Isang Kidlat na KagalakanHalimbawa

Kung may kagalakan sa buhay mo, ito ay makakadagdag sa iyong patotoo! Kapag ang kagalakan ay nanumbalik sa buhay mo, ikaw ay may kapangyarihang magdulot ng kabutihan sa panahon ng iyong paglakbay sa mundo. Ang mga makasalanan ay makikinig sa iyo dahil ikaw ay may kagalakan. Ang mga lumalabag sa kautusan ay magkakaroon ng interes sa iyong sasabihin kung naipapakita mo ang kagalakan na tanging kaligtasan lang ang makapagbibigay.

Hindi ba't iyon ang nais nating lahat? Lahat tayo ay gustong magdulot ng kabutihan sa mga taon ng ating buhay. Nais natin na ang ating buhay ay mas makabuluhan kaysa isang gitling sa ating lapida. Nais nating mag-iwan ng mga buhay na nabago dahil nagsalubong ang ating landas. Ang kagalakan ay magbibigay sa atin ng kakayanang magdulot ng kabutihan sa buhay ng iba.

Ang kagalakan ay magpapalakas sa iyong patotoo at ikaw ay magkakaroon ng kakayahan na baguhin ang buhay ng ibang tao. Kung inaakala mo na ang kagalakan ay nilikha upang guminhawa ang iyong pakiramdam, kailangan mong baguhin ang iyong pag-iisip! Kailangan ng Diyos ng isang henerasyon ng mga taong puspos ng kagalakan na handang magsagawa ng makabuluhang pagbabago sa mundong ating kinalalagyan. Sali ako... ikaw?!