Soma Biblia Kila Siku Julai/2022Sample

Vipi na uovu uliotapakaa katika jamii? Maono ya efa (= kikapu) na mwanamke yaonyesha jinsi nchi ya Israeli hatimaye itakuwa huru mbali na ushawishi wa uovu. Shinari ni sawa na Babeli, mahali pa kuabudu sanamu au miungu. Licha ya ibada hizi mara nyingi kuunganishwa na uasherati, zilihesabiwa kuwa uzinzi wa kiroho. Katika Ufu 14:8 imeandikwa, Kisha mwingine, malaika wa pili, akafuata, akisema, Umeanguka, umeanguka Babeli, mji ule ulio mkubwa, maana ndio uliowanywesha mataifa yote mvinyo ya ghadhabu ya uasherati wake. Mfano huohuo wa uzinzi umetumika katika Ufu 17:5, Katika kipaji cha uso wake alikuwa na jina limeandikwa, la siri, BABELI MKUU, MAMA WA MAKAHABA NA MACHUKIZO YA NCHI. Roho wa Mungu ataangamiza hali hiyo kati ya watu wake. Hatimaye Mungu atatawala uumbaji na taifa lake. Tumwombe atuwezeshe kuutambua uovu huo tusinaswe nao.