Mga Debosyon para sa Mahal na Araw mula sa Holy Bible: MosaicHalimbawa

Pagkilala sa Kawalang-Kasiyahan Ipinakikita sa atin ng panahon ng Kuwaresma ang kapighatian ni Jesus sa mga huling araw bago ang pagpako sa Kanya sa krus. Habang binabasa natin ang harapang pakikipanayam ni Jesus sa Kanyang mga alagad habang sila'y nasa isang silid, mailalarawan natin sa ating diwa ang kaligayahan ng pakikipagkaibigan na may kasamang lungkot dahil sa nalalapit na pagkakanulo ng isang kaibigan. Sa ating pagpasok sa madilim na yugto ng pagdakip kay Jesus, paglilitis, at pagpapasakit sa Kanya, kasama natin sa pagtangis ang mga unang Cristiano, at sa ating pagsisikap na iligtas si Jesus mula sa ating mga sarili, tayo ri'y magdadalamhati sa ating pagkakanulo sa Kanya tulad ni Pedro. Ang nakaugalian nating tradisyon ng Kuwaresma–isang sakripisyong tumatagal ng apatnapung araw–ay isang paraan ng paghihinagpis sa kamatayang dulot ng kasalanan sa ating mga buhay. Sa ating pagsaksi sa ganap na pagtatagumpay ni Jesus sa pagtukso ni Satanas habang Siya ay nasa ilang, ating aminin ang ating mga pagkukulang, ang ating mga sakripisyong hindi husto. Ang kapanahunang ito ng "pagsuko" ay may natatanging kakayahang ipaalala ang ating matinding pangangailangan kay Jesu-Cristo.