Hesekiel 26
26
1Pijokarporlo jârit 11ingita taᴋᴋingita uvlungita sivurlerpângane, Nâlekab oᴋausingata tikingmanga, oᴋarlune:
2Inûb erninga, Tiruse Jerusalem pivlugo oᴋarmat: Annerpanarmêk, taimna inôᴋatigêksuit itervigilauᴋtangat serᴋomisimavoᴋ, uvamnut sanguvoᴋ; ilumertaulârpunga mâna tâmna asserortaungmat:
3Tamanna pivlugo imâk oᴋarpoᴋ Nâlegaᴋ Nâlegaujoᴋ: Ahâk, akkerartorpagit, Tiruse, inôᴋatigêksuillo unuktut majuartitsomârpakka ilingnut, sorlo imarbiksûb maliksoarne ᴋagvertingmagit.
4Asseroijomârpullo Tirusib avaluᴋsoanginik, nuvugusingillo oggotidlarlugit; siorangit aglât kiliortoromârpakka tâpsomangat, ᴋairtuînangordlugolo.
5Nulluanik issivitsiviksaujomârpoᴋ imarbingme; uvanga taimak oᴋarama, oᴋarpoᴋ Nâlegaᴋ Nâlegaujoᴋ: aᴋsârnigaksaujomârporlo inôᴋatigêksoarnut.
6Paningillo naternamêtut toᴋotaujomârput saviksoarmut; ᴋaujijuksauvullo uvangaugama Nâlegaᴋ.
7Imâk oᴋarmat Nâlegaᴋ Nâlegaujoᴋ: Ahâk, Tirusemut tikiutijomârpara avangat Nebukadnezar, Babilonib ataninga, ataniojut atanerijangat, horselijarlune, aksaloalingnik ᴋemukserlune, horsene ablângajunik, katimgajuniglo, inugiartoᴋsoarniglo ilaᴋarlune.
8Panitit naternamêtut toᴋotsomârpait saviksoarmut: talulioromârporlo avaluᴋsoalioromârlunelo sapûlutalioromârlunelo sângne.
9Kautaᴋsoarniglo asserortautinik âᴋiksoijomârpoᴋ avaloᴋsoarnut, ulimautiminullo oggotitsijomârpoᴋ nuvugusingnik.
10Horsingit unuktoᴋsôngmatta uliktaulârpotit pujunginut: avaloᴋsoatit sajukpilugomârput horsit aksaloalillo ᴋamutillo unatautiksat pervalungninginut iterviksoatigôrpatta, sorlo inuit itârmatta iglugasaksoarnut ᴋoppakut.
11Horsingita kukiujanginut apᴋosinitit tullerajaromârpait, inuᴋotitit toᴋotsomârpait saviksoarmut, nappajoliatillo sôngojut nunamut nakkalârput.
12Perᴋutitillo aᴋsârnigarijomârpait, niorvgutitillo arᴋtautigilugit; avaloᴋsoatillo serᴋomilârpait, iglotillo takominartut asserorlugit; ujarᴋatillo ᴋejuktillo siorᴋatillo egitsomârpait imânut.
13Tuksiarnivillo errinangit sorairtitsomârpakka, harfivillo nippingit tusaksaujungnairomârput.
14Kairtuînangortitsomârpagillo: issipterviksaujomârpotillo nulluanik; ᴋarmaliorviojungnairomârpotit kingorngane; uvangaujunga Nâlegaᴋ taimak oᴋarama, oᴋarpoᴋ Nâlegaᴋ Nâlegaujoᴋ.
15Imâk oᴋarpoᴋ Nâlegaᴋ Nâlegaujoᴋ Tirusemut; Kikkertat sajukpilâromângilât oggonivit pervalungninganût, ikkilersimajut âlalerpatta, toᴋoraineᴋ pigialerpat ilingnê?
16Ataniojut ilûnatik imab tungânêtut aᴋᴋaromârput iksivautaᴋsoarmingnit, uliksoatik pêrlugit, annorâtiglo pinnarnarsautelit mattarlugit: attisilârpullo sajungnermik; iksivajomârput nuname, sajuktailijungnaratik, tataminiarutigilârpâtillo.
17Oggualârpullo pivlutit, oᴋautilutillo: Sinaungamêk asserortaugavit igvit inigijaulauᴋtotit imarbiksiortunut, iglugasaksoangojotit nertugaujoᴋ, imarbingme pitsartulauᴋtotit, igvit inuᴋotitillo kapiasûtiksaulauᴋtose tagvane nunaᴋartunut.
18Mâna ᴋikkertat sajukpilukput oggotitaunivit uvlungane; ila, ᴋikkertat imarbingmêtut ôlikput naggatiksat pivlugo.
19Imâk oᴋarmat Nâlegaᴋ Nâlegaujoᴋ: Iglugasaksoangortikpagit inuêrutjaujunik, iglugasaksoatitut inuᴋarungnaitutitut; itinersoaᴋ ilingnut ᴋagvertikupko imaksuillo mattukpatit;
20Kanungartitsomavagit attersârtut itersâlungmut ilagivlugit, inungnut itsarnitanut, nunaᴋartitsomârpagillo nunane allerpâne, inine nutaungitomit inuêrutjaujune, itersâlungmut attersârtut ilagivlugit, inuᴋarungnaiᴋovlutit, allianarnîllo ilijomângilara inôjut nunangane.
21Asserornilukungortitsomârpagit itsungnaijomârpotillo: ᴋenertaugaloaruvit nagvartauniatsangilatit issoᴋangitomut, oᴋarpoᴋ Nâlegaᴋ Nâlegaujoᴋ.
ទើបបានជ្រើសរើសហើយ៖
Hesekiel 26: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.