Ikaw ay Karapat-dapat.Halimbawa

Ikaw ay Ginawang Kahanga-hangang Tunay. 

“Pinupuri kita, O Diyos, marapat kang katakutan, ang lahat ng gawain mo ay kahanga-hangang tunay; sa loob ng aking puso, lahat ito'y nakikintal.” Mga Awit‬ ‭139:14‬ ‭RTPV05‬‬

Ayon sa Strong’s Concordance, ang salitang Hebreo para sa, “Kahanga-hanga” ay, ‘pālâ’ (H6395) na ang ibig sabihin ay, “Maitangi, isang pagkakaiba, ipakitang kagilagilalas, ibukod, ihiwalay, ialis, gawin sa paraang kagilagilalas” 

Ikaw ay ihiniwalay ng Diyos. Sa pamamagitan ng pag-aalay ng Dugo ni Jesu-Cristo, inialis Niya sa'yo ang mantsa ng kasalanan. Sa pamamagitan ng Kanyang Dugo, minarkahan Ka Niya bilang sariling Kanya. Ikaw ay naiiba. Piliing lumakad sa kakaibang paraan. Piliing lumakad sa Ilaw ni Cristo. Piliing isalamin ang Ilaw ni Cristo. 

Mahal na mahal ka ng Diyos kaya't minarkahan Ka Niya bilang sariling Kanya. Ikaw ay ihinugis nang masalimuot at kahanga-hangang tunay ng Kamay ng Diyos. Ikaw ay Tatak ng Daliri ng Diyos dito sa Daigdig, kaya't piliing isalamin ang Puso Niya. 

Iayon ang sarili mo sa Kanyang Salita. Iayon ang sarili mo sa Kanyang Puso. Dahil ikaw ay ginawang kahanga-hangang tunay ng Kamay at Puso ng Diyos. 

Ikaw ay walang katulad. Labis ang pagmamalasakit sa'yo ng Diyos na idinideklara sa atin ng Mateo 10:30-31‬ RTPV05 ang, “At kayo, maging ang buhok ninyo'y bilang niyang lahat. Kaya, huwag kayong matakot; higit kayong mahalaga kaysa maraming maya.” 

Nagmamalasakit ang Diyos ukol sa bawat aspeto ng iyong buhay, pati tungkol sa mga buhok sa iyong ulo. Nagmamalasakit ang Diyos sa'yo; Nagmamalasakit Siya sa mga detalye.