Spreuke – eenjaarleesplanSample

Die pa moedig sy seun in die tweede plek aan om nie borg te staan vir vreemdes nie, dit wil sê mense wat jy nie ken nie (Spreuke 11:15; 20:16). Trouens, dit geld borgskap vir enige skuld, veral as jy nie het om te betaal nie (Spreuke 22:26-27).

Dit gaan hier oor die mag wat ander dan oor jou kan uitoefen. Met vreemdes is dit boonop mense van wie se karakter en motiewe jy geen benul het nie. Die pa wil hê dat sy seun vry moet wees van verpligtinge wat moontlik vanweë ander se dwaasheid op hom gelê kan word.

En as dit wel gebeur het dat jy vir vreemdes borg gestaan het? Wel, doen alles in jou vermoë om daaruit los te kom! Soebat, pleit, selfs al kos dit jou ’n nag se slaaploosheid. Sorteer dit uit! Dit geld uiteraard nie wanneer ’n mens iemand anders iets kwytskeld of help met ’n geskenk nie. Maar, daarvoor geld ander reëls (Spreuke 3:27-28).