Markuse 4
4
Adsiujunik sunatuinarnik. Tesseᴋsub ikubliartitauninganik.
1Tesseksûblo kiglingane ama ajoᴋertuilerpoᴋ; inugasaksuillo katilermatta tâpsomunga, umiarmut tesseᴋsoarmêtomut ikijariaᴋalerpoᴋ ingidlunelo; inugasaksuillo ilûnatik tesseᴋsûb kiglinganêput.
2Akunillo ajoᴋertorpait adsiujutigut, ajoᴋertuivlunelo oᴋautivait:
3Nâlagitse, ahâk karngasoijoᴋ karngasoijartorpoᴋ.
4Karngasoitilugolo illangit apᴋosinermut katakput; tagva tingmitjat ᴋilaub atânêtut pukumalukpait.
5Illangillo ᴋairtomut ivjokitomut katakput; perortersârpullo, ivjokinamik.
6Seᴋinerlo nuingmat, ᴋunorlersârput, amâᴋanginamiglo panilerput.
7Illangit katakput ukpigait kakilautilit akornganut; ukpigaillo kakilautilit peroramik, toᴋopait, sulugaineᴋartailitilugillo.
8Illangillo katakput nunamut ivjoriktomut, nuilerlutiglo perorlarmiglo perorsiaksaᴋalerput sulugainermingne: illangit 30 nik, illangillo 60 nik, illangillo 100 nik.
9Oᴋautivaillo: Tussâjungnik siutilik tussarle!
10Kissimeolermallo, najortingita 12 it illagivlugit aperivât adsiujub tamattoma tukkinganik.
11Kiovait oᴋautivlugillo: Ilipse Gûdib nâlegauvingata nelonarninganik ᴋaûjititauvose; taipkoale uvaptingnêngitut adsiujunik oᴋautjaulerput;
12Ijinut uitajunut tautuklutik illitarserᴋonagit, siutinullo angmajunut tussâvlutik tukkiserᴋonagit, sâgiarᴋonagillo, ajorningillo issumagijaujungnairᴋonagit.
13Oᴋautivaillo: Adsiujut tamakkoa tukkisingikupsigik, ᴋanoᴋ assingit tamaita tukkisinajarpisigîk?
14Karngasoijub oᴋauseᴋ karngasoriartorpâ.
15Apᴋosiniub senianut karngautigimajut, tâpkoangovut, (Gûdib) oᴋausinginik tussartut; tussarpagille, Sâtanasib tâva oᴋautsinik pêjariartorpait, ômatinginut karngautigimajut.
16Taimaktauᴋ ᴋairtomut ivjokitomut karngautigimajut, tâpkoangovut, oᴋautsinik tussartut, kuviasuklutiglo tamakkoninga illaliorsârtut.
17Amâᴋanginamigle ilumingne, sangusaraidlarput; kappianartoᴋalerangat unangmiklertoᴋalerangallônêt oᴋauseᴋ pivlugo, sinaungasarailerput.
18Ukpigaille kakilautilit akorngannut karngautigimajut, tâpkoangovut, oᴋautsinik tussartut;
19Silaᴋsûblo mattoma pinginik siaklernerub, akluitsomanerublo uivêrinarningata, assingitalo ikligunerit unuktut, oᴋautsit ipitipait, sulugainertâratiglo perorsiaksatalingnik.
20Ivjoriktomullo karngautigimajut, tâpkoangovut, oᴋautsinik tussartut illaliortullo, sulugainertârlutiglo perorsiaksatalingnik; illangat 100 ilingnik, illangalle 60 lingnik, illangallo 30 lingnik.
21Oᴋautivaillo: Nennergoaᴋ ikitaunajarᴋâ, ᴋattaujab sâblônêt atânut ilivlugô? aukagle, nennergoarvingmulle ilivât.
22Ijersimajoᴋangilaᴋ saᴋᴋijâromângitomik angiarijaujoᴋanginivoᴋ tussaumajaujomângitomik.
23Tussâjungnik siutilik tussarle!
24Oᴋautivaillo: Tussartase nâleksigik; ôktûtipsingnut ôktoraujomârivose; tapeᴋaromârluselo ilipse tamattominga tussartose.
25Peᴋartoᴋ tunitjivioniarpoᴋ; peᴋangitorlo aᴋsârtauniarpoᴋ pinganik.
26Oᴋarporlo: Gûdib nâlegauvia imaipoᴋ, sorlo inuk karngasûtinik karngasoijotut nunamut;
27Siniklunelo unnugangat, makilarmelo ᴋaulerangat; karngasûtillo nuilerlutik perorput, tâmna nelotilugo ᴋanoᴋ.
28Nunab ingminik iviksukat perorterᴋârpait, kingorngagut sulugainingit, kingorngagullo sulugainerit senaugaksanik perorsiaksataᴋalerput.
29Sulugainermarîlle inerangata, inuata kibloriartorsârpait, katersivik neliutingmat.
30Oᴋarporlo: Sumut Gûdib nâlegauvinga adsiutitaksarivitigô? adsiujullônêt neliatigut nelonarungnaititaksarivitigô?
31Mustardib karngasûtiksatangatut-ipoᴋ; tâmna karngasortaugame nunamut, mingnerovoᴋ assiminit karngasûtinit tamainit nuname.
32Karngasortaugamelo perorpoᴋ, anginersauvlunelo perorsianit makpatâvangnit tamainit; akkeroᴋalilarmelo angijunik, tingmitjallo ᴋilaub atânêtut ineᴋarungnarput tachaliningane.
33Taimaitutigut adsiujutigut unuktutigut oᴋautsinik oᴋarvigivait, tukkisijungnarnikiningat maliklugo.
34Adsiojôngitutigullo oᴋarvigingilait; illatuarigunigille, illiniartiminut tamakkoa tamaita tukkeᴋartipait.
35Uvlormelo taipsomane unnuktome oᴋautivait: Akianut ikârta!
36Inuillo aulartinamigit, umiarmut ikitipât; assingitalo umiat illagigivait.
37Ullijutjeradlalermallo, mallit umiaᴋ itipjuallugo pivât tattadlugolo.
38Umiablo aᴋᴋoanêpoᴋ siniklunelo akitime, tupârdlugolo oᴋautivât: Ajoᴋertuijoᴋ, issumagingilat sutairniarnivût?
39Makidlunelo anore inerterpâ imarlo oᴋautivâ: Nipangerit nipalârungnairlutillo. Anoreᴋarungnairpoᴋ tâva, ikublialidlalarmelo.
40Oᴋautivaillo: Sôᴋ taimak nangiarᴋisê? suna pivlugo okperneᴋangilasê?
41Erᴋsidlarpullo, oᴋarlutiglo ingmingnut: Kina unâ? anoriblo imablo nâlengmakko.
ទើបបានជ្រើសរើសហើយ៖
Markuse 4: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.