Hesekiel 27
27
1Nalekablo oᴋausingata tikilerivânga, oᴋarlune:
2Igvillo, inûb erninga, ogguarit Tiruse pivlugo;
3Tiruselo oᴋautiuk: Igvit nunaᴋartotit imarbiub itervingane, niuverteojotit ᴋikkertat unuktut inunginut, imâk oᴋarpoᴋ Nâlegaᴋ Nâlegaujoᴋ: Igvit, Tiruse, oᴋarpotit, pionera inornarpoᴋ.
4Kiglitit imarbiksuit ᴋeterᴋanganêput, ilingnik senajut pionît inornartilauᴋpât.
5Amiksatit ᴋebleriktôvut Sêneremit pijut, tigusilauᴋput Sîderenik Libanonemit naparutalioromavlutit.
6Eputiksatit ᴋejôvut sittijoᴋsajat Basanemit; iktogaksatit senalauᴋpait tôgânit, avaliarutaᴋarlutik ᴋejungmik sittijomik Kittimib ᴋikkertanginit.
7Tingergautaᴋalauᴋpotit ilupâksajamik ᴋaᴋᴋoriktomik pinnarnarsautetalingmik Egiptenemit, nelunaikutauᴋovlugo ilingnut; pinnailutarijatillo tungujoᴋtauvut tungulângajorlo Elîsab ᴋikkertanginit.
8Eputoᴋalauᴋpotit Zidonemiunik Arvademiuniglo; ilisimajoᴋotitit ilingnêput, ᴋaujimajigilauᴋpatit, Tiruse.
9Angajoᴋaunerojut ilisimajullo ilingnêlauᴋput upsersoilutik; imarbiub umiaᴋsoangit ilûnatik umiaᴋtortingit ilagilugit ilingnêput niorvgutiksatit niorvgutigilugit.
10Persiamiullo Ludimiullo Putimiullo sorᴋsuktuksarilauᴋpatit unatartuksauvlutik; sapûlutaniglo nessaluganiglo nivingailauᴋput ilingne; ânanaudlarnît allakaluarᴋovlugo.
11Arvademiut sorᴋsuktoᴋatigêksoaᴋotitit ilagivlugit avaloᴋsoavit ᴋânginêlauᴋput ilûnâne, ᴋoaᴋsângaitullo nuvugusingnêput; nivingaigivut sapûlutamingnik ᴋarmangne ilûnâne; nâmaksititsivut ânanaunernik.
12Tarsisemiut niuverniarᴋatigivâtit perᴋutitit adsigêngitut unuktoᴋsôngmatta; silbere, kikiarlo, amertajarlo, aᴋitorlo tauᴋsiutivait perᴋutingnut.
13Javanemiullo Tubalemiullo Mesekemiullo niuverniarᴋatigivâtit: inungnik senamajuniglo ᴋaᴋorlermit taungniuteᴋalauᴋput perᴋutingnik.
14Togârmamiut pisiaksatit pisiarilauᴋpait, horsenik, horseniglo unatarnermut ilingajunik, siutiᴋortojoᴋsoarniglo, akkiliuteᴋarlutik.
15Dêdanemiut niuverniarᴋatigivâtit, ᴋikkertane unuktune niuverniarviᴋalauᴋpotit: tôgânik ᴋejungniglo ᴋernertanik tauᴋsiutjivut.
16Siriamiut niuverniarput ilingne, senajavit unurningit pitjutigilugit, perᴋutitit akkilerlugit aligonut, tungulângajunullo annorâksanut, puttolapânullo, annorâksanullo ᴋaᴋᴋoriktomut, ujaraujârtunullo puttolapânut imarbiub erᴋânit, ujarangnullo pivianartunut.
17Judakut Israêlitillo niuverniarᴋatigivâtit, perᴋutitit akkileromavlugit ᴋaitsilauᴋput senaugaksanik Minitimit pijunik, mamaktuniglo, igupsaujârtullo orᴋsuanik, orᴋsumiglo, mingoarutiksaniglo.
