Hesekiel 10
10
1Takosarpungalo, ahâglo, aulangitome kerubit niaᴋungita ᴋolânêtome takuksaujoᴋarpoᴋ sorlo ujaraᴋ pivianartoᴋ ᴋeblâlâjoᴋ, ilutseᴋartoᴋ iksivautaᴋsoangojârtotut.
2Angullo imna, ᴋaᴋortamik annorâlik, oᴋautivâ: Iterit aksaloat aksakâdlartut akornganut, kerubib atânut, aggaktillo tatakit aumanik ikomalingnik kerubit akornganit, katararkillo iglugasaksoarnut. Iterporlo takonârtilunga.
3Kerubille iniᴋarput iglub seniane talerpiane angut itermat; nuvujarlo tataivoᴋ avaluliorsimajomik ilulermik.
4Nâlekablo ânanauninga ᴋangatarpoᴋ kerubimit, iglub sânganut nûlune; iglolo tatatauvoᴋ nuvujamut, avaluliorsimajorlo tatatauvoᴋ Nâlekab ânanauningata ᴋaumajoᴋsôninganut.
5Kerubillo isarungita suluksungit tusaksauvut avaluliorsimajoᴋ silardleᴋ tikidlugo, sorlo Gudib ajugaᴋangitoᴋsôjub nippinga oᴋarmat.
6Imaiporlo, angut imna, ᴋaᴋortamik annorâlik, perᴋongmago, oᴋautilugo: Tigusilerit ikomamik aksaloat aksakâdlartut akornganit, kerubit akornganit, iterpoᴋ tagva, nangerdlunelo aksaloat ilangata seniane.
7Kerubelo issakpoᴋ kerubit akornganit ikomamut kerubit akornganêtomut, tigusilunelo tagvangat, tunilugolo angutib ᴋaᴋortamik annorâliub agganginut; tâpsomalo tiguvâ anilunelo.
8Kerubinelo takuksaujoᴋarpoᴋ sorlo inûb agganginik isarungita atâne.
9Takosarpungalo, ahâglo, aksaloat sittamat kerubit seningine, aksaloaᴋ atauseᴋ kerubiub atausiub seniane, aksaloarlo tâpsoma assia kerubiub tâpsoma asiata seniane; aksaloallo tautuᴋarput ujaraᴋtut pivianartotut Tarsisib ujarangatut.
10Takonârlugillo tâpkoa sittamat ilutseᴋarput adsigêktomik, sorlo aksaloaᴋ aksaloab tâpsoma assiata iluane.
11Ingerarmatta, sângajamingnut sittamanut ingerarput; sangulungilat ingeraramik, niaᴋungitale takonârvinganut tagvunga ingerarput; sangulungilat ingeraramik.
12Timingillo ilûnatik, tunungillo, aggangillo, isarungillo, aksaloangillo tataput ijinik ilûnâne, aglât tâpkoa aksaloangit sittamat.
13Aksaloangit taijauvut tusâtilunga: aksaloanik aksakâdlartunik.
14Ilûnatiglo kênaᴋarput sittamanik: sivorleᴋ kerubib kênanga, aipâ inûb kênanga, pingajuak loevib kênanga, sittamangat nektoraliub kênanga.
15Kerubillo ᴋangatarput: tamannauvoᴋ ômajoᴋ takolauᴋtara kôngme Kêbareme.
16Kerubillo ingerarangata, aksaloat ingerarput seningine; kerubillo isarotik issivijarangamigit nunamit ᴋangataromavlutik, aksaloat sangungilat seninginit.
17Tâpkoa noᴋarangata ukkoa noᴋarput; tâpkoalo ᴋangatarangata ukkoa ᴋangatarivut ilagilugit: anerneᴋ ômajutaujoᴋ tâpkonanêngmat.
18Nâlekablo ânanauninga anivoᴋ iglub sânganit, noᴋarlunelo kerubit ᴋolâne.
19Kerubillo isarotik issivipait, ᴋangatarlutiglo nunamit anigamik takonârtilunga, aksaloallo seninginêput; noᴋarpullo Nâlekab iglungata itertarvingata taununga sângajub upkoangane; Israêliblo Gudingata ânanauningata ᴋolangiarpait.
20Tamannauvoᴋ ômajoᴋ takolauᴋtara kôngme Kêbareme; ᴋaujivungalo kerubiongmatta.
21Ilûnatik atunit kênaᴋarput sittamanik, ilûnatiglo isaroᴋarput sittamanik; isarungitalo atâne pitaᴋarput sorlo inûb aggangititut.
22Kênangitalo tautungit tâpkoangovut kênat takolauᴋtakka kôngme Kêbareme, tautungillo ilutsingillo; ilûnatiglo sivumut ingerarput.
ទើបបានជ្រើសរើសហើយ៖
Hesekiel 10: LIHB08
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Labrador Inuttitut Heritage Bible © Canadian Bible Society, 2008.