Paglalakbay Tungo sa SabsabanHalimbawa

Ang Liwanag ang Nagtatagumpay

Ang kapanganakan ni Jesus ay dumating sa panahong natakpan ang sanlibutan ng espirituwal na kadiliman. Ginawa ng bayan ng Israel ang lahat pati na ang talikuran ang mga pamamaraan ng Panginoon. Ang templo ay naging palengke; ang mga handog ay iniaalay lamang dahil sa tungkulin at nakasanayan at hindi dahil sa malalim na pagnanais na sambahin ang Diyos. At ang pag-asa sa darating na Mesiyas ay madalas na mula sa makamundong pagnanasa para sa kaligtasang pang-militar at pagbagsak ng mga mapaniil na Romano.

Ngunit naparito si Jesus para sa isang layuning higit na mataas kumpara sa ganitiong paraan ng pag-iisip. Ang totoo, naparito Siya para sirain ang mga gawa ng kaaway—ang kaaway ng ating mga kaluluwa. Itinatag Niya ang Kanyang kaharian sa mundo sa pamamagitan ng pagbibigay ng Kanyang buhay bilang handog ng pag-ibig at kapatawaran—- upang ang lahat ng lalaki at babae at magkaroon ng totoo at masaganang buhay.

Gawain: Pasayahin ang araw ng isang tao—anyayahan ang ilang mga kaibigan at magkaroling. Kung hindi puwede sa inyong barangay, subukan ang isang tinutulungang pamayanan.