Soma Biblia Kila Siku 03/2025Sample

Wakati Nahashi, mfalme wa Amoni alipokufa, Daudi alipeleka salamu za rambirambi kwa Hanuni, mwanawe. Lengo la Daudi lilikuwa kuonesha kwamba alitaka kuendeleza mahusiano mazuri kati ya falme hizo mbili, lakini ujumbe wake ulitafsiriwa vibaya na wakuu wa Waamoni. Walifikiri ni wapelelezi. Kwa jinsi walivyowatendea vibaya wajumbe wa Daudi walichochea vita. Lakini hata Waamoni walipowanunua Washami wawasaidie, walishindwa. Yoabu alimwambia Abishai, nduguye:Uwe hodari, tukajitie moyo mkuu kwa ajili ya watu wetu, na kwa ajili ya miji ya Mungu wetu; naye Bwana afanye yaliyo mema machoni pake(m.13). Zingatia neno hili lina maana gani kwako.