Matie Sɛbɛ 28
28
A JEEJU KŨU-PƲƆ-IRFƲ
(Mar 16.1-10, Lu 24.1-12, Jã 20.1-10)
1A mɩnɛ a *bibi-ciiraa na tɔl, a Madala Maarɩɩ nɩ a Maarɩɩ ƴen sʋbɔ ca na cen a jɩmaasɩ dʋ̃ꞌwʋlɩ̃ ɓaaraa a yaa ꞌwuorfʋ. 2Ɩ̃ a jie naan a tẽw damʼã nɩ kpɛ̃w, a Naaŋmɩn sɩ-tʋnaa kãw yi a saꞌlon ɩ̃ suu wa bɩlɩ̃ a kubir a yaa nʋɔr yuo bar, ɩ̃ do jɛ. 3Ʋ nyɩnyɩlɛ na wɔ̃ taa nɩ a saa na nyɩɩlɛ, a ʋ cẽcene mɩ pɛlɩ̃ na a gon kʋɔraa kaarɩ̃. 4Dãbɩ̃ɛ nyɔw na a bala na gu a yaa, a ba mine, lɩɛb wɔ̃ taa nɩ kũusɩ. 5Ɩ̃-cɛ a sɩ-tʋnaa yel a pɔɔbɔ bala:
“Nyɩ taa jɔrɔ dãbɩ̃ɛ wa. Ɩ̃ bɔ̃w na bɔ̃w ka a *Jeeju ʋlɔ ba na dãa kpa a nɩ-kʋ-daa juu, ʋlɔ nyɩ bʋɔrɔ. 6ꞌWaa cãa ka wa. Ʋ irʼã lɛ tɛrɛ a baafʋ, a mɩnɛ ʋ na dãa yel. Nyɩ́ wa nyɛ a jie ʋlɔ ba na dãa gaal ʋ. 7Nyɩ́ cen fɔfɔw, na yel a ʋ *par-tuurbe, á ʋ irʼã a kũu pʋɔ, á ʋ de ba na nĩe cen a Galile; á be ba na nyɛ ʋ. A ƴɛrɩ̃ nɩ a ʋlɔ, ɩ̃ na yel kʋ nyɩ.”
8A jie naan ba yi na a yaa par, a dãbɩ̃ɛ nɩ a nʋ̃ɔ kpɛ̃ɛ nyɔw ba, a ba jɔrɔ cere a ʋ par-tuurbe yelfʋ jie. 9Ɩ̃ a mɩnɛ ba na cere, a Jeeju tuorʼɩ̃ ba na, ɩ̃ puor ba á Yaanɩ! A ba taw ta ʋ, lo gburĩ a dume a ʋ pulẽe, ɩ̃ nyɔw ʋ a gbɛɛ puoro nɩ ʋ. 10A Jeeju yel ba:
“Nyɩ taa jɔrɔ dãbɩ̃ɛ wa. Nyɩ́ cen na yel kʋ a ɩ̃ yɛɛr, á bá wɩ be a Galile; á be ba na nyɛ ma.”
A YAA GUFƲ ƳƐRƖ̃
11A lɛ a pɔɔbɔ na cãa be a sɔr pʋɔ cere, a sɔdaalsɩ bala na dãa gure a yaa ŋmɛɛ lɩɛbʼã kul a tẽw pʋɔ na man a *baar-lo-nɩ-bɛrɛ a ala a jaa na ta, 12a ba kpaarɩ̃ taa nɩ a ni-dierbe guor taa, ɩ̃ ya a sɔdaalsɩ a libie yaw, ɩ̃ yel ba:
13“Nyɩ́ ma yel a nɩbɛ á ʋ *par-tuurbe ɩ̃ wɩ a tɩsɔw ju yaa a kũu a lɛ sɩ na gur baar. 14Ɩ̃ a jamana wa wõ a ƴɛrɩ̃ naa, sɩ na bɔ̃w na a mɩnɛ sɩ na mana ʋ, ʋ kɔ̃ wa ɩ nyɩ bom wa.” 15A sɔdaalsɩ de na a libie ɩ̃ maal tu nɩ a mɩnɛ ba na man ba. Ala-ɩ̃-sɔ a ƴɛrɩ̃ na yɛrʼã pɔw a Jufisɩ sɔ̃w wa ta nɩ a dɩnaa.
A TƲMƆ ALA A JEEJU NA KƲ A Ʋ PAR-TUURBE
(Mar 16.14-18, Lu 24.36-49, Jã 20.19-23, Ntt 1.6-8)
16A *par-tuurbe pie-nɩ-bõ-ƴen cenʼã a Galile wɩɛr, a tãw ʋlɔ juu a *Jeeju na dãa tʋ̃ miil ba. 17Ɩ̃ a lɛ ba na nyɛ ʋ, ba lo na gburĩ a dume ɩ̃ puoro ʋ, ɩ̃-cɛ a nɩŋmɛɛ cãa baala. 18A Jeeju taw ta ba ɩ̃ yel:
“A ɩ̃ Sãa kʋ ma na a kpɛ̃w ʋ jaa, a saa juu nɩ a ka a tẽw juu. 19Ala-ɩ̃-sɔ, nyɩ́ cen a nɩ-bʋrɔ bʋrɔ jiir a jaa, na maal ba a ba ɩ a ɩ̃ par-tuurbe, de nɩ a Sãa yuor nɩ a Bie yuor nɩ a Naaŋmɩn Sɩɛ yuor mʋrʼɩ̃ ba a kʋ̃ɔ, 20ɩ̃ jaan ba a ba maala a ala a jaa ɩ̃ na man nyu Ɩ̃ nyɩ́ bɔ̃wnaa, ɩ̃ na be nɩ nyɩ na a daar a jaa, wa ta nɩ a tẽw baarfʋ daar.”
Đang chọn:
Matie Sɛbɛ 28: BNT93
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Le Nouveau Testament en langue birifor © Alliance Biblique au Burkina Faso, 1993.
