Wat beteken Jesus Christus se kruisdood vir jou? — 1 Petrus 3:18

1. Petrus wil ons bemoedig in onverdiende lyding met die feit dat Christus ook só gely het. Al het hy nooit sonde gedoen nie, het Hy vir ons sondes gesterf. Hoe laat dit jou voel?

2. Petrus beklemtoon die doel van Jesus se kruisdood. Hy het gesterf vir sondaars om hulle by God te laat tuiskom. Hoe kan dié perspektief jou help waar jy onverdiend moet ly?

3. Lees die verse later vandag weer om jou te herinner aan Jesus se sterwe en opstanding wat jou by God laat tuiskom.

4. Jy kan later vanaand die gedeelte weer lees in die konteks van 1 Petrus 3 met die tema: Wees mense wat seën, sodat julle seën as erfdeel kan verkry.