Hesekiel 11
11
1Anernerublo uvanga ᴋangatarpânga âpângalo Nâlekab iglungata itertarvinganut taununga sângajomut; ahâglo, itertarviub upkoanganêput angutit 25; tâpkoalo ᴋerᴋane takovakka Jâsanîa, Azzurib erninga, Pelatialo, Benaiab erninga, angajoᴋaujuk inungne.
2Oᴋautivângalo: Inûb erninga, ukkoangovut angutit idluitulinermik erᴋarsartut atanertuiluktullo iglugasaksoarne ukkunane.
3Oᴋartullo: Igloliorviksaᴋ neliutingilâᴋ? Iglugasaksuit makkoa ukkusiovut, uvagullo nerᴋêjauvogut.
4Taimaimat nelautaivigikit, ila, nelautailerit, igvit inûb erninga.
5Nâlekablo ânanauningata tupvigivânga, oᴋautivângalo: Oᴋarit: Imâk oᴋarpoᴋ Nâlegaᴋ: Taimak oᴋarsimavose, ilipse Israêlib ᴋitorngangit; anernipse issumangit ilitarigapkit.
6Toᴋotase iglugasaksoarne ukkunane unuksitilauᴋpase, tataivoselo apᴋosineâlunginik toᴋotapsingnut.
7Taimaimat imâk oᴋarpoᴋ Nâlegaᴋ Nâlegaujoᴋ: Toᴋotase ilijase iluanut, tâpkoa nerᴋêjauvut, iglugasaksuillo makkoa ukkusiovut; ilipsele anititaksauvose tagvangat.
8Sivôralauᴋpose saviksoarmik: uvangalo saviksoaᴋ tikiutijomavara ilipsingnut, oᴋarpoᴋ Nâlegaᴋ Nâlegaujoᴋ.
9Tagvangalle anititsomavapse, tuniluselo takorngartat agganginut, erᴋartorluselo pidlaromavapse.
10Saviksoarmut oggotiluselo erᴋartoromârpapse Israêlib kiglingane: ᴋaujijuksauvoselo uvanga Nâlegaugama.
11Iglugasaksuit ukkua ukkusiojuksaungilat ilipsingnut, ilipselônêt nerᴋêjaujuksaungilase tâpkonane; erᴋartoromârpapse Israêlib kiglingane.
12Kaujijuksauvoselo uvanga Nâlegaugama: arvertalaunginapse perᴋojakka maliklugit, pinialaunginapselônêt idluarijamnik, pinialaurapsele inôᴋatigêksuit avatipsingnêtut nâmagijanginik.
13Taimaglo nelautailertilunga, Pelatia, Benaiab erninga, toᴋovoᴋ. Pâmakterpunga tagva, nippeᴋortovlungalo ᴋaigarsukpunga: Kappê, Nâlegaᴋ Nâlegaujotit! Israêlib amiakungit nungumarigomavisigîk?
14Nâlekablo oᴋausingata tikipânga, oᴋarlune:
15Inûb erninga, ᴋatangutitit, ila, ᴋatangutitit ilagijavît angutingit, Israêliblo ᴋitorngangit ilûnatik, ila, ilûnamaritik, tâpkoangovut Jerusalemiut oᴋarvigijangit: Ungasidlaritse Nâlekamit; nuna tamanna uvaptingnut tunijaumangmat perᴋutauᴋovlugo;
16Tamanna pivlugo oᴋarit: Imâk oᴋarpoᴋ Nâlegaᴋ Nâlegaujoᴋ: Kaningitomut nûlauraloarapse inôᴋatigêksuit akornganut, siamartilauraloarapselo nunanut, sulle katimaviksârsôjomavunga ilipsingnut nunane tikivigijapsingne.
17Tamanna pivlugo oᴋarit: Imâk oᴋarpoᴋ Nâlegaᴋ Nâlegaujoᴋ: Inôᴋatigêksoarnit katersoromavapse, nunanillo siamartitauvigijapsingnit katersoromârpapse, tunitjivigijomavapselo Israêlib nunanganik.
18Tikituksaulârpullo tagvunga, pêjalârpaillo maᴋojungnartut naggonartullo tamaita tagvangat.
19Tunitjivigijomârpakkalo ômamik atausiojomik, anernermiglo nutâmik ilipsingnut pititsijomârpunga; ômallo ujaraᴋtun-itoᴋ uvininginit pêjaromârpara, tunitjivigilugillo ômamik uviniojomik;
20Arvertarᴋovlugit maligaksauᴋojamne, perᴋojakkalo nâleklugit piniarᴋovlugit: inuᴋutaujuksauvullo uvamnut, uvangalo Gudeojomavunga tâpkonunga.
21Ipkoale arvertartut naggonartut maᴋojungnartullo ômatingita tussugijangit maliklugit, tâpkoa apᴋotingit tikiutijomavakka niaᴋunginut, oᴋarpoᴋ Nâlegaᴋ Nâlegaujoᴋ.
22Tagva kerubit isarotik issivitipait, aksaloallo seninginêput; Israêliblo Gudingata ânanauningata ᴋolangiarpait.
23Nâlekablo ânanauninga ᴋongmuarpoᴋ iglugasaksuit ᴋerᴋânit, miporlo ᴋaᴋᴋame iglugasaksuit kitânêtome.
24Anernerublo ᴋangatartipânga, tikiutilungalo takotitjutikut Gudib Anerninganit pijokut Kaldêamut, aularutijaulauᴋtunut.
25Tagva aularutijaujut oᴋautivakka tamainik Nâlekab unertutigijanginik uvamnut.
ទើបបានជ្រើសរើសហើយ៖
Hesekiel 11: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.