Matie Sɛbɛ 16
16
A NƖBƐ NA BƲƆRƆ BA NYƐ A NƆ-KOFƲ TƲMƆ
(Mar 8.11-13, Lu 12.54-56)
1A Farɩsɩ nɩ a *Saduse nɩbɛ taw na ta a *Jeeju, sʋɔrɔ bɩɩrɛ nɩ ʋ, á ʋ miil ba a nɔ-kofʋ tʋn na yi a saa juu, ʋ ɩ ba a jɩbaa. 2Ʋ yel ba:
“A mɩnɛ a jaanʋɔr na ma ta nyɩ ma yelʼã áa wɩɛr na kpaarʼã, a-na-ɩ a saꞌlon lo na a gbar, 3ɩ̃ a dʋ̃ꞌwʋlɩ̃ ɓaaraa nyɩ ma yelʼã áa saa na wa na, a-na-ɩ a saꞌlon lo na a dɔ̃dɔrɩ̃-salba#16.3 A ala a Jufisɩ bɔ̃wnɔ nɩ a ala ɩ̃ ɩ a saa na wa na. Ɩ̃-cɛ a ala ɩ̃ ɩ a sɩmɩ ʋ, a susuur ɩ̃ kʋrɔ, ala sɩ ma bɔw ka a saa na wa na.. Nyɩ bɔ̃w na a saꞌlon jɩbsɩ par irfʋ, ɩ̃ mɩnɛ nyaa tʋɔ bɔ̃w a yele ala na tara a ƴɛ̃ƴɛrɩ̃ par irfʋ wa? 4A ƴɛ̃ƴɛrɩ̃ nɩbɛ na ɩ a nɩ-faar nɩ a nɩ-burbur, ba bʋɔrɔ na ba nyɛ a nɔ-kofʋ tʋn ʋ ɩ ba a jɩbaa. Ɩ̃-cɛ ba kɔ̃ nyɛ bom kpee ɩ̃ a ala ma ɩ a Jonasɩ ƴɛrɩ̃ wa.” Ɩ̃ ʋ bar ba na ɩ̃ cere.
A FARƖSƖ NƖ A SADUSE NƖBƐ TABƖR ƳƐRƖ̃
(Mar 8.14-21)
5A mɩnɛ a ʋ *par-tuurbe na gãw a man gaan ba hiinʼã a buru tɛrɛfʋ bar. 6A *Jeeju yel ba:
“Nyɩ́ tɛrɛ nyɩ mɩ̃ɛ, jʋʋrɔ nɩ a Farɩsɩ nɩ a Saduse nɩbɛ tabɩr ɩnɛ”, 7a ba tɩɛrɛ sooro nɩ taa yele nɩ:
“A-na-ɩ saa tɛrɛ a buru wa, ala-ɩ̃-sɔ a ʋ ƴɛrɛ a lɛ.” 8A Jeeju bɔ̃w nɩ ba ɩ̃ yel ba:
“Nyɩna ƴɔ̃w-nyãa pabaa deme naa, bõ ɩ a nyɩ tɩɛrɛ ƴɔnɔ taa a nyaa tɛrɛ buru wa? 9Nyaa bɔ̃w a par sɛr wa mɩɩ? Nyaa cãa bɔ̃w nɩ a bur-bie anuu a nɩbɛ turʼanuu na ꞌwɔb wa? Nɩ a pɩɩr amɩnɛ nyɩ na wobʼɩ̃ a ŋmara wa…? 10Nɩ a bur-bie anuu-nʼayi a nɩbɛ turʼanaan ɩnɛ wa? Nɩ a pɩɩr amɩnɛ nyɩ na wob wa? 11Mɩnɛ a ɩ a nyaa bɔ̃w ka a aa ɩ buru ƴɛrɩ̃ ɩ̃ ƴɛrɛ nɩ nyɩ wa? Ɩ̃-cɛ nyɩ́ bɔ̃w tɛrɛ nyɩ mɩ̃ɛ a Farɩsɩ nɩ a *Saduse nɩbɛ tabɩr ɩnɛ.” 12A ba pãa bɔ̃w ka a ꞌwaa yele ba a ba tɛrɛ ba mɩ̃ɛ a buru tabɩr ɩnɛ wa, ɩ̃-cɛ a Farɩsɩ nɩ a Saduse nɩbɛ jaanfʋ ɩnɛ ʋ.
