Pagdanas ng Panunumbalik sa DiyosHalimbawa

Ang 1 Mga Taga-Corinto 6:19–20 ay magiliw na nagpapaalala sa atin ng kahalagahan ng pagbabago hindi lamang ng nasa loob, kundi ng nasa labas din. Pag-isipan mo ito nang sandali. Ang ating mga katawan ay templo ng Espiritu Santo at dapat na tratuhin nang nararapat. Pahihintulutan mo bang ang gusali ng inyong simbahan ay dumumi at masira? Tiyak na hindi! Kung kinakailangan ng pagsasaayos ang inyong simbahan, kukumpunihin mo ito upang ito'y maging maningning na simbolo ng pagmamahal ni Kristo sa inyong komunidad. Kung gayon, hindi ba nararapat na tratuhin natin ang ating mga katawan sa parehong pamamaraan at patuloy natin itong isaayos upang maisakatuparan ang hangarin ng Diyos para sa ating mga buhay? Paano mo kinakailangang baguhin ang iyong katawan? Maaaring iba-iba ang kahulugan ng pagbabago sa bawat tao. Para sa ilan, ito ay maaring karagdagang pag-e-ehersisyo o mas nakakalusog na pagkain. Ito ay maaaring pangangailangan din sa pisikal na paghilom. Para sa iba, ito ay maaring pagpapahintulot sa Diyos na panumbalikin ka mula sa nagawang kasalanang seksuwal. Alamin mo kung saan mo kinakailangan ang pagbabago para sa iyong katawan at pahintulutan mo ang Diyos na magdulot ng kaayusan sa iyong buhay.