Mag One-on-One with GodSample

Ikalimang Araw: Ang Magtiyagang Pagdarasal

Ubos na ba ang hininga mo sa iyong walang sawang pagdarasal? Natuyo na rin ba ang iyong luha sa iyong pagdaing?

Kadalasan ay meron tayong deadline sa ating mga idinadaing sa Diyos. Kaya kung hindi natin natatanggap ang Kanyang mga sagot based on our timeline o schedule, nauubusan tayo ng pag-asa. It becomes difficult to pray. At lalo nang mahirap magpasalamat sa mga biyayang tinatanggap na hindi natin inasahan sa Panginoon.

Sinabi ni Apostol Pablo, “Maging matiyaga kayo sa pananalangin, laging handa at nagpapasalamat sa Diyos” (Mga Taga-Colosas 4:2). Ang ating prayer-life ay napakahalaga dahil ito ang makapagbibigay sa atin ng kasiyahan sa buhay. Hindi lamang ito lifeline in times of crisis. Hindi rin ito upang kulitin lamang ang Diyos sa ating pangangailangan. Ang pagdarasal ay dapat katumbas ng ating hininga, ang mismong buhay natin.

On-fire praying is what God is looking for! Yung excited ka sa iyong one-on-one time with God dahil it’s your special time to visit with one another. Hindi lamang ito para marinig ng Diyos ang iyong boses, kundi para marinig mo rin ang Kanya. Gawing makatotohanan ang oras na ito by allowing things to flow from your heart.

Pag-isipan:

1.Isulat ang isang pagkakataong nagtiyaga ka sa iyong pagdarasal? Anong kasagutan ang tinanggap mo sa Diyos?

2.Bakit mahalagang magtiyaga tayo sa ating pagdarasal? Ano ang mabuting resulta ng ating pagtitiyaga?