Parenting by Design na Pang-Araw-Araw na GabayHalimbawa

ANG LAYUNIN NG DISIPLINA

Ang mga taludtod na ito ay nagpapakita sa mga magulang kung anong dapat nilang maging pagkilos habang kanilang dinidisiplina ang kanilang mga anak. Pansinin na mahal ng Diyos ang Kanyang mga anak at kinalulugdan Niya ang mga ito kahit na itinatama Niya sila. Ang Kanyang pagdidisiplina ay hindi bilang isang marahas na kaparusahan, kundi pagpapakita ng pagmamahal upang hikayatin ang paglago at ang pagkakaroon ng ganap na gulang.

Lahat ng mga anak ng Diyos ay sumusuway at maging ang iyong mga anak ay ganoon din. Kung minsan nga lamang, ang ating pagtugon ay ayon sa ating pangangailangan kaysa sa pagkilala sa mas malaking layunin ng ating pagdidisiplina. Maiiwasan natin ang marahas na pagtugon kung magpaplano tayo bago pa man may mangyari. Kapag ikaw ay mahinahon, mag-isip ng mga nararapat na kaparusahan para sa mga paraang maaaring sumuway ang iyong mga anak. Kilalanin ang mga lugar kung saan ka mahina (ang ugaling sumagip, mag-sermon o sumigaw) at mag-isip ng ibang mga paraan ng pagtugon. Ang pagdidisiplina na naibibigay nang mahinahon, tuluy-tuloy, at maliwanag ay mas malamang na matatanggap ng walang pagtugong mapanghimagsik.

Ang pagdidisiplina ay makakatulong upang lumago ang iyong mga anak kapag ito ay naibibigay nang malinaw at may pagmamahal.