Wat beteken Jesus Christus se wederkoms vir jou? — 2 Korintiërs 5:1-10

1. Paulus tref hier ‘n kontras tussen ons aardse “tydelike” woning en ons hemelse “permanente” woning by God. Die Gees is aan ons gegee as waarborg dat gereed gemaak word vir ons permanente woning. Wat beteken dit vir jou?

2. Paulus sê dat die Gees ons moed gee om na daardie hemelse woning te streef. Dit sluit egter die regbank van Christus in waar elkeen van ons sal ontvang volgens wat ons hier gedoen het, goed of sleg. Hoe laat dit jou voel?

3. Lees die verse later vandag weer om jou te herinner aan die wonder van ‘n permanente woning by die Vader wat Jesus vir jou voorberei. Hy sal weer terugkom om jou daarheen te neem.

4. Jy kan later vanaand die verse weer lees in die konteks van 2 Korintiërs 4:1-5:10 — Om te lewe soos Hy dit wil.