Soma Biblia Kila Siku 08/2024Sample

Ni dhahiri kwamba Mungu anachukia uovu, na kama akiamua kuadhibu, hakuna anayeweza kuistahimili ghadhabu yake. Lakini Mungu anawajali sana wale ambao wameendelea kumpenda na kuchukia uovu. Hata kama wanaishi katikati ya wenye uovu wasiotaka kutubu, bado Mungu anawathamini. Mpendwa mkristo, hata kama wengine wanakudhihaki na kukubeza, wewe endelea kumtumikia Mungu kwa uaminifu. Tunaposikia na kupokea neno la Mungu kama Mfalme Yosia, Mungu atatusikia tukimwomba:Kwa kuwa moyo wako ulikuwa mwororo, nawe ukajinyenyekesha mbele za Bwana, hapo ulipoyasikia maneno niliyoyanena juu ya mahali hapa, na juu ya wenyeji wake, ya kwamba watakuwa ukiwa na laana, nawe ulizirarua nguo zako, ukalia mbele zangu; basi, mimi nami nimekusikia wewe, asema Bwana(m.19).