18Senajavit unurningit pitjutigilugit, Damaskusemiut niuverniaᴋatigilauᴋpâtit, akluinivit adsigêngitut unurningit pitjutigivlugit; vainemut Helbonemit saukallo merᴋunginut ᴋaᴋᴋortamut akkilêvlutik.
19Vêdanemiut Jâvanemiullo akkiliutiksaᴋalauᴋput annorâksajanik merᴋolingmik; ilingnullo aulaivut kikiangmik, âniasiutiniglo tipitsiariksautiniglo.
20Dêdanemiut niuviaksaᴋalauᴋput ᴋemuksertunut ulitsiaᴋsoarnik.
21Arâbiamiut Kêdariblo angajoᴋâᴋsoangit niuverniaᴋatigilauᴋpâtit, aulaivigivâtit saugâraniglo saukaniglo tuktungajuniglo.
22Niuverniartit Sêbamelo Râmamelo niuverniaᴋatigivâtit: perᴋutitit akkilerpait tauvlukutiksanut pionerpânut, ujarᴋanullo pivianartunut, goldemullo.
23Hâranemiut Kannemiullo Edenemiullo, niuverniartit Sêbame, Assurmiut Kilmademiullo niuverniarput ilingne.
24Tâpkoa niuverniaᴋatigilauᴋpâtit perᴋutinik pijominartunik, immutiksanik tungulângajunik puttolapâniglo, iklervingniglo annorâksatalingnik akkitudlartunik, aklunânut nimersimajunik, sîderemit senamajunik, niorvgutiksatit akorngane.
25Tarsisemiut umiaᴋsoangita niuviaksatit adjartorpait: pitsartutitaulauᴋpotillo nakorijauvlutillo imarbiub ᴋerᴋâne:
26Eputoᴋotiville tikiutivâtit imaᴋsoarnut angijunut; kanangâble serᴋomipâtit imarbiub ᴋerᴋâne.
27Akluinitit perᴋutitillo, niuviaksatit imarbiksiortitillo, ᴋaujimajitit upsersoijitillo, niorvgutiksarniglo aulatsijitit, sorᴋsuktuksatillo ilingnêtut, inuᴋotitillo ilûnatik ilingnêtut kivijomârput imarbiub ᴋerᴋânut asserortaunivit uvlungane.
28Kaujimajivit ᴋaggudlarningita pervalungninginut avalitit sajugomârput.
29Eputiniglo tigumiarpaktut, imarbiksiortitillo, ᴋaujimajillo imarbiksiortut ilûnatik niojomârput umiaᴋsoamingnit, nangeromârpullo nuname,
30Nippitiglo tusartautitsomârpait pivlutit, ᴋeadlaromârput, egitsijomârput saningnik niaᴋomingnut, aksapaloajomârput arᴋjanut;
31Mattaromârpullo pivlutit, attisilutiglo pôksajavinernik, ᴋugviorutigilârpâtillo tarnimik ilungertorninginut kiksarpâdlutik.
32Keadlarnermingnelo ogguarutelioromârput pivlutit, oggorilutillo, imailijomârput: Kina Tirusetut ilingavâ, tâpsotunaᴋ nipangertitaujotut imarbiub ᴋerᴋânê?
33Niuviaksatit nuingmatta imarbingnit, inoᴋatigêksuit unuktut aᴋᴋeartortipatit; nunaᴋsûb ataningit akluitilauᴋpatit akluinivit niorvgutiksavillo unuktoᴋsôningninut.
34Mânale imab navgorpâtit imab itiningane, niuviaksatit inuᴋotitillo ilingnêtut ilûnatik kiviᴋatigivâtit.
35Kiᴋᴋertamiut ilûnatik tataminiarput pivlutit, ataningit sivôradlarput angijoᴋsoarmik, kapiasudlartunik kênaᴋarput.
36Niuvertit inôᴋatigêksoarnêtut kôkoviarput inerᴋogingimatit; asserorningorsimavotit, suniarungnairpotillo issoᴋangitomut.
ទើបបានជ្រើសរើសហើយ៖
Hesekiel 27: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.