Hesekiel 22
22
1Sulle Nâlekab oᴋausingata tikipânga, oᴋarlune:
2Igvit, inûb erninga, erᴋartuilutit iglugasaksuit aungmik kovisiviotsainartut erᴋartoromangilatît? maᴋojungnartuliningillo unertûtigijomangilatît tâpkonungâ?
3Oᴋartuksauvotillo: Imâk oᴋarpoᴋ Nâlegaᴋ Nâlegaujoᴋ: Iglugasaksoangojose, aungmik kovisitsainarpose iglupsingne, piviksase neliutiᴋovlugo, piksapsingniglo gudingoaliorpose iglupsingne, ivsornartitauᴋovluse!
4Auk ilipsingne kovijoᴋ pivlugo pidlaraksautipose, ivsornartitauvoselo gudingoarnut senajapsingnut; taimaidluse uvluse ikitlitipase, jâriselo nâlertipase; tamanna pivlugo allêkutiksangortipapse inôᴋatigêksoarnut, mitautiksangortiluselo nunane ilûnaine.
5Kanitullo ungasiktullo ilipsingnit mitautigilârpâse, attekut ivsornartisimajose, pikablartuniglo tatadlartose.
6Ahâk, Israêlib ataningit, ilûnatik pitsartunitik maliklugo, ilipsingnêlauᴋput aungmik kovisijomavlutik.
7Ilipsingne atâtat anânallo naggogijauvut; takorngartat oᴋumaiksartitauvut; ilipsingne iliarsuit uigarnerillo nâmangituliviovut.
8Ivlernartoᴋotikka naggogivase, sabbateᴋotikkalo ivsornaijungnaitipase.
9Ilipsingnêlauᴋput angutit terliarkataijut aungmik kovisijomavlutik, ilipsingnelo nerrivut ᴋaᴋᴋane; ilipsingnelo kangunartulivut.
10Ilipsingne ulêrpait atâtamik kangugijangit: ilipsingnelo arnat neliuneᴋsiortut pagvisartauvut.
11Ilangata inôᴋatime nulianga maᴋojungnartuliᴋatigivâ, aipangata ᴋuksalaidlarlune ukkoane ivsornartipâ; assiata ama najane, atâtame paninga, naggonartipâ.
12Ilipsingne piliusianik tigusivut, aungmik kovisiᴋovlugit; tapiksaᴋarᴋojivullo aᴋᴋilêᴋojivullo ununersanik attartortautilauᴋtanginit; pijomatudlarlutik aᴋsârput aksorornermut, puigorpapsingalo, oᴋarpoᴋ Nâlegaᴋ Nâlegaujoᴋ.
13Taimaimat, ahâk, aggakka pataktorpakka akkituterineᴋ nelâgôngitoᴋ iluserijase pivlugo, auglo kovimajoᴋ ilipsingnêtoᴋ pivlugo.
14Omatise sapingilârᴋât, aggaselônêt sangijolârᴋât uvlorme piniarvigijomârtamne ilipsingnîk? Uvanga Nâlegaujunga oᴋautigivara, taimailioromavungalo.
15Siamartitsomavapse inôᴋatigêksuit akornganut, ajaktoromavapselo nunanut; maᴋojungnarniselo pêjaromavara ilipsingnit.
16Ominalârposelo nangminipsingnut inôᴋatigêksuit sângine; ᴋaujijuksauvoselo uvangaugama Nâlegaᴋ.
17Nâlekablo oᴋausingata tikipânga, oᴋarlune:
18Inûb erninga, Israêlib ᴋitorngangit piunginerlukotuinangorsimavut uvamnut: ilûnatik ᴋaᴋorliovut amertajauvlutiglo kikiangovlutiglo aᴋitôvlutiglo auksititsivingmêtut; silberib piunginerlukogivait.
19Taimaimat imâk oᴋarpoᴋ Nâlegaᴋ Nâlegaujoᴋ: Ilûnase piunginerlukongorsimagapse, tamanna pivlugo ahâk, Jerusalemib iluanut katersoromavapse.
20Sorlo silbere ᴋaᴋorlerlo kikiarlo aᴋitorlo amertajarlo pititauvangmatta auksititsiviub iluanut, ikoma tâpkonunga supôrdlugo auksiᴋovlugit, taimaktauᴋ katersoromârpapse ningaumajârnimne ᴋaningaumajârnimnelo, tagvungalo ilijomavapse auksitiluselo.
21Ila, katersoromârpapse supôrdluselo ningaumajârnima ikomanganut, auksititaujomârposelo iluane.
22Sorlo silbere auksititaungmat auksititsivingme, taimaluatsiaᴋ auksititaujomârpose iluane; ᴋaujijuksaulârposelo uvanga Nâlegaujunga ningaumajârnera kovigapko ilipsingnut.
23Nâlekablo oᴋausingata tikipânga, oᴋarlune:
24Inûb erninga, oᴋautiuk: Nunauvotit ivsornaititaungitoᴋ, silalugviomangitoᴋ uvlorme silugviojome.
25Nelautaijungit tâpsomanêtut idluitomik angiᴋatigêkput, loevetut kalingoartotut aliktuiniartotut ilingalutik: tarnenik nerrivut; tigusivut perᴋutinik ivlernartuniglo; uigarnerillo unuksitipait tagvane.
26Ajoᴋertuijungita perᴋojakka idluiliorvigivait, ivsornaitoᴋotikkalo ivsornaijungnaitipait: ivsornaitullo ivsornaingitullo adsigêngitilungilait, inôᴋatitiglo ajoᴋertulungilait adsigêngititsijuksaungmatta ivsornaituniglo ivsornaingituniglo, sabbatimnullo ijitik mattuvait, uvangalo ivsornaijungnaititauvunga tâpkoa akorngane.
27Erᴋanartungit tagvanêtut amarᴋutitut aliktuiniartutitut iput; aungmik kovisiniarlutik, tarninigilo asseroilutik, pijomatudlarnitik pitjutigilugit.
28Nelautaijungillo nippitinerᴋusêvut maggarmut ᴋoajuitoᴋangitomut tâpkonunga, piutsangitunik, takovlutik, saglonerniglo nelautaivigivlugit, oᴋarlutik: Imâk oᴋarpoᴋ Nâlegaᴋ Nâlegaujoᴋ; Nâlegaᴋ oᴋarsimatinago.
29Nunab inungit aksorotjivut arᴋtaivlutiglo; ilo, aklujut ajoᴋsartullo oᴋumaiksartipait, takorngartallo nênerpait idluangimariktomik.
30Tâpkoa akorngane angutisiolauᴋpunga ilâᴋtuijuksamik avalungmik, sâdlungalo nunalo serngnigilugo aitanganerme nangertuksamik, asseroiᴋonanga nunamik; nagvângilangale.
31Tamanna pivlugo ningaumajârnera ilivara tâpkonunga; nungutipakka ᴋaningaumajârnima ikomanganut: apᴋutingit ilivakka niaᴋunginut, oᴋarpoᴋ Nâlegaᴋ Nâlegaujoᴋ.
ទើបបានជ្រើសរើសហើយ៖
Hesekiel 22: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.