Апп-ыг аваарайБурханы хүсэлЗагвар
Бурхан танд өөрийн хүслээ мэдүүлэх болно
Бурханы төлөвлөгөөнд гар бие оролцохын тулд эхлээд тэр төлөвлөгөө нь юу болохыг таньж мэдэх хэрэгтэй. Мөн түүнийг бүхий л зүрхээрээ хайх үед тэр өөрийн төлөвлөгөөг танд харуулах болно гэдэгт итгэх хэрэгтэй. Тиймээс яг одоо нэгэн шийдвэрийг гаргаарай. Бурхан өөрийн хүслийг танд мэдүүлж, өөрийнх нь хүслийн дагуу амьдрахыг хүсэж байгаа гэдэгт итгэх.
Тэгвэл яаж мэдэх вэ?
Эхлээд, Бурхан өөрийн хүслийг танд мэдүүлэх нь түүний мөн чанаргэдгийг мэдэх. Хэрэв Эзэн таныг тодорхой нэгэн замаар явахыг, тодорхой сонголтуудыг хийхийг хүсэж байгаа бол тэр өөрөө танд юу хийхийг тань зааж өгөх хариуцлагатай болж байгаа юм. Бурхан таны эргэлзээтэй байдал болон таны хийх ёстой сонголтууд хэцүү гэдгийг ч мэдэж байгаа. Гэхдээ сайн бөгөөд итгэмжит Эцэгийн хувьд тэр танд туслахыг хүсдэг - Түүний үгэнд ч бас энэ талаар олон дурдсан байдаг. Дуулал 32:8 хэлэхдээ "Би явах ёстой замд чинь чамд зааварлан зааж өгнө Нүд минь чамайг ширтэн чамд зөвлөнө" гэсэн. Мөн Давид ч бас түүнийг дуудахдаа "Та миний Бурхан учраас Таны хүсэл тааллыг гүйцэлдүүлэхийг надад заагаач. Таны сайн Сүнс намайг тэгш газар дээр удирддаг" (Дуулал 143:10) гэж хэлсэн. Давид Бурханы мөн чанар бол бидэнд өөрийн хүслийг мэдүүлэхийг хүсдэг ба түүн дотор алхаасай гэж хүсдэгийг мэддэг байсан (1 Шастир 16:8-12).
Хоёрдугаарт, Бурхан өөрийн хүсэлтийг мэдүүлнэ гэж амласан. Иаков 1:5 хэлэхдээ "Харин та нарын хэн нэгэн нь мэргэн ухаанаар дутвал, бүх хүнд өгөөмрөөр, буруушаалгүй өгөгч Бурханаас гуйг. Тэгээд түүнд өгөгдөх болно" гэсэн. Түүнтэй адил Сургаалт үгс 28:5 "Эзэнийг хайгч нар бүх юмыг ойлгодог" гэсэн. Үүнтэй адил та библиэс тоо томшгүй их Бурхан өөрийн төлөвлөгөөг танд мэдүүлэх болно гэсэн амлалтыг олох болно.
Тиймээс одооноос Түүнтэй алхах замдаа ямар ч эргэлзээгүйгээр Эзэн өөрийн хүсэлтээ танд мэдүүлэх болно гэдэг үнэнийг хүлээж авах хэрэгтэй. Хэрэв танд эргэлзээ төрвөл "Та надад амийн замыг таниулна. Таны өмнө л баяр хөөр дүүрэн байдаг. Таны баруун мутарт үүрд баяр жаргал байдаг" Дуулал 16:11 гэсэн түүний үнэн үгэнд амралтыг олоорой.
Энэ төлөвлөгөөний тухай
Таныг гэсэн Бурханы хүсэл нууцлаг хэвээрээ байх шаардлагагүй. Та амьдралын томоохон шийдвэртэй нүүр тулж байгаа эсвэл өдөр бүр Бурхантай алхахыг хичээж байгаагаас үл хамааран, Тэнгэрлэг Эцэг тань танд зориулсан төлөвлөгөөгөө мэдүүлэхийг хүсдэг. Доктор Чарлес Стэнлийгийн энэхүү төлөвлөгөө нь, Бурханы хүслийн талаар, үүнийг хэрхэн ялган таних болон амьдралдаа Түүний хүсэл дотор алхахад хийх хэрэгтэй алхмуудыг танд заах болно.
More