A PƖƐR NA BƆ̃W A JEEJU Ʋ Ɩ A NAAŊMƖN BIE
(Mar 8.27-30, Lu 9.18-21)
13A mɩnɛ a *Jeeju na ta a Fɩlɩpɩ Sejare-tẽw wɩɛr, ʋ soorʼã a ʋ *par-tuurbe:
“Á *Nɩbɛ Bie, ala a nɩbɛ tɩɛrɛ ʋ ɩ?” 14A par-tuurbe yel ʋ:
“A ŋmɛɛ yelʼã a Jã-Batii fʋ ɩ. A ŋmɛɛ lɛ yel a Eli fʋ ɩ. A ŋmɛɛ lɛ yel go, a Jeremi, mɩɩ a ƴɛr-hiere kãw fʋ ɩ.” 15A Jeeju soor ba:
“Ɩ̃ a nyɩmɩ, nyɩ yelʼã a ala ʋlɔ ɩ̃ ɩ?” 16A Sɩmɔ̃ Pɩɛr yel ʋ:
“Fʋ ɩ na a *Kirisi, a Naaŋmɩn ʋlɔ na tɛrɛ a baafʋ Bie.” 17A Jeeju yel ʋ:
“Jonasɩ bie, Sɩmɔ̃! Nʋ̃ɔ be na a fʋ jie, a-na-ɩ aa ɩ nɩrɛ tɩɛrʋ̃ fʋ bɔ̃w nɩ a ala wa, ɩ̃-cɛ a ɩ̃ Sãa na be a saa juu ɩ̃ miil fʋ. 18Pɩɛr, maa ɩ̃ yele fʋ: fʋ ɩ na kʋsɩr, ɩ̃ a ʋna kʋsɩrʼãa juu ɩ̃ na mɛ a ɩ̃ yir na ɩ a *duo-puorbo.#16.18 A duo-puorbo dɔɔlʼã a Jeeju juu na ɩ a Naaŋmɩn Bie. Ɩ̃ a ala saarɩ̃ ɩ a kũu ʋ, ʋ kɔ̃ɔ tʋɔ ʋ fɩ̃ɩ wa. 19Ɩ̃ na kʋ fʋ na a saa juu fãw nakilsɩ A ala fʋ na mɔ̃w bar a ka a tẽw pʋɔ na mɩ mɔ̃w na a saa juu. Ɩ̃ a ala fʋ na sɔw bar a sɔr a ka a tẽw pʋɔ, a sɔr mɩ be na be a saa juu.”
20Ɩ̃-cɛ a Jeeju kpãkpanʼã a ʋ par-tuurbe, a ba taa yele kʋrɔ nɩrɛ áa Kirisi ʋ ɩ wa.
A JEEJU DÃDÃW ƳƐRƖ̃ A Ʋ KŨU ƖNƐ
(Mar 8.31—9.1, Lu 9.22-27)
21A daar ʋlɔ pʋɔ, a *Jeeju nyɔw na ɩ̃ mana a ʋ *par-tuurbe áa sɛw na ʋ na cen a Jerujalɛm, na dɩ a tuo yaw a ni-dierbe nɩ a Naaŋmɩn *baar-lo-nɩ-bɛrɛ nɩ a *ƴɛr-kpɛn-bɔɔnbɔ jie, á ba na kú ʋ, ɩ̃-cɛ a bibie ata pʋɔ, ʋ na lɛ irʼã a kũu pʋɔ. 22A Pɩɛr taw ʋ na yi nɩ a cɛ̃cɛ̃w na kpãana ʋ yele nɩ:
“Nɩ-kpɛ̃ɛ! Naaŋmɩn ma sɔwrɔ wa. A kɔ̃ maal a fʋ jie a lɛ wa.” 23A Jeeju lɩɛb yel ʋ:
“Satã! Taw yi ka a ɩ̃ nii-sɔw. Fʋ ɩ na cakpow a ɩ̃ jie. A-na-ɩ faa tɩɛrɛ a Naaŋmɩn kaarɩ̃ wa, ɩ̃-cɛ nɩrɛ kaarɩ̃ fʋ tɩɛrɛ.” 24Ɩ̃ a Jeeju yelʼã a ʋ par-tuurbe:
“A ala ɩ a nɩrɛ bʋɔrɔ na ʋ tuure ma, ú jɛ a ʋ mɩ̃ɛ bar, ɩ̃ naa ʋ tuo a ʋ nɩ-kʋ-daa tuure nɩ ma. 25A-na-ɩ a nɩrɛ lɛ na bʋɔrɔ ʋ faa a ʋ mɩ̃ɛ, a ʋ baafʋ na bɔrʼã. Ɩ̃-cɛ a nɩrɛ lɛ na bar a ʋ baafʋ ʋ bɔr a ɩ̃ ɩnɛ, ʋ na pɔw ʋ na. 26Bõ a na ɩ a nɩrɛ jie a ʋlɔ pɔw a tẽw pʋɔ yele a jaa, ɩ̃-cɛ a ʋ baafʋ bɔr? Bom be na be a nɩrɛ na tʋɔ de tɛw nɩ a ʋ baafʋ mɩɩ? 27A-na-ɩ a *Nɩbɛ Bie na sɩrɩ̃ na wa nɩ a ʋ Sãa yo-yifʋ yele, nɩ a ʋ sɩ-tʋnɩsɩ. Ɩ̃ a daar ʋlɔ, ʋ na ya na a nɩbɛ ba jaa tu nɩ a ba maal-bie. 28Yel-mɩ̃ɛ ɩ̃ yele nyɩ, a bala na be a ka, nɩŋmɛɛ be na be kɔ̃ kpi sɛr wa, ɩ̃-cɛ ba na nyɛ na a Nɩbɛ Bie ʋ waara nɩ a ʋ fãgã.”
Đang chọn:
Matie Sɛbɛ 16: BNT93
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Le Nouveau Testament en langue birifor © Alliance Biblique au Burkina Faso, 1993.
