Бурханы хүсэлЗагвар

Бурханы хүслийг нээн илрүүлэх 8 арга зам

Бурханы бидний амьдралд хүсэж буй туйлын хүслийг ойлгохоор амьдрах үед дараах 8 арга зам Бурханы бидний амьдралд зориулсан төлөвлөгөө, хүслийг нээн илрүүлэхэд туслах болно.

1. Бичвэрээр дамжуулан Бурхантай харилцах — Бурхан Үгээрээ дамжуулан, бидэнд Христ итгэлт амьдрал нь ямар байх хэрэгтэй талаар заадаг буюу Бурханы хүүхдийн хувиар хэрхэн амьдралын сорилтод унахгүй байх талаар заадаг (2 Тимот 3:16-17). Өөрөөр хэлбэл Библи бидэнд Эцэг биднийг юу хийхийг хүсдэг талаар болон хэрхэн гүйцэлдүүлэхийг зааж өгдөг. Библи бол хэрхэн амьдрах талаарх зааварчилгаа ном юм. Тиймээс Тэр хэзээ ч өөрийн Үгэнд нь бичигдсэн зүйлээс зөрчилдөх замаар хөтлөн дагуулахгүй.
2. Амьдралын нөхцөл байдал — Бурхан бидэнтэй амьдралын нөхцөл байдлаар дамжуулан ярьдаг буюу яг ямар нөхцөл байдалд байгаагаар маань болон бидний эргэн тойрон дахь хүмүүсээр дамжуулан ярьдаг. Тэр бидний амьдралын хором мөч бүрд өөрийн Хүслийн дагуу хөтлөн дагуулж, гүйцэлдүүлэхээр ажилласаар байдаг (Ром 8:28).
3. Зөвлөгөө, ярилцлага — Бурхан бидэнтэй бусад итгэгч нараар дамжуулан ярьдаг. Заримдаа бидэнд дадаагүй, шинэ талбар дээр юу хийхээ мэдэхгүй үед бусад итгэгч нарын тусламжийг авах хэрэгтэй байдаг. Тийм ч учраас Бичвэр бидэнд нэг нэгэндээ хайр болон цэвэр зүрх, сайн мөн чанараар зааж сурга гэсэн (1 Тимот 1:5).
4. Сайн мөн чанар — Бурханы хүслийг ялган таних өөр нэгэн хүчил зүйл бол сайн мөн чанар буюу ёс суртахууны хувьд зөв зүйлийг үйлдэх бидний доторх дуу хоолой юм. Бид буруу зүйлийг хийхээр соригдох үед болон буруу зүг руу явах үед маань сануулдаг сануулга юм (Ром 2:14-15).
5. Эрүүл ухаан — Сүнсээр удирдуулсан итгэгч нь өөрийн оюун ухаан болон бодлыг ашиглан Бурханы хүслийг ялган таньдаг (Тит 2:11-12).
6. Ятгалга — Бурхан танд Ариун Сүнсээрээ дамжуулан аливаа зүйлийг хийх хүчтэй хүсэл тэмүүлэл болон ятгалгыг өгдөг (Филиппой 2:13).
7. Амар тайван — Бид аливаа зүйлийг хийх үедээ амар тайвныг мэдэрснээр Бурханы хүслийг таньдаг. Хэрэв та Эзэний эсрэгажиллаж байгаа бол, таны Сүнс тухгүй байдлыг мэдрэх болно. Хэрвээ та Бурханы хүслийн дагуу бол та амар тайвныг мэдрэн (Филиппой 4:7).
8. Залбирлаар дамжуулан Бурхантай харилцах — Бид Бурханаас асуухыг хүсэж буй зүйл болон эргэлзэж байгаа асуудлуудаа залбирлаар дамжуулан Бурханы өмнө авчрах үед Тэр бидэнд болж буй процессыг ойлгоход тусална гэдгээ амласан (Дуулал 119:105).

Бурхан таны төлөө арга замуудыг нээн харуулсаар байна. Тэр таны амьдралд хүсэж буй зүйлээ мэдүүлэхийн тулд дээрх аргуудыг ашигласаар байна. Тиймээс Бурханы хүслийг сонсоогүйн улмаас би юу алдах болоо гэж бүү ай. Тэр тантай тодоор ярих бөгөөд таныг хийхээр дуудсан зүйлээ гүйцэлдүүлэх үед тань туслах болно.

Таны хийх хэрэгтэй зүйл бол Түүнд анхаарлаа хандуулан сонсож, дуулгавартай дагах юм.