Hesekiel 21
21
1Nalekablo oᴋausingata tikipânga, oᴋarlune:
2Inûb erninga, kênait sâtiuk Jerusalemut, oᴋausîllo kataktiuk ivsornaitovingmut, Israêliblo nunanga nelautaijutigileruk;
3Israêliblo nunanga oᴋautiuk: Imâk oᴋarpoᴋ Nâlegaᴋ: Ahâk, sâdlaromavagit, saviksoaralo amujomavara kênailitanganit, idluartullo idluitullo kipiniaromavlugit ilingnit.
4Idluartullo idluitullo kipiniaromagapkit ilingnit, tamanna pivlugo saviksoara anijuksauvoᴋ kênailitaminit uvinilingnut tamainut ângat avunga tikidlugo:
5Uvinilîllo ilûnatik ᴋaujijuksauvut uvanga Nâlegaᴋ saviksoara amusimagapko kênailitanganit; kingornganelo mangugungnailârpoᴋ.
6Taimaimat anersaumisârit, igvit inûb erninga, ᴋetilerilutit ᴋasilidlarlutillo anersaumijuksauvotit tâpkoa ijingita sângine.
7Aperikpatillo: Sôᴋ anersaumivêt? oᴋartuksauvotit: Unipkautaujut pivlugit, neliutilermat: ômatillo ilûnatik auksijomârput, aggaillo ilûnatik nukingêrutijomârput, anernillo ilûnatik maksuijarsimajomârput, serᴋullo ilûnatik imeᴋtut sangêtigijomârput; ahâk, neliutilerpoᴋ nelautsilârporlo, oᴋarpoᴋ Nâlegaᴋ Nâlegaujoᴋ.
8Nâlekablo oᴋausingata tikipânga, oᴋarlune:
9Inûb erninga, nelautailerit, oᴋarlutillo: Imâk oᴋarpoᴋ Nâlegaᴋ: Oᴋarit, Saviksoaᴋ, saviksoaᴋ, kênaksartauvoᴋ kiligartaulunelo:
10Kênaksartauvoᴋ toᴋoraiᴋovlugo, kiligartauvorlo ᴋaumalaktun iᴋovlugo: ᴋuviasuktuksauvitâ tagva? Ernerma issaᴋautinga naggovoᴋ napartunik tamainik.
11Kiligartautitauvorlo tigumiartaujungnarᴋovlugo: saviksoaᴋ ila kênaksartauvoᴋ, ila, kiligartauvoᴋ tunijaksauᴋovlugo toᴋotsijûb agganginut.
12Keadlarit avâladlarlutillo, inûb erninga, inuᴋotikka pilermagit, Israêliblo angajoᴋaujungit tamaita pingmagit: saviksoaᴋ pivlugo kapiasungnersoaᴋ inuᴋotimnêpoᴋ: tamanna pivlugo sibviat tigluguk.
13Idluarsaiviᴋarpoᴋ, ᴋanoelingalârᴋâlo issaᴋaublônêt ilerasungitûb sapperpagô? oᴋarpoᴋ Nâlegaᴋ Nâlegaujoᴋ.
14Taimaimat, igvit inûb erninga, nelautailerit, aggaktit pataktorkit: saviksoaᴋ tapitarêlerle pingasuertorlune, toᴋonartomik ikkilersimajub saviksoanga: ila, erᴋanartûb, toᴋonartomik ikkilersimajûb, saviksoarivâ, saviksoaᴋ kajusijoᴋ ininginut.
15Saviksûb nuvua torârtipara iterviksoanginut tamainut, ômatingit mungorᴋovlugit, naukiutiningillo unuksiᴋovlugit. Kebleriksartauvoᴋ ᴋaumalaᴋtut, kênaksartauvoᴋ toᴋotsinermut.
16Katsungailerit, talerpingmut aigit; sangulermît, saumingmut aigit; namullônêt kênait torârmangât.
17Uvangatauᴋ aggakka pataktoromavakka, ningaumajârneralo nâmaksititsomavara: uvanga Nâlegaujunga taimak oᴋarpunga.
