƴɛrɩ̃ ɩ̃ sɔw a jie naan nɩ nũɔ, 17ɩ̃-cɛ aa kpɛ a ba pʋɔ a tɩɛ nyɩbɛ kaarɩ̃ wa. Ba maa yaarɩ̃ bal wa. A won, mɩɩ a hʋɔlfʋ ɩ̃ wa ta ba a ʋna ƴɛrɩ̃ ɩnɛ, a ma tɔ ba na a ba ŋmaa yi. 18A nɩŋmɛɛ go na wõ a ƴɛrɩ̃, ba wɔ̃ na a ci ala ba na yaarɩ̃ a gʋʋr pʋɔ. 19Ba ma wõ na a ƴɛrɩ̃, ɩ̃ a tẽw naa yele dɛn nɩ a naalʋ̃ʋ bɔfʋ nɩ a yel-kpee vɩláa kpɛ pɔw ba, piw a ƴɛrɩ̃ a aa wɔnɔ wa. 20A nɩbɛ ŋmɛɛ go wɔ̃ na a ci ala ba na yaarɩ̃ a tan-vɩlaa pʋɔ. Ba ma wõ na a ƴɛrɩ̃ ɩ̃ sɔw de a wɔ̃ a wɔmɔ. A ŋmɛɛ ma wɔ̃ na lɩjɛrʼɩ̃-pie, ŋmɛɛ lɩjaata, a ŋmɛɛ kʋbaa.”
A LÃPA SƲKPA
(Lu 8.16-18)
21A *Jeeju lɛ soor ba na:
“A lãpa ba na ma kpɛ nɩ a diem, dʋʋ pʋɔ pɔwfʋ ɩnɛ ba ma kpɛ nɩ, mɩɩ gaajie pulẽe ba ma kpɛ nɩ su? Má a gbere juu ba ma kpɛ nɩ dɔɔl. 22A-na-ɩ a bom jaa lɛ na sɔɔlɩ̃, a na yi na cãa pʋɔ. 23A ʋlɔ na tɛrɛ a tobo wono nɩ, ú bɔ̃w cɛlɛ!”
24A Jeeju lɛ bɔ̃w na yel ba:
“Nyɩ́ tɛrɛ nyɩ mɩ̃ɛ a ala nyɩ na wono ɩnɛ. A mɩnɛ nyɩ na maala kʋrɔ a nɩbɛ, a Naaŋmɩn nɔɔ mɩ maalʼã a lɛ kʋ nyɩ, ɩ̃ lɛ dɔɔl nyɩ. 25A-na-ɩ a ʋlɔ na tɛraa, ba na lɛ kʋ ʋ na dɔɔl, ɩ̃ a ʋlɔ na ma tɛraa wa, ɩ̃ tɛrɛ a fɩ̃ɩ, ba na de na a fɩ̃ɩ ala a ʋ jie.”
A CI NA BUL A Ʋ MƖ̃Ɛ SƲKPA
26A *Jeeju lɛ yelʼã:
“A Naaŋmɩn fãw wɔ̃ na taa nɩ daba na yaara a ci a tene. 27A ʋlɔ saarɩ̃ nʋ ʋ gure a tɩsɔw mɩɩ ʋ ir a mɔtɔ̃w yʋɔrɔ, ɩ̃ a ci bule na karɛɛ, ɩ̃ ꞌwaa bɔ̃w a par wa. 28A ci bulʼã a ʋ yẽ. A dãdãw a ɩ na a vaar, tuure ɩ a juu, na a pãa wɔ̃ a bie. 29A lɛ a ci na bɩ, ʋ ƴɔ̃w na a tʋ̃tʋnbɔ a ba kpɛ a ci a-na-ɩ a ŋmafʋ daar ta na.”
A MUTA-TƖƐ BIR
(Mat 13.31-32,34, Lu 13.18-19)
30A *Jeeju lɛ yelʼã:
“Bõ sɩ na manʼɩ̃ a mɩnɛ a Naaŋmɩn fãw na wɔ̃? Sʋkpa buor sɩ na de miilʼɩ̃ a mɩnɛ ʋ na wɔ̃? 31Ʋ wɔ̃ na taa nɩ a *muta-tɩɛ bir. A mɩnɛ ba na bʋr ʋ, ʋ pabʼã gãw a bie a jaa na be a ka a tẽw pʋɔ, 32ɩ̃-cɛ a lɛ ba na bʋr ʋ ʋ bul, ʋ karɩ̃ na gãw a mʋʋr a jaa, ɩ̃ ɓol wulbi-bɛrɛ a mɔɔ pʋɔ lili na tʋɔ ƴɔ̃w a ba cor a be.”
33A Jeeju lɔbʼã sʋkpar yaw a nɔhɔ̃ mana nɩ a nɩbɛ bala na cɛlɛ a ʋ ƴɛrɩ̃sɩ a mɩnɛ ba na tʋɔrɔ cɛlɛ. 34ꞌWaa ƴɛrɛ nɩ ba ɩ̃ ma ɩ sʋkpa ʋ lɔb wa; ɩ̃-cɛ a lɛ ʋ na be a ji-kpee nɩ a ʋ *par-tuurbe, ʋ miil ba na a sʋkpar par a jaa.
A JEEJU NA TAN A SƐSƐB NƖ A KƲ̃Ɔ
(Mat 8.23-27, Lu 8.22-25)
35A ʋna bibirʼãa jaanʋɔr, a *Jeeju yelʼã a ʋ *par-tuurbe:
“Nyɩ́ ɩ a sɩ gãw a man gaan.” 36Ba barʼã a nɩbɛ, ɩ̃ a Jeeju par-tuurbe de ʋ nɩ a gbor ʋlɔ pʋɔ ʋ na dãa be. A nɩŋmɛɛ mɩ dãa na tɛrɛ a gboro na ba lãa gãwna nɩ ba. 37Sɛsɛb kpɛ̃ɛ nyɔw na ɩ̃ fure, a kʋ̃ɔ awra ŋmeere a gbor, loro a gbor pʋɔ, ʋ gɔr paala nɩ a kʋ̃ɔ. 38Ɩ̃ a Jeeju gure a gbor parɩ̃ jew a juu nɩ a ju-jewraa, a ʋ par-tuurbe nyɔw ʋ sɩ̃w ɩ̃ yel:
“Jãjaana, sɩ wɛrɛ na! Aa bá fʋ wa mɩɩ?” 39Ʋ irʼã tan a sɛsɛb ɩ̃ yel a man kʋ̃ɔ:
“Bar a gɔn ɩ̃ ŋmaa vʋʋrɩ̃!” a sɛsɛb ŋmaa, ɩ̃ a wɩɛr ŋmaa gboor. 40Ʋ yel ba:
“Bõ ɩ̃ ɩ a dãbɩ̃ɛ nyɔw nyɩ a lɛ? Mɩnɛ a ɩ a nyaa tɛrɛ a ƴɔ̃w-nyãa sɛr wa?”
41Ɩ̃-cɛ a dãbɩ̃ɛ nyɩrɩ̃ na tɛrɛ ba a ba yele taa:
“Ala nɩ a nyaa tɔr, a sɛsɛb nɩ a man na jɔrɔ a lɛ?”
Đang chọn:
Markɩ Sɛbɛ 4: BNT93
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Le Nouveau Testament en langue birifor © Alliance Biblique au Burkina Faso, 1993.
