EtjeShembull

A ndihesh ndonjëherë sikur je kthyer në shtëpi, por ende je larg Perëndisë në zemrën tënde? Si djali plangprishës, ti e ke bërë kthimin—ke pranuar ndihmën, ke thënë “nuk ia dal dot vetë”— por tani po zbulon një tjetër etje: etjen për t’u ndjerë i dashur.

Luka 15:21 (ALBB) 'Dhe i biri i tha: "O atë, mëkatova kundër qiellit dhe para teje dhe nuk jam më i denjë të quhem biri yt".'

Edhe pas përqafimit të atit, edhe pas dhembshurisë së treguar, djali ende nuk ndjehej i denjë. Ai kishte turp. Kishte dhimbje. Kishte etje për dashuri, por nuk ndihej i denjë ta merrte.

Ndoshta edhe ti ndihesh kështu. Ndoshta je kthyer te Perëndia, por turpi të flet ende: “Nuk e meriton. Nuk je më si më parë. Je thjesht një shërbëtor tani.”

Por Perëndia thotë diçka tjetër.

Ati i jep të birit tre dhurata:

• Rroba e re—një simbol i pushimit, i çlodhjes, i identitetit të rivendosur. Tani je në shtëpi— nuk ke më nevojë të provosh veten.
• Unaza—një simbol autoriteti dhe sigurie. Nuk je më i braktisur—je bashkëpronar me Atin.
• Sandalet—një shenjë që nuk je më shërbëtor, por bir. I pranuar, i dashur dhe pjesë e shtëpisë.

Këto janë shenjat e një identiteti të ri. Identiteti i dikujt që është i dashur pa kushte.

A ke etje për këtë lloj dashurie?

Shpesh, edhe pasi kthehemi në shtëpi, luftojmë me ndjenjat e fajit, turpit dhe pasigurive. Harrojmë kush jemi dhe kujt i përkasim. Harrojmë se dashuria e Perëndisë nuk bazohet në çfarë kemi bërë, por në atë që Ai është.

Bibla na kujton:

• Ti je krijesë e re.
• Mëkatet e tua janë falur.
• Nuk ka më dënim për ty.
• Asgjë s’mund të të ndajë nga dashuria e Tij.
• Ti je fëmijë i Perëndisë.

Ti je bir. Ti je bijë. Ti je i dashur.

Lutje: “Perëndi, më ndihmo të besoj se jam vërtet biri/bija Jote. Zgjo në zemrën time të vërtetën që më do pa kushte, jo sepse jam i/e përsosur, por sepse jam i Yti. Largo çdo ndjenjë turpi dhe dyshimi. Më ndihmo të jetoj si dikush që është pranuar, falur dhe i dashur thellësisht nga Ti. Amen.”