Mistari Maarufu ya Biblia kutoka Matthew 6

Shirikisha

Fai fuarei kia nea katoa i te Kainanga o Tupua, ma pe nia ma ana e fifia kiei mai ia kotou, tera koia ka sori atu a nea katoa ma rake nea fokia.

Tera kau see faka tuasaa kia pongi pongi; ko ana kee maanatu e fetau fangatasi rei kiei. Se fetau fangatasi ke taanaki koa sara o rake aso mai ki roto ki aso taki tasi.

“Teinei arei kuou e faka ari atu kia kotou: Kau see faka tuasaa ki otou ora pe nia motou ka kai, o pe ki otou tino pe ni suru motou ka fe urufi. Ea? Te ora siki e sapa kese rei ma a kai?! Ma te tino siki e sapa kese rei ma a suru?!

Kae tou vasia e rotu iei, poi ki tou rumu, sasai te urufanga, kae rotu rei ko kee ki tou Mmana, si see ravea ina. Kae tou Mmana e nai ravea ina fuarei pe nia ma au e fai faka leku leku, ka nai soria atu tou tauvi.

Ta teinei totou fai rotu ke fai: Matou Mmana i te vaerangi: Ko tou ingoa e tapu ke faka epa ria; tou Kainanga ke au; tou fifia ke oko ia taangata nei pe i te vaerangi.

Soria mai kia matou koa mo kai mo te aso nei.

Faka ngaromia mai ko amatou sara ne fai, pe matou faka ngaromia koa sara ne fai mai e rake faoa kia matou.

Kau see aumai komatou ki te titipea ranga, tuku tonu komatou ke sao mai te Atua Pariki. [Natafito, te Kainanga, ma te manuu ma te maarama ke naa mau ia kee. E tonu.]

“Ko kotou e kotou faka ngaromia pe nia ma rake faoa ne fai sara atu kia kotou, totou Mmana i te vaerangi ka nai faka ngaromia otou sara fokia.

Pula rei ki nga manu: ratou see too ni kai, tuku rei ki aratou fare oa kai, kae totou Mmana i te vaerangi e oono ia ratou! Ea? Kotou siki e sapa kese rei ma nga manu?!

“Kau see fai tuku ko ni taufenua motou ia taangata nei, i kuraa ka kaina e nga potu potu ma ka popo, ma fenua kaiaa ka ratou sara tiaina o kaiaa. Kae fai tonu o tuku ko ni taufenua motou i te vaerangi, i kuraa ka see kaina e nga potu potu ma te popo ka se nai fai pariki tiaina. Ma te fenua kaiaa ka se ratou sara tiaina o kaiaa. Natafito tou fatu manava ka naa mau fuarei i ngangea tou taufenua e naa iei.

“Siei pe koai ka fai fekau ki aana ariki e toka rua. Koia ka fakapere ki take na ariki, kae teke rei ki take na ariki, o pe laoi koia ki take na ariki, kae siei ki take na ariki. Ko kee ka si see fai fekauaki taanaki ko Tupua ma a mane i vasia e sokotasi.

Kae Tupua koia e faka suru ia manongi vao e somo i te aso nei oko rei kia pongi pongi, kae sunua rei ki te afi. Ea, koia si se nai faka suru ria atu kotou? Otou paanaki e vikilake!

Kae vasia ko kee e sosoa ki tangata e sessese, fai ia riu ara moa rei tou kau soavaka ka se nai iroa ina. Tera ka fai tau kee faka leku. Tou Mmana, koia e ono pe nia ma au e fai faka leku leku, ka sori atu tou tauvi.

“Faka matakite ka see fai o faka sasa otou fainga fekau ki te rotu ia ngangea e feonga o te fenua, tera kano fenua ka ono pe nia motou ka fai. Kae pe kotou e fai koa nea nei ia ngangea feonga o fenua, ko kotou ka seke tauvi mai totou Mmana i te vaerangi.

“Otou vasia e faka naa mangumangu iei, kau see pula faka ruru faka arofa pe nga faoa taataa laoi e fai. Koratou see rau rei, ratou fai faka saa koratou ku fai fuarei ki faoa kaatoa ke ono atu koratou e faka naa mangumangu. Kuou e faka ari atu kia kotou te maori: A ratou tauvi ku oti na tauvi fakaoti rei. Otou vasia e oro faka naa mangumangu, furu ou mata kia vai ma e seru tou uru ki te seru uru. E laoi ko rake faoa ka se ratou iroa ina ko kee e faka naa mangumangu, fuarei tou Mmana, koia e nai ravea pe nia ma au e fai faka leku leku, ka nai soria atu tou tauvi.