FCA 365 Өдрийн Чимээгүй ЦагSample

ХАНДЛАГА БОЛ БҮХ ЗҮЙЛ

Брайд Типпинс

Өөр хоорондоо Христ Есүст байсан шиг тийм бодолтой бай.
- Филиппой 2:5

Дасгалжуулагч, тоглогчийн хувьд зөв хандлагатай байх нь амаргүй. Бид хэн нэг тамирчны
талаар “Тэр хандлагаа өөрчлөх хэрэгтэй” эсвэл “Түүний хандлага авах юм алга”, “Хэрэв
тэр зөв хандлагатай байсан бол гайхалтай тамирчин байх байсан” гэж ярих нь олонтоо.
Заримдаа бид ялж байх үедээ Бурханд таалагдахааргүй бардам, ихэрхүү хандлага гаргадаг.
Заримдаа бидэнд даруу болох хэрэгтэй үе байдаг. Харин тийм үе сэтгэлийг шаналгадаг.
Дунд сургуулийн дасгалжуулагчийн хувьд залуу тамирчдад зөв хандлагатай байх талаар
заах нь миний ажлын хэцүүхэн хэсэг гэдгийг би олж харсан. Бид бүгд өндөр зэрэглэлийн
тамирчид алдар цуугаа дуурсгаж байгааг зурагтаар хардаг бөгөөд тэд ихэрхүү бардам
байдаг. “Би эхэнд байх ёстой, би мундаг байна” гэсэн хандлагатай бид тэмцэх хэрэгтэй.

1.Амжилт байгуулсан үедээ багийнхандаа зөв хандлагаа харуулж байна гэдгээ яаж
мэдэх вэ?
2.Өөрийн чадвар болон багтаа итгэлтэй байх болон дэндүү эрдэх хоёрын дундах
тэнцвэрийг хэрхэн олох вэ?
3.Үйлчлэх зүрх сэтгэлийг сул дорой байдалтай холихгүйгээр хэрхэн харуулах вэ?
4.Нэмэлтээр унших: Сургаалт үгс 8:13; 11:2; Иохан 13:1-9; 1 Коринт 4:6-7; Филиппой
2:5–11

Эзэн минь, бидэнд амжилт өгсөнд баярлалаа. Таныг алдаршуулахаа мартахгүй байхад
туслаарай. Учир нь Та биднээр дамжуулан Өөрийгөө алдаршуулахын тулд бидэнд
авьяас бэлэг, чадвар хүртээсэн билээ. Хамтран ажиллаж буй залуучууддаа үлгэр
дуурайл болоход туслаарай. Амен.