Есүсийн хэзээ ч хэлээгүй зүйлсЗагвар

Чи цааш алхах хэрэггүй. 

Та Есүсийг дагахаар амьдралаа өргөсөн хормоо санаж байна уу? Та чуулган дээр гараа өргөсөн үү, ганцаараа байсан уу эсвэл магадгүй найз эсвэл гэр бүлийн гишүүн таныг залбиралд хөтөлсөн уу? Хоёр дахь өдөр таны уншсан найман настай хүү чуулган дээр аавынхаа хамт Христ мэндэлсэн баярын сургаалыг сонсож байсан юм. Харин та хаана байсан бэ?

Та хаана ч байсан ч гэсэн тэндээ та тийм ч удаагүй байх—мөнх тэндээ үлдээгүй л болов уу. Христ мэндэлсэн баяраар хүү чуулган дээр байсаар байгаа юм биш. 

Есүсийг дагана гэж шийдсэн тэр газартаа бид майхан бариад суудаггүй учир нь Есүсийг дагах нь майхан бариад суухаас илүү алхахтай адилхан аж. Амьдралаа Есүст өргөхийг шийдсэн атлаа хөлөө амраан суудаггүй, учир нь Есүсийн алхах газарт алхахад хөл тань танд хэрэгтэй болох болно. Түүнийг дагана гэж гараа өргөсөн атлаа амрахаар гараа хумхин суудаггүй учир нь чуулганд тань, хотод тань, харилцаанд тань мөн гэр бүлд тань Түүний хийх зүйлийг хийхэд гар тань танд хэрэгтэй болно. 

Одоо ойлгогдож байна уу? Хэлэх гээд байгаа зүйлийг маань ойлгосон уу?

Дагалдагчдадаа хандан Есүс, "Чи цааш алхах хэрэггүй." гэж хэзээ ч хэлээгүй. "Завинаасаа гар; Дэвсгэрээ аваад алх; Явж бусдыг дагуул; Бие биеэ хайрла; Зөвт байдлын төлөө өлс, цанга; Надад үйлчил; Над дээр ир; Надаас суралц" мөн мэдээж "Намайг дага." гэх мэт зүйлсийг Тэр хэлсэн.

Гэхдээ бид тохь тухтай байдал, үүрэг хариуцлагын үүднээс эсвэл нэг л өдөр тэнгэрулсад очих болно гэсэн үүднээс Есүсийг дагадаггүй. Нэг хөлөө нөгөөгийнхөө өмнө тавин, гараа бэлэн байдалтайгаар Есүс рүү бид хараагаа сунгадаг учир нь бид Түүнд хайртай бөгөөд Түүнд итгэдгийнх.

Залбир: Есүс ээ, Таныг хэрхэн улам ойр дагахыг надад харуулаач. Дараа нь бид хаашаа явах гэж байна вэ?

Есүс юу гэж хэлснийг улам илүү мэдэхийг хүсвэл эндээс үзнэ үү.