Бурханы хүсэлЗагвар

Бурханы Хүсэл — Том Зураг

Ром 12:2-д "Энэ үеийн явдалд бүү нийцэгтүн. Харин зүрх сэтгэлээ шинэчилснээр өөрчлөгдөж Бурханы хүсэл юу болохыг, тухайлбал сайн, тааламжит, төгс төгөлдөр хүслийг батлагтун." гэж Бурханы Үгэнд амладаг.

Ром номд хэлснээр Бурханы хүсэл бол сайн, тааламжит, төгс төгөлдөр зүйл юм. Ертөнцийн Эзэний танд зориулсан төлөвлөгөө бол хэзээ ч таны дааж давшгүй зүйл эсвэл үзэн яддаг, амьдралыг сүйрүүлэхүйц зүйлээр хэлэгдсэн байдаггүй. Харин ч эсрэгээрээ Ертөнцийн Эзэний бидэнд хүсэж буй зүйл бол "сайн сайхан хийгээд тааламжит, төгс төгөлдөр" юм. Эдгээр үгс биднийг амар тайван, итгэлтэй байдлаар дүүргэдэг.

Эдгээрийг илүү гүнзгий судлан авч үзье.

• Нэгдүгээрт, Бурханы хүсэл бол сайн. Танд зориулсан Эзэний төлөвлөгөө бол эрхэм, сайн бөгөөд танд тустай юм. Эхэндээ танд тийм юм шиг санагдахгүй ч байж болох юм. Гэхдээ бид Бурханыг хайрладаг, Түүний зорилгын дагуу дуудагдсан хүмүүсийн сайн сайхны төлөө бүх юм хамтдаа ажилладаг гэдгийг санах хэрэгтэй. (Ром 8:28) Эцэг маань бидний амьдралд юу тохиолдохыг зөвшөөрөхдөө маш хянамгай ханддаг. Яагаад? Яагаад гэвэл Бурхан өөрөө Сайн учраас юм. Дуулал 145:9-д, “Эзэн бүгдэд сайн” болохыг бататгажээ.
• Хоёрдугаарт, Эзэний танд зориулсан төлөвлөгөө бол хүлээн зөвшөөрөхүйц. Энэ нь Бурханд болон танд тааламжтай юм. Эзэн Христийн загалмай дээр хийсэн зүйлийн улмаас таныг хүлээж авдаг. Нэгэнт та Христийг өөрийн аврагчаар хүлээн авсан бол Эцэгийн өмнө ч бас үүрд хүлээн зөвшөөрөгдсөн гэсэн үг. Таны дотор байгаа Ариун Сүнсний оршихуй болон Бурханы үг зууч тань болохын хувьд та Эзэнд тааламжит амьдралаар амьдрах боломжтой болно. Филиппой 2:13-т хэлэхдээ, "Учир нь Өөрийн сайн тааллын төлөө та нарын хүсэх, ажиллахын аль алинд нь та нарын дотор үйлдэгч нь Бурхан Өөрөө юм." гэсэн. Эцэг танд Түүнтэй хамт хэрхэн алхахыг, таныг хөтлөн дагуулах замаар тэвчээртэйгээр заадаг. Түүгээр ч барахгүй бид зөвхөн Түүнд тааламжит амьдралаар амьдрах боломжтойн дээр Бурхан Өөрөө танд туслахад бэлэн байдаг.
• Эцэст нь, Бурханы хүсэл бол төгс төгөлдөр. Бид "төгс төгөлдөр" гэдэг үгийг унших үедээ Эзэнтэй хамт ямар ч өө сэвгүй амьдралаар амьдарсаар байх тухай бодон сүрддэг. Гэхдээ энэ нь ийм утгыг илэрхийлээгүй. Грек үг болох teleios нь "дууссан, төлөвшилд хүрсэн, зорилгодоо хүрэх боломжтой болсон, бүрэн дүүрэн болоход дутуу зүйл гэж үгүй" зэргээр орчуулагддаг юм. Анд минь, Эцэг хэзээ ч хагас дутуу зүйл хийдэггүй—тэр тусмаа таны амьдралд. Та Түүний төлөвлөгөөг бүрэн дүүрэн мэдэхгүй байж болох хэдий ч … Тэр мэдэж байгаа. Тэр "эхлэлээс төгсгөл хүртэл" (Исаиа 46:10) мэддэг ба үүнийг Тэр бүрэн дүүрэн гүйцэлдүүлэх болно.

Эзэний хүсэл бол сайн, тааламжит, төгс төгөлдөр болохыг Түүний Үг амладаг. Хайр ивээлээр дүүрэн Бурханд үйлчлэхийг хүсэхгүй хэн байх билээ? Өнөөдөр Түүний сайн, тааламжит, төгс хүсэл танд байгаа, Түүнд итгэх үед Бурхан Өөрийн хүслээ таны амьдралд гүйцэлдүүлэх болно гэдэг амлалтад итгэж, амралтыг аваарай.