Soma Biblia Kila Siku Julai/2022Sample

Wakafurahi pamoja naye ... Akaanza kunena akimsifu Mungu (m.58, 64). Neno ”furaha” limetumika mara nyingi katika Injili ya Luka. Tumeshalikuta katika m.14 na 47. Kiini cha furaha ni neema ya Mungu ambalo pia ni jambo tunalolikuta mara nyingi katika injili hii. Kwa mfano, tazama m.30 anaposema, Usiogope, Mariamu, kwa maana umepata neema kwa Mungu. Kwa hiyo ni furaha ya kumfurahia Bwana kutokana na neema aliyotukirimia. Na neema yake hasa ni kumtuma Mwana wake ili atuokoe! Furaha hii ilipobubujika kwa Mariamu na Zakaria wakatamka maneno mazuri sana juu ya Mungu. Wakasema, Kwa kuwa Mwenye nguvu amenitendea makuu, Na jina lake ni takatifu. Na rehema zake hudumu vizazi hata vizazi Kwa hao wanaomcha (m.49-50).