Mistari Maarufu ya Biblia kutoka Matthew 7

Shirikisha

“Tera kaaisi, ka sori atu; faara ka kotou maua; fiti fiti te urufanga ka sara atu kia kotou.

Ki te faoa kaatoa e kaaisi ka sori atu, ma pe koai e faara ka ratou maua, ma te urufanga ka sara kia koratou e fiti fiti.

“Tera ka pe koai e fakarongo ki aku taranga nei ma e tautari kiei, e fai rei pe te tangata atamai ne taa na paito i fongo fatu.

“Fai fekau mo rake faoa pe nia motou e fifia koratou ke fai mai kia kotou: teinei te atamai oa Fono a Moses, ma a tusi tusi ranga a nga ʻProphetʼ.

Kae te urufanga ki te ora e komo komo ma te riu ara e poi kiei e maatea rei na faingataa, e soko soko fia faoa e ratou maua.

“Fe urufi ki te urufanga e komo komo, natafito te urufanga ki ngangea pariki e lasi, ma te riu ara e poi kiei e faingaofia, ku kapi rei faoa e oro iei.

Kotou moa rei e pariki, kae e kotou iroa ina koa nea laoi ke sori ki otou tama. Tera rei, ka ravea atu rei totou Mmana i te vaerangi ka sori a nea laoi kia koratou e kaaisi kia koia!

“Kau see faka tautara ki rake faoa, tera Tupua ka se nai faka tautara sia kotou, natafito ko Tupua ka nai faka tautara sia kotou fakapera rei pe totou fai faka tautara ki rake faoa, ma te fakataunga e fai ea kotou ki rake faoa, ka faia atu e Tupua kia kotou fokia.

“Kae pe koai e fakarongo ki aku taranga nei, kae see tautari kiei, e fai pe te tangata faka vare ne taa na paito i te one one ranga.

Na atamai sea, ko kee e ono fuarei kia titi e naa i te mata o tou taina, kae si see fai mua ko kee ke ono kia penu penu e naa i tou kee mata ia?! Ne fai rei faka fefea ke muna ki tou taina, ‘Sea rei, tuku mai ke sau kese ki tua ko te titi i tou mata,’ kae puri puri oa penu penu i tou kee mata ia?!

“Faka matakite ki nga ʻprophetʼ tataangutu; ratou e oomai kia kotou e ono pe nga sipi sipi i tua, kae i roto koratou e fai rei pe nga korii tauvao. Ka kotou iroa ina koratou i ratou fainga fekau e fai. Te uruvao tara taramoa siei ni fua raakau ʻgrapeʼ mo ona ke fai, ma te ngatae ka see fua mai te foi ʻfigʼ.

Te raakau ora ora laoi, ana fua e fufua laoi; kae te raakau si see ora laoi, ana fua ka fufua pariki.

Ta te raakau e ora laoi ka see fua pariki, ma te raakau e ora pariki, ka see fua laoi.

Tera se raakau e fua pariki, taia ria ki raro, peia rei ki te afi.