Markuse 11
11
Kristusib siuterᴋortojub ᴋânganêdlune Jerusalemut aininganik. Napârtub paungatannaᴋarpaktub ôminarnerartauninganik. Tempelib sujungaititauningamik. Jêsusib kigusinganik nakit pitsartuneᴋarnine pitjutigilugo.
1Jerusalemullo ᴋaglileramik Betfâgemut Betâniamullo ᴋaᴋᴋab orᴋsoᴋtaliub senianut, Jêsuse maggungnik illiniartiminit tiliklerpoᴋ,
2Oᴋaudlugiglo: Aileritik iglugasangnut neliptingnêtunut; itituaruptik, noggaᴋ pituksimajoᴋ nenilârpatik; ᴋânganut sulle inungmik ingitoᴋalaungitoᴋ. Pitûdjârlugolo tamaunga ᴋaitikko.
3Imaglo aperijauguptik: Soᴋ taimailivitikkô? imâk kiogitik: Nâlekab atoromangmago. Tâva tamaunga perᴋolârpâ.
4Aularpuk, noggarlo nenivâk pituksimajoᴋ iterviub seniane, silatâne, apᴋosiniub maggôliviane. Pitûdjârpâglo.
5Tagvanêtullo illangita oᴋautivakit: Sôᴋ noggaᴋ pitûdjârpitikkô?
6Oᴋautivaillo Jêsusemut perᴋojaunermingnik; inertingilakillo tâva.
7Noggarlo tâmna âpâk Jêsusemut, annorâtiglo ᴋemerdloanut ilivlugit. Kânganut tagva ingipoᴋ.
8Unuktulle annorâtik issivilerpait apᴋotiginiartanganut. Illangillo ᴋessertitinik napârtunit kipitsivlutik apᴋotiginiartanganut kateraivut.
9Sivorlîllo maliktingillo ᴋaggudlarlutik oᴋarput: Hosianna! Nâlekab attingane tikitoᴋ nertortaule!
10Atâtapta Dâvidib nâlegauvia, Nâlekab attingane tikitoᴋ, nertortaule! Hosianna ᴋotsingnerme!
11Nâlegarlo Jerusalemut iterpoᴋ katimaviksoarmullo; tamaitalo ᴋemergolerpait; unnulermallo aularpoᴋ Betâniamut 12 it illagivlugit.
12Uvlub aipangane, Betaniamit aularamik, kâlerpoᴋ.
13Napârtomiglo paungatannaᴋarpaktomik merᴋolingmik takogame alivasiktomit, nelipsarpâ, paungaᴋangimangât. Tikinamiugle, merᴋutuinarnik takovoᴋ, paungaᴋalervinga sulle neliutingimat.
14Jêsusiblo oᴋautivâ: Mattoma kingorngane ilingnit paungartortoᴋarniarungnaile issoᴋangitomut. Illiniartingitalo tamanna tussarpât.
15Jerusalemullo pigamik, katimaviksoarmut iterpoᴋ, pisiniartullo, niuverniartullo katimaviksoarmêtut anitilerpait; kênaujaniglo tauᴋsêjut sângit, tingmitjaniglo taubinik niorvgutilit iksivautangit ochotidlarpait.
16Katimavikullo perᴋutinik akkigartoᴋarᴋojingilaᴋ.
17Ajoᴋertuivlunelo oᴋautivait: Aglaksimangilâᴋ: Igluga taijaksauvoᴋ tuksiarvingmik inungnut ilûnainût? ilipsele inuarviotilauᴋpasse.
18Aglangniglo illisimajut ajoᴋertuijoᴋsuillo tamanna tussaumaleramitsuk; issumajâlerput toᴋotsomavlugo. Erᴋsigilâlle, inuit ilûnatik ajoᴋertûtingit tataminiaringmatigik.
19Unungmallo iglugasaksoarnit aularpoᴋ.
20Kaungmallo napârtoᴋ imna paungatannaᴋarpaktoᴋ senerᴋoleramitsuk, panertoᴋ takovât, amânganut aglât.
21Pêtrusiblo erᴋaumagamiuk Jêsusib oᴋausinga, oᴋautivâ: Rabbi (ajoᴋertuijoᴋ), ahâk, napârtoᴋ paungatannaᴋarpaktoᴋ oᴋautilulauᴋtat, panersârnerpoᴋ.
22Jêsusib kiovlune oᴋautivait: Gûdemut okperneᴋaritse.
23Ahamarik oᴋautivapse, ᴋaᴋᴋamut ômunga oᴋartoᴋarpat: Kangatarit, imânullo katagit! ômatiminelo ᴋolarane okperlunele oᴋautsime nelautsiniarninganik, tagva oᴋautsine maliklugit tunitjivioniarpoᴋ.
24Taimak pivlugo oᴋautivapse: Tamainik tuksairnipsingne ᴋenuarijapsingnik, okpituinaritse, tunitjivioniarapse tamakkoninga, pilârpase tagva.
25Nangerluselo tuksiarupse, assipsingnut patsitiksase issumagijungnaisigik, Atâtase ᴋilangmêtoᴋ issumagijungnainerᴋovlugo tamarnipsingniktauᴋ.
26Assipsele tamarningit issumagijungnaingikupsigik, Atâtapsetauᴋ ᴋilangmêtub issumagijungnainianginivait tamarnise.
27Jerusalemullo ama uterivut. Katimavingmullo tikingmat, ajoᴋertuijoᴋsuit, aglangniglo illisimajut, inuillo angajoᴋângita tikipât;
28Apersulâllo: Kimut perᴋojauvêt taimailiorlutît? Kialônêt pitsartunermik tunitjivigivâtît, taimailiorᴋovlutît?
29Jêsusible kiovlune oᴋautivait: Aperijomavapsetauᴋ oᴋautsemut atautsemut; kiogisinga, tagva oᴋautijomavapsetauᴋ kimit pitsartuneᴋarnimnik taimailiorlunga.
30Jôhannesib baptijutinga ᴋilangmit pivâ, inungnillônêt? kiogisinga.
31Issumertuivullo ingmingne oᴋarlutiglo: Kilangmit pijoᴋ oᴋautigiguptigo, oᴋautinajarpâtigut: Sôᴋ okperilaungipisiûk?
32Inungnille pijoᴋ oᴋautigiguptigo, inuit erᴋsigivavut. Inuit ilûnatik Johannese nalautaijônasugingmatsuk.
33Jêsuselo kiovât oᴋarlutik: Nakit pingmangât nalovavut. Jêsusiblo kiovlune oᴋautivait: Tamanna pivlugo oᴋautingilapsetauᴋ kimit pitsartuneᴋarnimnik taimailiorlunga.
ទើបបានជ្រើសរើសហើយ៖
Markuse 11: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.