Бурханы хүсэлЗагвар

Бурханы дээд эрх ба бидний чөлөөт хүсэл

Бурханы хүслийг авч үзэхэд надаас байнга асуудаг асуултуудын зарим нь зайлшгүй байхтай холбоотой байдаг. Эзэний төлөвлөгөө үргэлж гүйцэлдэх үү? Бид түүнийг нь баллаж чадах уу? Бид амьдралдаа ямар сонголт хийх боломжтой вэ? Бурханы төлөвлөгөөний хэдийг Тэр бидэнд ногдуулах вэ, мөн бид хэдийг нь өөрсдөө сонгох боломжтой вэ? 

Эдгээр нь Бурханы хүслийг эрэлхийлэх, ялангуяа чухал шийдвэр гаргахад бидэнд тулгардаг асуултуудын зарим нь юм. Эзэний дээд эрх болон бидний чөлөөт хүслийг илүү сайн ойлгохын тулд бид Эзэний төлөвлөгөөний талаарх хоёр чухал ойлголтыг мэдэх хэрэгтэй: Түүний биелэгдэхээр шийдсэн хүсэл болон Түүний биелэгдээсэй хэмээн хүссэн хүсэл. 

Бурханы биелэгдэхээр (дээд эрхт) шийдсэн хүсэл бол үнэхээр биелэх хүсэл юм... Түүний зайлшгүй, хувиршгүй, зорилготой, цогц төлөвлөгөөнүүд нь Түүнд агуу магтаал, алдар сууг авчрах болно. Бурхан ийм төрлийн төлөвлөгөөг зөвхөн дэлхийн үйл явдал эсвэл улс үндэстэнд зориулдаггүй гэдгийг бид ойлгох ёстой. Тэр бас таны болон миний төлөө ийм төлөвлөгөө гаргадаг (Дуу. 139:16). Ефес 2:10-д "бид сайн үйлсийн төлөө Христ Есүс дотор бүтээгдсэн Түүний бүтээл мөн. Биднийг эдгээрийн дотор яваасай гэж Бурхан урьдаас бэлтгэсэн билээ." гэж Библид илчилдэг. Эзэн бидний хүн нэг бүрийг тодорхой үүрэг даалгаварт идэвхтэй бэлтгэж, Өөрийнх нь төлөө энэ дэлхийд нөлөө үзүүлэх өвөрмөц бэлгүүдийг өгдөг (1 Кор. 12:7). 

Бурханы хүссэн (зөвшөөрсөн) хүсэл бол та бид хоёрын өдөр бүрээ хэрхэн амьдрахыг хүсэх хүсэл юм. Бурхан бидэнд сонголтуудыг өгдөг бөгөөд ингэснээр бид Түүнд дуулгавартай байхын тулд өөрсдийн хүсэл зоригоо ашиглах боломжтой болно. Тэр бас бидний зүрх сэтгэлийг сорьж, Түүнийг өөрсдийн Бурхан гэдгээ үнэхээр хүлээн зөвшөөрч байгаа эсэхийг шалгахын тулд үүнийг хийдэг. Түүний хүссэн хүсэл бол бидний өдөр тутмын амьдралд Түүний хувьчилсан оролцоо мөн бидний шийдвэрт үзүүлэх Түүний чиглүүлэг юм. Тиймээс, Эзэний биелэгдэхээр шийдсэн хүсэл нь Түүний Үгэнд илчлэгдсэн зүйлээс өөрөөр урьдчилан таамаглах аргагүй бөгөөд зайлшгүй байдаг. Таны амьдралд зориулсан Эцэгийн хүссэн хүслийг та нөхцөл байдалтай тулгарах үедээ мэдэх бөгөөд энэ нь танаас Тэр таны хувьд хэн болохоос хамааран шийдвэрээ гаргахыг шаарддаг.

Таны санаж байх ёстой хамгийн чухал зүйл бол Бурхан Өөрийн бүх төлөвлөгөөнд Өөрийгөө бүрэн зориулсан гэдгийг санах хэрэгтэй. Хэрэв та Бурханыг эрэлхийлж, Түүний хүслийг биелүүлэх зүрх сэтгэлтэй бол Тэр танд юу хийхийг тань заавал харуулах болно гэж амласан. Есүс Өөрөө: "Гуй, тэгвэл та нарт өгөгдөнө. Хай, тэгвэл та нар олно. Тогш, тэгвэл та нарт нээгдэнэ. Гуйдаг бүр авна, эрж хайдаг нь олно, тогшдогт нээгдэнэ." (Матай 7:7–8). Тэнгэрлэг Эцэгийн тань хувьд Бурхан танд сайн зүйлсийг өгч, илчилж, нээж, хангахын тулд таныг Түүнээс гуйж, хайж, тогшихыг хүсдэг (Матай 7:11).  

Тиймээс ямар ч шалтгаанаар Тэр Өөрийн хүслийг нуун дарагдуулдаг бай, та аль сонголтоо хийхээ мэдэхгүй байсан ч,” Өөрийн сайн тааллын төлөө та нарын хүсэх, ажиллахын аль алинд нь та нарын дотор үйлдэгч нь Бурхан Өөрөө юм.” Филиппой 2:13-аар та тайтгарч болно. Их Эзэн таныг манан дундуур чиглүүлэх үүрэгтэй. Тэр Өөрийн цагтаа тэнгэр, газрыг хөдөлгөж, Өөрийн хүслийг танд харуулах болно. Ирэх өдрүүдэд бид энэ нь юу гэсэн үг болохыг болон Түүний ажилладаг олон арга замуудыг нарийвчлан судлах болно.