Бурханы хүсэлЗагвар

Саад: Өсөн дээдлэхэд танд юу саад болж байна вэ?

Энэ төлөвлөгөөний сүүлийн хэдэн өдрүүдийнхийг уншсаны дараа таны төлөөх Бурханы хүслийг мэдэж, үйлдэх талаар асар их итгэл танд төрөх ёстой. Энэ бүгдийн цаана, дэлхий ертөнцийг үгээрээ бүтээсэн тэр л Нэгэн тантай ярьж байдаг. Нар, сар, одод, гариг эрхсийг байрлуулсан Тэр тантай харилцаатай байхыг хүсдэг нь дамжиггүй.

Тэгвэл заримдаа бид яагаад Түүнийг сонсож чаддаггүй вэ? Эцсийн эцэст, Бурхан бидэнтэй ярихаа, бидэнд зааварчлахаа, биднийг хөтлөн дагуулахаа хэзээ ч зогсоохгүй гэж Библид амласан байдаг. Гэтэл Бурханыг сонсоход асуудалтай үеүдтэй бид тулгардаг нь бодит үнэн юм. Хэрэв бид Эзэнтэйгээ харилцахдаа учир дутагдалтай байгаа бол энэ нь Бурхан бидэнтэй холбогдох боломжгүй ч юм уу эсвэл хүсэхгүй байгаа хэрэг биш юм. Харин бид Түүнийг сонсох хүсэлтэй байвал Тэрээр бидэнтэй холбогдохоос гадна тэр асуудлыг шийдэж чадна. Юуг Тэр хийхгүй вэ гэвэл хүчээр биднийг Түүнтэй харилцахыг мөн Түүнийг сонсохоос татгалзахыг Тэр буруушаахгүй.

Бурханыг сонсох боломжуудыг маань хаадаг хэд хэдэн хүчин зүйлсийн талаар өнөөдөр бид авч үзэх болно. Хэрвээ үүнийг нэн даруй шийдвэрлэхгүй бол энэ бүхэн Эзэний хэлж байгаа зүйлийг ялган ухаарахад бидэнд саад болж, улмаар амьдралыг маань чимээ шуугиантай болгоно.

1. Өөрийн хүсэл — Хамгийн нийтлэг бөгөөд саад болдог хүчин зүйлүүдийн нэг бол бидний өөрсдийн хүсэл байдаг. Өөрсдийн хэрэгцээ болон хүсэл дээрээ илүү ихээр анхаардгийн улмаас Эзэний хэлж байгаа зүйлийг бид сонсож чаддаггүй.
2. Бусдын нөлөөлөл — Хүмүүс бидний амьдралд нөлөөлдөг ба шийдвэр гаргах мөчид тэд үргэлж санал хэлдэг. Гэтэл тэд бол та биш бөгөөд таны амьдралд зориулсан Бурханы хүслээс илүүтэйгээр тэд хэзээ ч таныг илүү сайнаар мэдэж чадахгүй.
3. Бурханы зан чанарыг мөн Түүний зарчмыг ойшоодоггүй — Эзэнийг сонсоход саад болдог өөр нэг шалтгаан бол Бурханыг болон Түүний замуудыг бид сайтар мэддэггүй явдал юм.
4. Итгэлгүй байдал — Бурханы хүслийг сонсоход саад болдог өөр нэг хүчин зүйл бол итгэлгүй байдал билээ. Энэ нь өөрийнхөө нөхцөл байдлын талаар зүрхэндээ айдас тээх мөн Эзэнийхээ амлалт буюу зан байдлынх талаар эргэлзэх хоёрын хослол юм.
5. Үнэ цэнгүй юм уу гэмтэн мэт мэдрэмжтэй байх — Өөрийнхөө талаар хэрхэн мэдэрч байгаа нь Бурханыг сонсоход саад болдог. Ялангуяа Бурханы хайр болон халамжийг хүртэх эрхгүй мэтээр өөрийгөө тооцох явдал юм.
6. Завгүй байх — Бид цагаа хэрхэн өнгөрүүлэх тал дээр бүх сонголтыг өөрсдөө хийхийн зэрэгцээ ихэвчлэн Эзэнийг чухал зүйлсийнхээ сүүлд нь тавиад маш бага цагийг Түүнтэй өнгөрөөдөг.
7. Бурханд уурлах — Бурханы хүслийг мэдэхээс санаатай болон санамсаргүй зайлсхийдэг шалтгаан танд байдаг нь эдгэрээгүй уур хилэн мөн Түүнд гомдсоноос үүдэлтэйн учраас юм.
8. Нүглээ санаатайгаар нуун дарах — Нүглээ нуун дарснаар амьдралд тань зориулсан Бурханы хүслийг сонсоход танд саад учирдаг. Нүгэл үйлдээд түүнийгээ нууж өнгөрөөх үед (үүнийг бидний хэн байх, хэн байх эрхтэй болохын нэг хэсэг хэмээн хүлээн зөвшөөрч хамгаалахад), бидний Эзэнтэйгээ харилцах харилцааны дунд том хаалт болон тавигддаг.

Өөрийн Аврагчаа хэмээн Христийг танин мэдэж, Түүний Сүнсний орших газар болохоос өөр хамгийн агуу эрдэнэс бол таны амьдралд зориулсан Бурханы зорилго, төлөвлөгөөг ухааран ойлгох явдал билээ. Дээр дурдсан саадуудын нэгийг нь ч энэхүү гайхамшигт бэлгийг алдах шалтгаан бүү болгоорой. Түүний оронд та үргэлж залбиран намайг судлаач хэмээн Бурханаас асуугаарай. Түүний илчлэлийн нэгийг нь ч бүү үл ойшоогоорой. Түүнтэй өөрийгөө нийцүүлж, амьдралд тань нээж өгч буй Түүний гайхамшигт хүслийг бүхий л замынхаа турш анхааралтай ажиглаарай