Markuse 13
13
Jêsusib nalautaininganik Jerusalemib asserortauninga erᴋartuiviglo kingorlerpâᴋ pivlugik.
1Jêsuselo katimaviksoarmit aningmat, illiniartingita illangata oᴋautivâ: Ajoᴋertuijoᴋ, takulaurit, igloᴋsoaᴋ una, ujarᴋallo makkoa ᴋanoᴋ sanamajût!
2Jêsusiblo kiovlune oᴋautivâ: Tamakkoa tamaita sanamajoᴋsuit takogalloarpigît? ujarᴋat ukkua ilûnatik serᴋomitaujomârput, ᴋalerêktoᴋarungnailutiglo.
3Kakᴋamelo orᴋsoktalingme iksivangmat katimaviub akiane, Pêtrusib, Jakôbusiblo, Johannesiblo, Andrêasiblo kissimeovlutik apersorpât:
4Oᴋautitigut, Kanga pijuksat tamakkoa tamaita pijomârᴋât? Sunalo nelunaikutaksaujomârᴋâ, tamakkoa tamaita nalautsilerpattâ?
5Jêsusib kiovait oᴋarlune: ᴋamatitse, uivêrijauᴋonase.
6Unuktut tikitsomârmatta attera atterivlugo oᴋarlutik: Kristuseovunga, unuktullo tamartiniarpait.
7Unatartunigle, unatartullo unipkautauninginik tussaromârupse, erᴋsiniarase, taimailiortoᴋartuksaungmat. Naggatiksarle naliutingilaᴋ sulle.
8Inuᴋatigât inuᴋatigênut assimingnut sorᴋsugomârput, ataniovingmiullo ataniovingmiunut assimingnut. Nunat sunatuinarne sajukpilugomârput, kângnartorsoarmiglo erᴋsinartomiglo pijoᴋaromârpoᴋ. Tamadja kappianartub pigiarninga.
9Ilipsele nangminipsingnik udjertoritse. Erᴋartuivingmut katimavingmingnullo pititsomârpâse; issaᴋajaujariaᴋarpose, ataniojunullo ataniviksoarnullo âtaujariaᴋarpose, uvanga pivlunga, nelojungnairutiksanginut.
10Sivorngagullo oᴋautsit tussarnertut oᴋautaujuksauvut inuᴋatigênut tamainut.
11Aularutikpasele unertojutigiluselo, sivôraniarase, sumik oᴋausiksaᴋarniarmangâpse, issumaᴋarsimaniaraselo sivorngagut, stundeme mattomane tunergusiase oᴋauserisigik. Ilipse oᴋanginapse, Anernerle ajungineᴋ.
12Katangutible ᴋatangutine toᴋomut pititsomârpâ, atâtablo ernine ᴋitorngallo angajoᴋâtik akkerartoromârpait toᴋoᴋovlugillo.
13Ilûnatiglo ômigijomârpâse attera pivlugo. îssuanulle soᴋosijuitoᴋ piulijaujomârpoᴋ.
14Nungutsiviuble maᴋojungnarninga takogupsiuk, oᴋautigijaumajoᴋ nalautaijomut Daniêlemut, inigijaksaringitaminêtoᴋ, (tamattominga atuarsijub kamagilerligit!) taimaipat, Jûdêamêtoᴋ ᴋemâlerle ᴋakᴋanut.
15Iglublo ᴋânganêtoᴋ akᴋarniarane iglomut, iterniaranelo, sumik iglominit aikleromavlune.
16Perorsêvingmêtorlo uterniarane, annorâne pijartorlugit.
17Kappianamêgle singaijut amâmaktitsijullo, tamanna naliutikpat.
18Tuksiaritsele, ᴋemâviksase okiome pilerᴋonago.
19Uvlune taipkonane kappianartoᴋaromârmat naleᴋangitomik; silab pigiarninganit, taimangat Gûdib inuit pingortilaungmagit, tamanna tikidlugo taimaitoᴋalaungilaᴋ, kingornganelo taimâk angitigijomik kappianartoᴋarnianginivoᴋ.
20Nâlekablo uvlut taipkoa ikitliniangipagit, inuk atauserlônêt piulijaunajangilaᴋ, anerimajulle tâpsoma anerilauᴋtangit pivlugit uvlut taipkoa ikitlijaujomârput.
21Uvlut taipkoa naliutikpatta, oᴋautjaugupse: Ahâk Kristuse tagvanêpoᴋ ikanelônêt, tamanna okperiniarasiuk.
22Kristuseovlutik oᴋartut, nalautainerluktut saglojut sakᴋeromârput, nalunaikutaᴋsoarniglo tatamnartunik pilutik, annerimajut aglât tamartinasuarlugit, ajornangipatta.
23Ilipsele kamatsiaritse. Ahâk, makkoninga tamainik oᴋautivapse naliuterᴋârtinagit.
24Uvlut taipkoa kappianartut kingorngatigut, seᴋineᴋ taᴋᴋerlo ᴋaumajungnairomârpuk.
25Uvloritjallo katagomârput ᴋilangmit, ᴋilaublo pitsartuningit aulataujomârput.
26Inûblo Erninga tâva takojomârpât ᴋilaub nuvujangitigut akᴋartoᴋ, pitsartudlarlune ânanaudlartoᴋ.
27Engelinelo tilijomârpait, katitilugillo anerijane anorenit sitamanit, nunab issuanit ᴋilaub issuanut.
28Napârtomit paungatannaᴋarpaktomit adsiujomik illinniaritse. Akkerungit ipteᴋalerangata, sigilerangatalo, ᴋaujimavose aujajaraklilermat.
29Taimaktauᴋ ilipse, makkoa tamaita takogupsigik, ᴋaujimaleritse, ᴋaglilermat.
30Ahamarik oᴋaupapse: Kinguvânguᴋatigêt ukkua nunguniangilat, makkoa ilûnatik nâmakserᴋârtinagit.
31Kilaglo nunalo nungujomârpuk, oᴋausikkale nungujomângilat.
32Uvlormigle stundemiglônêt taipsominga ᴋaujimajoᴋangilaᴋ; Engelillônêt ᴋilangmêtut, Ernerublônêt ᴋaujimanginivât, Atâtable kissime ᴋaujimavâ.
33Kamatitse, pigâritse tuksiarluselo; ᴋanga naliutinajarmangât nalogapsiuk.
34Sorlo angutitut iglominik ᴋemaijotut nunab assianut aulardlune, kivganelo angajoᴋângortidlugit, ilûnaita tunitjivigingmagit suliaksanginik, iterviublo udjertortinga perᴋungmago, pigârᴋovlugo.
35Taimâk pivlugo pigâritse, iglub inuata tikilervia nalogapsiuk, unnukullônêt, unnuaᴋ ᴋiterarpallônêt, angutauneᴋ niplerpallônêt, uvlâkullônêt.
36Tuavitomut tikitauᴋonase, siniktiluse opingartauᴋonaselo.
37Ilipsingnulle oᴋauserijamnik tamainut oᴋarpunga: Pigâritse!
ទើបបានជ្រើសរើសហើយ៖
Markuse 13: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.