Mattêuse 28
28
Kristûsib makininganik. Oᴋâlaninginiglo kingorlerpânik.
1Wogiblo uvlungita sivorlerpângane uvlârarsukut Marîa Magdalêna, Marîalo tâpsoma assia, iluvermut pivuk takojartorlugo.
2Ahâglo, nuna sajukpilâdlarpok. Nâlekab Engelingata ᴋilangmit akᴋarlune ujaraksoak iluviub pânganit aksaᴋârtitsartormago, ingidlunalo ᴋânganut.
3Tâpsoma tautua ᴋaumalaktun-ipok, annorângalo aputitut ᴋaᴋortigivok.
4Udsertortulle erᴋsinermut ᴋoaksâdlalerput, toᴋungajutitunilivlutik.
5Engelele arnângnut oᴋarpok: Erᴋsiniaratik, nalungilaptik, Jêsuse Nazarêmiok ᴋeneraptikko.
6Tamânêngilak, makisimavok, sorlo oᴋalaurame. ᴋaileritik, Nâlekab inigilauktanga takojartortikko.
7Ilinniartingillo toᴋungajunit makisimajomik tuavilutik oᴋautijartortikik. Ahâglo sivôrlerilârpase, Galilêamut, tâvane takolârpase, Ahâk, oᴋauterᴋauvaptik.
8Iluvermillo anisâlerpuk, erᴋsivlutik ᴋuviasuvaksoadlarlutiglo; aᴋpangerpuglo, tamattominga ilinniartingit oᴋautijartorlugit.
9Ilinniartinginullo tamattominga oᴋariartortillugik, ahâk, Jêsusib pâkpak, oᴋaudlugiglo: Salutitauleritik! Tâpkoalo tikipâk, itigangillo aktorpait, pâmakterlutiglo sânganut.
10Tagva Jêsusib oᴋautivak: Erᴋsiniaratik; mattominga ᴋatangutikka oᴋautijartortiᴋik, Galilêamut aiᴋolugit; tâvane takolârpânga.
11Ainiartilugigle, ahâk, udsertortut ilangit iglugasaksoarnut tikiput ilusiolauktullo tamaita oᴋautigivait ajoᴋertuijoksoarnut.
12Tâpkoalo angajoᴋât illagivlugit ᴋaggimiolerput, tunijivlutiglo sorsuktuksanut kênaujavaksoarnik,
13Oᴋarlutiglo: Oᴋaritse: Ilinniartingita tigligiartorpât unnuane, siniktiluta.
14Atanerusiublo tussaumalerpago, nâmaksititsomavavut, pitlartaukonase tâpsomunga.
15Tâpkoalo kênaujat tiguvait, piniarlutiglo ajoᴋertortaunemiktut. Tamannalo Jûdit unipkauserivakpât uvlome tikidlugo.
16Ilinniartulle 11 it Galilêamut aivut ᴋakᴋamut, aiᴋojauvingmingnut Jêsusemut.
17Takogamitsuglo, sânganut pâmakterput; ilangille ᴋolarput.
18Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.
19Tamanna pivlugo aileritse, inuᴋatigêksuillo tamaita ajoᴋertorsigik, baptilugillo Atâtab, Ernerublo, Anernerublo ajunginerub atinganut;
20Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.
ទើបបានជ្រើសរើសហើយ៖
Mattêuse 28: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.
