Vraag 25: Wat is die geloofsbelydenis van Nicea? — 2 Timoteus 3:10-17

1. Die laaste teks hierdie week wat die noodsaak van ‘n gesonde geloofsbelydenis beklemtoon kom van Paulus aan die jong leraar in Efese, Timoteus. Wat leer jy uit die gedeelte oor Paulus se onderrig en die wyse waarop dit aan die Heilige Skrif verbind is?

2. Daar is min verse in die Bybel wat belangriker is as vers 15-17. Dink ná oor elke aspek van die waarde van die hele Skrif.

3. Lees die verse later vandag weer om jou te herinner aan God se uitnemende gawe van sy Woord wat genoegsaam is vir jou hele lewe.

4. Jy kan later vanaand die gedeelte weer lees in die konteks van 2 Timoteus 3 met die tema: Getrou aan die Woord.