18Nâlekab oᴋausingata tikilerivânga, oᴋarlune:
19Omât, inûb erninga! Titerkik apᴋutiksâk maggûk, Babilonib ataningata saviksoangata apᴋutigijungnartâgik; tamarmik nunamit atautsimit apᴋutiksaujuksauvuk; tikoartûserlugolo, torauseruk apᴋosiniub iglugasaksoarnut sangmijûb issuane.
20Titeruk apᴋosineᴋ saviksûb apᴋotigijaksanga Rabbamut Ammonib ᴋitorngangita pinganut, Judamullo Jerusalemut sôngotitaujomut.
21Babilonib ataninga nangilaungmat apᴋosiniub aviktarviane, apᴋutîk maggûk issûgingne, nelautaiviojomavlune angakoᴋtornermut: ᴋargjutit aulapait, gudingoat aperivait, tingolo ᴋemergovâ.
22Nelautaijût Jerusalemut ilingajoᴋ talerpianêpoᴋ, kautaᴋsoarmik ilijiᴋovlugo, ᴋannerlo angmarᴋovlugo toᴋotsiᴋojinermut, nippillo angijororᴋovlugit ᴋaigarsungnermut, kautaᴋsoarmik ilijiᴋovlugo upkoaᴋsoarnut, taluksat âᴋiktauᴋovlugit, sôngoviksaliortoᴋarᴋovlugo.
23Tâpkoale (Judit), angermaringnermik angilauᴋtut tâpkonunga (Kaldêerinut), nelautailukangniojorilârpât: tâpsomale (Nebukadnezarib) idluitulineᴋ erᴋaumajautipâ, tâpkoa tigujauᴋovlugit.
24Tamanna pivlugo imâk oᴋarpoᴋ Nâlegaᴋ Nâlegaujoᴋ: Idluitulinise erᴋaumajautinapsigik, tapanise ulernairtaungmat, piniarnipsingne tamaine idluitulinise saᴋᴋijarmatta, piniarnipsingne tamaine idluitulinise saᴋᴋijarmatta; erᴋaumajaugapse ila, tigujaulârpose aggangnut.
25Igvillo idluitotit toᴋonartomik âniatitaujotit, ataniojotit Israêleme, uvluksat tikisimavoᴋ, naggatiksab pidlartauvingata neliuningane; imâk oᴋarpoᴋ Nâlegaᴋ Nâlegaujoᴋ:
26Nessarlugaᴋ pêrsâruk, niaᴋôtik pêjartaule: tamanna taimailingajungnailermat; alleᴋ ᴋagvertitaujomârpoᴋ, poᴋtojorlo poᴋilititaujomârpoᴋ.
27Mumiklugo, mumiklugo, mumidlaromavara: tamanna taimailingajungnailârivoᴋ, tâpsominga peᴋartuksaᴋ tikerᴋârtinago, tâpsomungalo tunijomârpara.
28Igvillo, inûb erninga, nelautailerit oᴋarlutillo: Imâk oᴋarpoᴋ Nâlegaᴋ Nâlegaujoᴋ Ammonib ᴋitorngangit pivlugit, mitauteᴋarningillo pivlugit; oᴋarillo: saviksoaᴋ, saviksoaᴋ amujauvoᴋ, ᴋebleriksartauvoᴋ toᴋorainermut, nungutsiᴋovlugo, ᴋaumalaᴋtut ilingaᴋovlugo;
29Takotitjutinik sulingitunik takoneraitilugit ilingnut, saglonernik oᴋartilugit ilingnut, ilijijomavlutit idluitulijut toᴋonartomik âniatitaumajut ᴋongesinginut, tâpkoa uvluksangat tikisimavoᴋ, naggatiksab pidlartauvingata neliuningane.
30Pônganut pôtuinarmiuk. Nuname pingortitauvigilauᴋtarne, nuname inûlervigilauᴋtarne, erᴋartoromavagit.
31Kaningaumajârneralo kovijomavara ilingnut, ningaumajârnima ikomanga supôrdlugo ilingnut: pititsomavagillo angutit nâpkiningneᴋangitut agganginut, asseroinermik ilisimajut.
32Kejuksatuinaujuksauvotit ikomamut; erᴋaumajauniatsangilatit: uvanga Nâlegaᴋ taimak oᴋarama.
ទើបបានជ្រើសរើសហើយ៖
Hesekiel 21: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.