Markuse 3
3
Aggangik toᴋungajunik Jêsusib âᴋêninganik Sabbateme. Apostelit 12 it anerijaulerninginik. Jêsusib Sâtanaseᴋarnerartauninganik aglangnik illisimajunut. Anânanganik ᴋatangutinginiglo.
1Katimavingmullo ama iterivoᴋ. Ahâglo, inuᴋarpoᴋ tagvane aggalingmik iglunginik toᴋungajunik.
2Udjertorpâllo, sabbateme âᴋingniarmangâgo, pasitiksaᴋaromavlutik tâpsomunga.
3Inungmullo toᴋungajunik aggalingmut oᴋarpoᴋ: Tamaunga pît!
4Aperivaillo: Sabbateme ajungitulijuksauvitâ, idluitulijuksauvitâlônêt? inuk piulivlugolônêt asserorlugolônêt? Tâpkoale niplingilat.
5Ningarlunelo ilumajine takunârpait, kiksautigivlugillo, ômatingit mangaidlarmatta, inuglo tâmna oᴋautivâ: Aggaktit issakit! Issakpaillo; âᴋiktaulerpullo iglungititut ilivlutik.
6Farisêerillo anivut, oᴋaᴋatigêlerlutiglo Herôdesib kivgangit illagilugit ilioriaᴋarnermingnik inuaromavlugo.
7Jêsusele illiniartine illagilugit tesseᴋsûb sinânut aivoᴋ: inugiartorsuillo malikpât Galilêamit Jûdêamillo.
8Jerusalemillo, Idumêamillo, Jordaniblo akianit, Tirusiblo Sidoniblo erᴋângnêtut, inugiartorsuit, tatamnartitanginik tussartut, tikipât.
9Illiniartinelo oᴋautivait, umiarâmik peᴋalerᴋovlugit, inungnut nimniutitaujomanane.
10Unuktut âᴋingmagit; taimaimat kappiasuktitaujut ilûnatik arliartipât, aktoromavlugo.
11Anernerillo maᴋojungnartut takojarangamitsuk pâmagvigivât, niplerlutiglo oᴋarput; Gûdib Ernerivâtit.
12Angijomigle inerterpait, nelonairtaujomanane.
13Kaᴋᴋamullo majorarpoᴋ, ᴋaiᴋojivlunelo pijomajaminik; ᴋaiᴋojangitalo tikipât.
1412 illo anerivait, najortigênaromavlugit oᴋâlajartortitsomavlugillo,
15Pitsartutitsomavlugillo ᴋanimanartunik pêjaiᴋovlugit, Sâtanasiniglo anititserᴋovlugit.
16Simonelo Pêtrusemik atserarpâ.
17Jakôbuselo, Zebedêusib erninga, nukâlo Jôhannese, tâpkoa magguk atserarpak Boanergêsingnik, imaipoᴋ: kallub ᴋitornâgingnik.
18Andrêaselo, Filippuselo, Bartolomêuselo, Mattêuselo, Tômaselo, Jakôbuselo Alfêusib erninga, Taddêuselo, Simonelo Kanamioᴋ.
19Jûdaselo Iskâriot, Jêsusib pititigijomârtanga.
20Iglomullo angergarput; inugasaksuillo katilermingmatta iniksairutivlutik, nerrinermik ajulerput aglât.
21Najortingitalo tamanna tussaramitsuk, anivigivât inerteromavlugo; oᴋaramik: Issumairutinerpoᴋ.
22Aglangnigle illisimajut Jerusalemit atârsimajut oᴋarput: Beelzebubeᴋarpoᴋ, Sâtanasillo angajoᴋângatigut Sâtanasit anitipait.
23Atautsemullo ᴋaiᴋovait, adsiujutigut oᴋautivlugit: Kanoᴋ Sâtanasib Sâtanaseoᴋatine anititsungnarpaûk?
24Atanioviub inungit ingmingnut illagêgungnairunik, nunguniarput.
25Iglublo inungit ingmingnut illagêgungnarunik nunguniarput.
26Sâtanasetauᴋ ingminut akkerartorune, ingminut illagêgungnairune, sulijungnangilaᴋ, nungulerporle.
27Sangijoᴋsûb iglunganut itertoᴋarungnangilaᴋ, perᴋutinginik aᴋsârlugo; kissiane sangijoᴋsoaᴋ ᴋelaᴋsorᴋâruniuk, kingorngagut iglungata perᴋutitangit aᴋsârnigarivlugit.
28Ahamarik oᴋaupapse: Inuit idluitulininginit tamainit issumagijaujungnairomârput, Gûdemut mitautiksaᴋarninginillo aglât.
29Anernermigle ajunginermik oᴋarnerlûtilik issumagijaujungnainiangilaᴋ issoᴋangitomut, pititaksauvorle erᴋartuivingmut nâksaungitomut.
30Maᴋojungnartomik anerneᴋartoᴋ oᴋautigingmatsuk.
31Anânangalo ᴋatangutingillo angutit tikiput, silatâne nangerdlutik, tiliklerpullo ᴋaiᴋolugo.
32Inuille iksivajut ilumangmatsuk, oᴋautivât: Ahâk, anânavît ᴋatangutivîllo silatânêtut aperᴋotigivâtit.
33Kiovaillo oᴋarlunelo: Kina anânaga, kikullo ᴋatangutikkâ?
34Avatimine iksivajut illiniartine takunârpait oᴋarlunelo: Ahâk, tagva anânaga ᴋatangutikkalo.
35Gûdible perᴋojanganik maliktoᴋ nukarivara, najagivaralo, anânagivaralo.
ទើបបានជ្រើសរើសហើយ៖
Markuse 3: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.