Wat beteken Jesus Christus se menswording vir jou? — Romeine 9:4-5

1. Paulus beskryf in vers 4 ses voordele wat die Israeliete as uitverkore volk gehad het. Wat is die betekenis daarvan vandag vir jou as uitverkore kind van God?

2. Paulus gaan in vers 5 aan om nog twee voorregte by te voeg. Die afkoms uit die eerbiedwaardige voorvaders (Abraham, Isak en Jakob) en die wonder van die God-mens se geboorte in Christus. Die Israeliete het egter ten spyte van al hierdie voorregte nie in die Here Jesus Christus geglo nie. Hoekom nie en hoe spreek dit jou aan?

3. Lees die verse later vandag weer om jou te herinner dat God sy heerlikheid aan jou bekend gemaak het in Christus Jesus. Dat al hierdie dinge ook aan jou behoort: kindskap; God se heerlikheid; die verbonde; die wet; die aanbidding; die beloftes; die voorvaders; die Christus.

4. Jy kan later vanaand die verse weer lees in die konteks van Romeine 9-11 met die tema: Die Jode se volle getal sal gelowig word.