Matie Sɛbɛ 17
17
A JEEJU NALƖ̃FƲ
(Mar 9.2-13, Lu 9.28-36)
1A lɛ a bibie ayʋɔb na tɔl baar, a *Jeeju taw na a Pɩɛr, a Jakɩ nɩ a ʋ yɛbɛ Jã do nɩ a tã-kpɛ̃ɛ juu, 2ɩ̃ ʋ nalɩ̃ na a ba nii-sɔw. A ʋ nii-sɔw lɩɛbʼã wɔ̃ taa nɩ a mɔtɔ̃w, ɩ̃ a ʋ cẽcene pɛlɩ̃ wɔ̃ taa nɩ a cãa. 3Ɩ̃ a ʋ *par-tuurbe ata bala nyɛ na a Mowisi nɩ a Eli a ba ƴɛrɛ nɩ a Jeeju. 4A Pɩɛr de na a ƴɛrɩ̃ ɩ̃ yel a Jeeju:
“Nɩ-kpɛ̃ɛ! A vɩɛlɛ na a sɩ na be a ka. A fʋ̃ʋ bʋɔrɔ, ɩ̃ na ƴɔ̃w na sɛɛr ata, bõ-ƴen na ɩ na a fʋ ben, a bõ-ƴen ɩ a Mowisi ben, ɩ̃ a bõ-ƴen mɩ ɩ a Eli ben.” 5A lɛ a Pɩɛr na cãa ƴɛrɛ, a dɔ̃dɔrɩ̃ma na nyɩlɛ wa na pɔw ba, ɩ̃ ba wõ na a kɔkɩr a dɔ̃dɔrɩ̃ma pʋɔ na yel:
“A ʋlɔ ɩ na a ɩ̃ Bi-nʋnaa na kpɛ ma a nyãa. Nyɩ́ cɛlɛ ʋ.” 6A mɩnɛ a ʋ par-tuurbe na wõ a ʋna kɔkɩr, dãbɩ̃ɛ nyɩrɩ̃ na nyɔw ba, a ba lo pɔw a ba nii-sɔw a tene. 7A Jeeju ta na sɩɩr ba ɩ̃ yel:
“Nyɩ́ ir! Nyɩ taa jɔrɔ dãbɩ̃ɛ wa.” 8Ɩ̃ ba jɛɛrʼã ꞌwuor, ma lɛ nyɛ nɩrɛ wa, ɩ̃ a ala ma ɩ a Jeeju tɛw ʋ wa. 9A lɛ ba na yi a tãw juu ɩ̃ suure, a Jeeju kpãa ba na a ba taa wa ƴɛrɛ a ala ba na nyɛ kʋrɔ nɩrɛ wa, wa tara nɩ a lɛdaar a *Nɩbɛ Bie na ire a kũu pʋɔ. 10A ʋ par-tuurbe soor ʋ na:
“Bõ ɩnɛ a *ƴɛr-kpɛn-bɔɔnbɔ yel a Eli sɛw na na de nĩe wa?” 11A Jeeju yel ba:
“A Eli na sɩrɩ̃ na wa, na cɔɔrɩ̃ a yele a jaa. 12Ɩ̃-cɛ ɩ̃ yele nyɩ na, a Eli gɔrʼã wa, ɩ̃ baa dãa bɔ̃w ʋ wa, ɩ̃ maal ʋ a mɩnɛ a na nʋmɔ ba. A lɛ a Nɩbɛ Bie nɔɔ mɩ dɩ a tuo a ba jie.” 13A ʋ par-tuurbe pãa na bɔ̃w ka a Jã-Batii ƴɛrɩ̃ ʋ miile ba.
