Paglalakbay Tungo sa SabsabanHalimbawa

Ang Nakakagulat na Kalikasan ng Diyos

Minsan parang hindi na sasagutin ng Diyos ang ating mga panalangin. Ganoon ang naramdaman ng sambayanan ng Israel habang sila ay naghihintay sa pagdating ng Mesiyas. Noong naparito si Jesus, ang Kanyang pagdating ay nasa tiyak na panahon. Ngunit marami ang hindi nakakilala sa pinakamatinding ibinigay ng Diyos dahil sila ay naghihintay para sa isang Mesiyas na iaangat sila at ang kanilang bansa— sa halip na ang Panginoon. 

Naparito si Jesus upang ialok ang buhay na walang katulad sa kayang ibigay ng mundo. Maaari naman Siyang dumating dala ang walang katapusang kapangyarihan ng langit. Ngunit, pinili Niyang pumarito nang may pagpapakumbaba, bilang isang sanggol na isinilang kasama ng mga hayop. Gayon pa man, ang Kanyang hindi inaasahang buhay ng pagsisilbi ang nagpahayag sa atin ng kaganapan ng walang pasubaling pagmamahal ng Diyos para sa sanlibutan.

Gawain: Sa susunod na ikaw ay kakain sa labas, sorpresahin mo ang nagsisilbi sa iyo ng isang tip na mas malaki sa madalas na ibinibigay mo bilang pasasalamat. Kung hindi man iyon isang opsyon, mag-iwan ng isang mapanghikayat at personal na mensahe para sa kanya.