Soma Biblia Kila Siku 03/2025Sample

Shetani anamchochea Daudi kuwahesabu Israeli. Yoabu anachaguliwa kuwa msimamizi wa zoezi hili. Anatoa onyo, ila Daudi hataki kumsikiliza. Uamuzi huu unaonesha Daudi kutomtegemea Mungu. Kwa hiyo Mungu anamtuma mwonaji Gadi kumwambia Daudi kosa lake; ndipo Daudi anakiri kosa. Ndipo Daudi anapewa kuchagua kati ya aina tatu za adhabu. Uamuzi wake tunausoma katika m.13:Daudi akamwambia Gadi, Nimeingia katika mashaka sana; basi sasa na nianguke katika mkono wa Bwana; kwa kuwa rehema zake ni nyingi sana; wala nisianguke katika mkono wa wanadamu. Uamuzi huu unakufundisha nini? Kama Daudi, tuwe tayari kujikabidhi mikononi mwa Mungu kwa kukiri makosa yetu mbele zake.Tukisema kwamba hatuna dhambi, twajidanganya wenyewe, wala kweli haimo mwetu. Tukiziungama dhambi zetu, Yeye ni mwaminifu na wa haki hata atuondolee dhambi zetu, na kutusafisha na udhalimu wote(1 Yoh 1:8-9).