FCA 365 Өдрийн Чимээгүй ЦагЗагвар

ХРИСТ ДОТОРХ ЯЛАЛТ

Пат Стрийт

Эзэний нэрийг дуудах бүхэн аврагдах болно.
- Үйлс 2: 21

Хүн бүр юунд ч хамаагүй ялахыг хүсдэг. Усан цанын дэлхийн аварга Синди Тодд
ялалтын талаар Филиппой 3:14-д “Христ Есүс дотор Бурханы дээш чиглэсэн дуудлагын
шагналын төлөө бариа өөд урагшилдаг” гэхийг уншаад надад хамгийн түрүүнд усан цанын
спорт маань санагдсан. Хүн бүр шагналын төлөө өрсөлддөг ч зөвхөн нэг л ялагч тодордог.
Бурхан надад усан цанын спортоор хичээллэх авъяасыг өгсөн ч Түүний дотор би өөр нэгэн
төрлийн ялагч болсон юм. Есүсийн цусаар дамжуулан миний гэм нүгэл уучлагдсан бөгөөд
би Бурханаас ивээл болон авралыг хүлээн авсан. Энэ бол амьдралын минь хамгийн чухал
ялалт бөгөөд хамгийн гайхалтай нь бид бүгд үүнийг хүртэж болно” гэжээ.
Есүс биднийг амьдралын ялагчид болгодог. Ром 8: 37-д “Харин бид энэ бүхний дотор
биднийг хайрладаг Түүгээр дамжуулан бүрэн ялдаг” гэжээ. Тэрээр нас барж, дараа нь
үхлээс амилснаар бидний төлөө чөтгөрийг ялсан юм. Бид Христийг амьдралдаа оруулахдаа
гэм болон үхлийг ялсан ялалтыг нь ч хүлээн авах болно. Түүгээр дамжуулан бид уучлал
хүртэж, баяр хөөр, амар тайван болон хүч чадал, мөн бидний бүх хэрэгцээг хангах хариулт
болох мөнх амийг олж авах болно.

1.Та Есүс Христийг өөрийн Аврагчаа болгон хүлээн авсан уу?
2.Үгүй бол танд юу саад болж байна вэ?
3.Нэмэлтээр унших: Үйлс 2: 14-26; Филиппой 3: 12-21

Есүс ээ, би ялахыг хүсэж байна. Би Таныг өөрийн Эзэн бөгөөд Аврагч хэмээн хүлээн
авахыг хүсэж байна. Таны нэрээр залбирлаа. Амен