Soma Biblia Kila Siku Julai 2023Sample

Mvua ilikuwa kali kiasi cha kumfanya Farao aone kwamba yeye na watu wake ni waovu, na BWANA ni mwenye haki. Alimwahidi Musa atatoa ruhusa, kama Musa atamwomba Mungu mvua isiendelee. Lakini Musa alipokubali, na Farao pamoja na watumishi wake walipoona jinsi mvua ilivyokoma, walizidi kushupaza moyo. Waliendelea kumwasi Mungu. Mungu anatupa maonyo kila mara, na anatupa nafasi ya kumrudia. Kama tukiishupaza mioyo yetu, tunaongezea dhambi juu ya dhambi. Tunatakiwa kumgeukia Mungu kwa toba ya kweli.