A JEEJU NA KPAAR A ŊME-KPAR SƲBƆ
(Mar 9.14-29, Lu 9.37-43)
14A mɩnɛ ba na lɩɛb wa pɔw a nɩ-yaw, daba kãw wɩ na a *Jeeju sɛ̃ na ʋ lo gburĩ a dume 15ɩ̃ yel ʋ:
“Nɩ-kpɛ̃ɛ, bɔ̃w a ɩ̃ bi-daba nãw. Ŋme-kpar ɩ̃ nyɔw ʋ, a bɛlɩ̃ ʋ. A daar a jaa ʋ ma lo a vũu pʋɔ, mɩɩ a kʋ̃ɔmɩ. 16Ɩ̃ taw ʋ wɩ nɩ a fʋ *par-tuurbe jie, ɩ̃-cɛ a baa tʋɔ kpaar ʋ wa.” 17A Jeeju yel:
“A nyɩmɩ ƴɛ̃ƴɛrɩ̃ su-kpɛn deme, na ma tɛrɛ ƴɔ̃w-nyãa wa, ɩ̃ be nɩ nyɩ wa ta nɩ dabor? Ɩ̃ dɩ nɩ nyɩ tuo wa ta nɩ dabor? Nyɩ́ wa nɩ a bile kʋ ma ka.” 18A Jeeju ful ƴɔ̃w a kɔ̃tɔn ʋ yi ɩ̃ cɛ a bile bar, ʋ kpaar a daar ʋlɔ pʋɔ. 19A ʋ par-tuurbe taw na ta a Jeeju ba yẽ, ɩ̃ soor ʋ:
“Bõ ɩ a saa tʋɔ diw ʋ bar wa?” 20Ʋ yel ba:
“A-na-ɩ a nyɩ ƴɔ̃w-nyãa nyɩrɩ̃ na pab. Yel-mɩ̃ɛ ɩ̃ yele nyɩ, a ala ɩ a nyɩ ƴɔ̃w-nyãa jɛ̃ na taa nɩ a *muta-tɩɛ bir na nyɩrɩ̃ pab, nyɩ na ma yelʼã a tãw naa, ú ir cen be ka, ɩ̃ ʋ na ma cenʼã. Bom kãw kɔ̃ ma kpɛmɛ nyɩ wa. [ 21Ɩ̃-cɛ a Naaŋmɩn sʋɔrfʋ nɩ a *nʋɔr lũfʋ tɛw ba na tʋɔ diw nɩ a kɔ̃tɔn nɔhɔ̃ bar.”]
A JEEJU GBƐƐ AYI ƳƐRƖ̃ A Ʋ KŨU ƖNƐ
(Mar 9.30-32, Lu 9.43-45)
22A mɩnɛ ba na duo taa a Galile wɩɛr, a *Jeeju yel ba na:
“Ba na nyɔw na a *Nɩbɛ Bie ƴɔ̃w a nɩbɛ nur pʋʋr, 23a ba kú ʋ, ɩ̃-cɛ a bibie ata pʋɔ ʋ na lɛ irʼã a kũu pʋɔ.” A ʋ *par-tuurbe sube nyɩrɩ̃ na sãw ba.
A NAAŊMƖN PUOR-YIR LÃPO YAFƲ
24A lɛ a *Jeeju nɩ a ʋ *par-tuurbe na lɩɛb cen a Kapɛɛnam-tẽw, a Naaŋmɩn puor-yir kpɛ̃ɛ lãpo-dierbe taw na ta a Pɩɛr ɩ̃ soor ʋ:
“A nyɩ jãjaana, ʋ maa ya a Naaŋmɩn puor-yir kpɛ̃ɛ lãpo wa?” 25A Pɩɛr yelʼã á ɔɔ, ʋ ma ya na. Ɩ̃ a lɛ ʋ na kpɛ a yir pʋɔ, a Jeeju de na nĩe soor ʋ:
“Sɩmɔ̃, mɩnɛ fʋ tɩɛr? A tẽw pʋɔ jamansɩ, babõ jie ba ma de a ba lãpo? A ba bibiir jie, mɩɩ a sáanba jie ʋ?” 26A Pɩɛr yel:
“A sáanba jie ʋ.” Ʋ lɛ yel:
“A ala ɩ lɛ ʋ, a bibiir ma be tɔ wa. 27Ɩ̃-cɛ a mɩnɛ a sɩ maalfʋ kɔ̃ wa cɛ ba wa, cen a manɩ̃ na ƴɔ̃w a fʋ jɩ̃-pĩi a kʋ̃ɔ pʋɔ, ɩ̃ a dãdãw jɩm na nyɔwrɔ, taw ʋ yi nɩ, haa a nʋɔr, ɩ̃ fʋ na nyɛ na libir a be. Ir cenʼɩ̃ na tɩɩr, ʋ ɩ a maa nɩ a fʋ̃ʋ ben.”
Đang chọn:
Matie Sɛbɛ 17: BNT93
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Le Nouveau Testament en langue birifor © Alliance Biblique au Burkina Faso, 1993.
