Solid Joys ShqipSample

I mahnitur nga ringjallja

“Të dashur, kjo është e dyta letër që po ju shkruaj; në të cilat po e mbaj zgjuar mendjen tuaj të kthjellët duke iu drejtuar kujtesës suaj.” (2 e Pjetrit 3:1)

Ndërsa Pashka po afron, le ta gjallërojmë mirënjohjen, gëzimin, admirimin dhe mahnitjen tonë me atë që do të thotë për ne ringjallja e Jezusit. Mallkimi i natyrës tonë të rënë është që e dikurshmja që na rrëqethte, bëhet tashmë e zakonshme. Realiteti nuk ka ndryshuar, ne jemi ata që kemi ndryshuar.

Kjo është arsyeja pse Bibla ekziston. Pjetri thotë për dy letrat e tij, se ato janë shkruar për të “mbajtur zgjuar” ose “gjallëruar” duke iu drejtuar “kujtesës”.

Prandaj, le ta mbajmë zgjuar mendjen tonë duke iu drejtuar kujtesës.

Çfarë ka bërë Perëndia kur e ringjalli Jezusin prej së vdekurish? Ja disa përgjigje biblike.

Për shkak të ringjalljes së Jezusit, ne kemi lindur sërish në një shpresë të gjallë.

1 e Pjetrit 1:3: “Qoftë bekuar Perëndia, Ati i Zotit tonë Jezu Krisht, i cili sipas mëshirës së tij të shumtë na rilindi për një shpresë të gjallë me anë të ngjalljes së Jezu Krishtit prej së vdekurish.”

Për shkak të ringjalljes së Jezusit, Ai ka tani lavdinë për të cilën ne u krijuam. Fati ynë përfundimtar është që ta shohim Atë ashtu siç Ai është.

1 e Pjetrit 1:21: “Të besoni në Perëndinë, që e ngjalli prej së vdekurish dhe i dha lavdi.”

Gjoni 17:5, 24: “Dhe tani, më përlëvdo, ti o Atë, pranë teje, me lavdinë që unë e kisha pranë teje para se të bëhej bota...O Atë, unë dua që atje ku jam unë, të jenë me mua edhe ata që më ke dhënë, që ta shohin lavdinë time që ti më dhe, sepse ti më deshe para themelimit të botës.”

Vetë Zoti Jezus i ringjallur e rizgjoftë dhe e nxittë mendjen tuaj të sinqertë në thellësi të reja adhurimi, besnikërie dhe gëzimi.

.